يتبع الجزء 3
رضا تغدد وتععصب ولا كي شي ثور هاايج خرج كايصوني على يسرى مكتجابوش عيا يصوني شوية يجاوبو ناصر
- مالك نتا مصدعنا
- فين يسرى الحمااااار
- هييييه بلا تخصار الهضرة يسرى عيااات بزااف مسكييينة عييتها متصورش جسمها شحال مثييير
- ( غغغوت بجججهد ) غغغغنقتلك الحمااار لاحديتي شعرة منها
- ههههههههه ضحكتيني جيتي مععطل اسي ماشي غي شعرة جسمها كااامل لعبت فيييه والغريب فالامر انها حتا هي عاااجبها الحاااال نااري شحال كتعرف تبووس ماسخيتش ولاكن عييت وصاف
-الى كنتي رااجل قولياا فييينك
- هههههه باغي حتا نتا شوية د ... خليها خليها حتا لغدا راها عيااناا شربت بزااف
- انا ممتيقش
- اجي شوف بعينك
عطاه العنوان مكملتش 3 دقايق حتا كان وصل دفع الباب لقاها عريانا فوق الناموسية مغطيا غي ب ازار وديخااانا بدا يقلب على ناصر لقاه هرب قرب عند يسرى
- تفووو عليك العاهرة تفوو عليك متستاهليش حبي ليك كرهت النهااار لي عرفتك فيييه هادشي لي تستاهليه غير يلعبو فيك الرجااال تفووو عليك
ناض كسيرا اول مرة كيبكي بديك الحرقة دخل لدارو وهرس كاع الكادرات ديال التصاور ديالها لي فدارو قطع اي حاجة متعلقة بها حتا تهد وكلس فالارض وشد فراسو وبدا يبكي ببببجهد بواحد الحرقة كبييرة علااش ايسرى علاااش شنووو درتليك ديري فيا هاكاااا بغييتك من كل قلبي الى طلبتي روووحي كنت غانعطيهليك وباش بدلتيني بكلب الخلا فضحك و شوووهك علاش ايييسرى علااااااااش بدا يتفكر كاع دكرايتهم وضحكا ديالها بدات تسمع فودنيه حتا كان غادي يحماااق هاكا دوز هاد الليلة غي فالبكا صبح بكري ناض جمع حوايجو ومشا لواحد الفيرما بعيييدة مابغا يشوف حتا شي حد
اما يسرى مسكينة لي ماجيبا لدنيا خبار عااااد كتفيق من النعااس
- اااي راسي فين انا اويلي شهاااد شي
تصدمات مسكينة وعرفات بلي ناصر مول الفعلة بكاااات بزاااف على سداجتها لبسات حوايجها وخرجات كي شي وحدة حمقة شعرها منتوف ومكياجها كامل مجخطن دايرا كي شي متشردة وصلات لدارها دوشات وبدات تحاول تفكر اش وقعلها وللكن اخر خاجة تفكراتها هي انها كانت مع ناصر بغا يقولها شي حاجه على خوها وهي تغغيب
بقات شحال وهي مدابزا مع داكرتها ولاكن بلا جدوى صلات ودعات الله يفك هادشي على خير جا لبالها رضا بدات تصوني عليه ولاكن لقات تيليفون طافي قالت غيكون مقلق مني خرجت ومقلتهالوش وتمنااات ميكونش شافها فديك الحالة حلات سكايب وهدرات مع خوها ياسر لي مكتخبي عليه والو عاودتلو كلشي ونصحها باش تصبر قالها غير يسالي خدمتو يجي ينتاقم ليها من داك الحقير د ناصر هضرتها مع خوها هدناتها شويا عيطات لشركة وعلماتهوم بلي مريضا وخدات كونجي النهار كامل وهي مبلعا عليها فالدار حتا كتسمع الدقان
- حبيبتي يسرى فين غبرتي عليا البارح
- (انا غي شفت صفاء بداو ينزلولي الدموع ) صفااااء حبيبتي دخلي دخلي
- اواعدي مالك كايكما دابزتو نتي ورضا
- هئ هئ كتاااار اختي ( بدات تعااودليها من اللول)
- اوووف يا ختي عليها كنقولو ماالو انسحب من ديك المشروع وسافر اخ ديييك الحماااار مكنتش نسحابو هاكداك
- كييفاش
- اه راه صباح شفتو طلب انسحب قال بلي غيسافر لبرا
- الله ياخد فيبه الحق لععب فيااا وهرب
- و رضا فين راه
- اختي كنصوني طافي التيليفون معرفت اش واقع كنخاف يكون شافني فديك الحالة
- يييي لا متقولييهاااش
- خايفا اختي انا منقدش نعيش بلا رضا غنحمااااق
- اووف الله يستر شوفي رتاحليك هاد الاسبوع و رضا دابا يبان مديريش فبالك والله حتا تأزمت معاك خصرتيلي الخاطر
- لا متقوليش هاكاك سمحيلي اختي مخليتش فرحتك بخطوبتك تكمل
- ما تقوليش هاكاك شحال من يسرى عندي يالاه دايرا مع الياس نتغداو مجموعين سمحيلي نخليك غانبقا ندوز عندك
- سيري اختي الله يسعدكم
- اامين
نرجعو ل ناصر لفالمطار د هولاندا
- الو الزين
- ناصر علاش غبرتي عليا خليتيني مشوشة شنو وقع
- ههه ماتخافيش الكتكوتة كوولشي داز كيبغينا انا ساليت خدمتي بداي نتي خدمتك دابا
- الله شحال فرحتيني واخيرا قدينا نفرقوهوم .. ناصر ياك كلشي تحت السيطرة ؟؟ عنداك نتفضحو
- لا كوني هانيا انا غنغبر حتا تنسا شويا وغنرجع نطلب السماحة و نزااوك هههه و حتا الكارسون لي قدم ليها المشروب و البنت لي تكلفت تكدب على رضا راني مخلصهووم مزيااان متأكد مغيفضحوناش داكشي علاش كوني مهنية نتي خدمتك هي تقربي من رضا فهاد المحنة ديالو مسكين وخليه يشوف فيك ديك شي لي حيدتو ل يسرى الشرف و الكرامة و بالاخص سمعي كلامو غادا تربحيه
- صافي كون هاني حسبو ولا ديالي
- يالاه تهلاي فراسك وعلمني بالجديد
دااازت اسبوع والهاتف درضا مطفي عند يسرى حيت بدل النمرة يسرى رجعت لخدمتها رضا رجع من السفر بعد ما تهدن و مشا لدارهوم
- الواليدة
- الله اولدي ومالك على هاد الغبرة خلعتيني عليك
- كنت عندي واحد الخدمة ضرورية فينو الواليد
- راه كيقرا القرآن فالجردة
- نمشي نشوفو توحشتو
جا خارج كتلاقاه ليلى
- رضاا علا السلامة فين كنتي غابر
- كان عندي شي شغل
- اه مزيان انا جيت نشوف خالتي فاطمة
- اه دخلي راها لداخل
مشا عند باه
- با الحاج
- ولديييي رضاا زيد اولدي زييد تووحشتك اولدي
- حتا انا ابا خليتي بلاصتك كونت باغي نتلقاك وشدتني الخدمة راك عارف
- عااارف اولدي بنتي ليلى الله يجازيها بالخير جابت ماماك وجاو جابوني
- ااه اوا على سلامتك
- يالاه اولدي دخل نتغداو
- واخا يالاه
دخلو لقا ليلى شداتها ماه تغدا معاهوم وجاتها من الجنة وناس بدات دير فيها ظريفة ودور مهنا ومنها علييه
- الواليدة انا ماشي كتسناني الخدمة
- سير اولدي الله يرضي عليك
- الواليد تهلا فصحتك وشرب دواك فالوقت
- كون هاني اوليدي سير وتهلا فراسك وفخدمتك و وسع الخاطر اولدي وووسع الخاطر
- واخا الواليد خليتكم على خير
مشا لخدمتو هو يتفكر هاد النهار عندو اجتماع مع الشركاء ديال دار العجزة لكيبني تفكر غايلقا تما يسرى هو تأزم
- اووف كيغندير نتحكم فراسي ومنفرشخلهاش الرااس يااا ربي تصصبرني الحاجة الوحيدة لي غندير هيا منعبرهاش ومنعطيش لوجودها قيمة اصلا مكتستهلش قح .. بحالها كتستاهل يمسحو فيها الرجلين ويزيدو .. الله يخليك ليا الواليدة لي كنتي ديما دعي يبعدو عليا ولاد الحرام .
نرجعو عند يسرى لي فالمكتب ديالها مع صفاء و الياس
- يسرى : معرفتش علاش قلبي مقبوط عليا
- صفاء : يمكن حيت غايجي رضا الاجتماع
- يسرى : حاااسة بلي هاد النهار مغيخرجش على خير
- الياس : يسرى فكري شوية ايجابي يمكن غي شداتو شي خدمة داكشي علاش غبر
- يسرى : ياااربي ميكونش شافني فديك الحالة
- الياس : والله ا يسرى ونشدو مايفلت منيدي ولاكن هرب ولد الحرام شوفي حسبيني خوك لي بعيد عليك وقتاش محتاجيتيني انا مجود منخلي الشعرة تقيسك لا نتا ولا صفاء
- صفاء : لهلا يخطيك ا الياس . يسرى حبيبتي مابقا والو الاجتماع وجدي راسك و فاش دخلي ديري راسك مواقع والو وحاولي تفسري شيحاجا من نظراتو ليك و منين يسالي جريه وهضرو الى كان مشاف والو طلبي سماحة و برري ليه سبب خروجك خلقي شي عدر ياك كترطبي الحديد اما لاكان شاف حاولي دافعي على راسك وهاحنا شاهدين معاك وزايدون لاكان تيبغيك
لكان تيبغيك غادي يتيقك ويوقف معاك
- يسرى : اوكي اختي
وصل وقت الاجتماع كولشي دخال الا رضا ماجاش بقات تدور فعينيها تخلعات عليه لتكون واقعالو شي حاجة عياو يتسناو والو
- المدير : انا بانليا موسيو رضا مغاديش يجي خليونا نبداو الاجتماع
شوية وهو يدخل
- رضا : سمحولي على التاخير
دخل وكلس ماداهاش فيها بقات تشوف فيه وهو ممعبرهاش سلاو الاجتماع جاو خارجين هي تشدلو فيدو
- يسرى : رضا وقف
- رضا : حيدي يدك متوسخينيش
- يسرى : نتا اش كتقول
- رضا : بعدي من الطريق
- يسرى : فسرلي مالك
جرها بحال شي كلبة ل مكتب ديالها وسد الباب وخرج فيها كاع داك الغضب عمرها شافتو فديك الحالة عينيه حمرين وكلو كيترعد
- نفسرلك بغيتي تفسيييير ياك تفسير الوحيد لي كاين هو خصنني نمشي ندعي الله ونشكرو ونحمدو لي بعدك من طريقي وفتحيلي عيني القحب... اشنو خاااصني انا شنوو. ( كيضرب بجهد فالبيرو و يسرى غي كتبكي ) ياااك راجل باحلي بحالو داكشي لي باغاه حتا انا عندي ولاكن صببري على راسك شوية دغيا طرتي لعععندو ياااك باش راجل هو حتا انا راجل بيه كلشي راه عندنا علااااش الخياانة علاااش اولا هو سحرك بديك زوج كلمات القح...
- رضا عافااك راه والله مااادايرا شي حااجة تيققني عااافاك راه غي لعب ( قاطعها )
- سكتيي متزيدي حتا كلمة كولشي واضح نتي ديك ليلة زوقتي ولوحتي حجاابك غيي ليه انا كاع مسمعتي كلامي زايدون مشيتي بخاااطرك شافوك الناااس عركتييها شراااب وخليتيه يلعب فيك اشنو ربحتي شنو هاهو مشا وخلاك بوسخك و العار لي رسمو على جبينك .. هاكا كنتي كدوزي هاد 3 سنين من راجل لاخور كان عليا فافران نرد البااال لتصرفااتك ولاكن انا كي الحمق قلبي لي تححكم فياا كرهتك و كرهت النهار لي بغييتك فيها كنت نحسابك شريفة وطاهرة صدقتي غي موسخة الخلا
- لا انت ميمكنش تيق هاادشي انا رباتني جدتي احس( قاطعها)
- سككككتي ماتجبديش الحاجة الحمد الله ملي ماتت كو كانت حية كو جيفت راسها اش درتلييك شنو لي فيه ملقيتيهش عندي ( بدا يبكي ) علاااش الخياانة علااش الغغدر
- حبيبي
- سكككتي متكوليش حبيبي خساااارة فيبك خساااارة ( بزق عليها ) تفووو عليك العاهرة ( زيرلها على راسها ) اااخر مرة نشوفك كادوري بساحتي ولا راه هاد الراس غنفرشخوليك نسااي رضا نسايني و سيري كملي وسخك انا كككرهتك حبي ليك تقلب كولو كره وجهك وليت نشمئز مننو ( دفعها حتا طاحت فالارض) سيييري الكلبة راه الى لقيتك فساحتي كنجفف بيك الارض
مشا وزدخ الباب وخلاها غير كاااتبكي فالارض .. حسات بلي مبقالها حتا حاجا تعيش عليها شوية كيدخلو عليها الموظفيين لي سمعو كولشي
- ويلي الحيرة فالحجاب كانت زعما كتمثل علينا الاخلاق ياااودي
- ويلي سمعتي كيكان كيهضر معاها باينا لقاها مع شي راجل
- راه كتشرب من الفوق كنا غالطين فيها تفو على كنس
شوية كيدخلو صفاؤ و الياس صفاء جرات عند يسرى ليكانت كتبكي وعلاين تسخف و الياس بدا يدابز مع الموظفيين
- براااا كلشي يمشي لخدمتو ويلا سمعت كلمة واحدة ناقصة على يسرى مغايعجبكوم حال برااااا
- صفاء : يسرى حبيبتي يسرى جاااوبني اليااااس ديير شي حاااجة يسرى سخفااات
هزوها وداوها لصبيطار شوية هو يخرج الطبيب من عندها
- دكتور كيدايرا حالتها
- ماتخافوش عطيناها مهدئ ترتاح شوية وتولي بيخير فقدات الوعي بسباب الضغط لي نزليها واش عند المريضة شي مشاكيل
- مشاكيل العمل وصاف
- اه اوا ردو بالكوم ليها يمكنلكم دخلو عندها فاش تفيق وحاولو ما امكن تبعدوها على الصداع واي حاجة تبرزطها
- اوكي دكتور شكرا
دخلو عندها بقاو معاها حتا بدات تفيق
- ( بصوت ثقيييل ) رررضا ررضا مدرت والو رضضا تيقني
- صفاء : حبيبة علا سلامتك
- يسرى : فينو رضا انا مدرت والو
- صفاء : عاارفين احبيبتي حتا رضا دابا يعرف الحقيقة ويجي حتا لعندك
- الياس : صفاء عندها الحق نتي بريئة ودابا ضهر برائتك دابا ديها فصحتك ورجعي لينا بيخير وانشاءالله كولشي غيتقاد
بقاو معاه حتا خرجوها وصلاتها صفاء لدار ومشات عند المدير باش تطلب ليها كونجي
-موسيو نقد ندخل
- وي صفاء دخلي اش كاين
- جيت على حساب يسرى فقدات الوعي ودينها لسبيطار و الدكتور طلب منها الراحة داكشي علاش ديناها لدار راها مغاتقدش تخدم هاد الاسبوع
- المدير ( تخلع ) مال بنتي ؟؟ اش وقع ليها
- بنتك ؟؟
- ها !!ااا ب بغيت نقول فمثابة بنتي مالها ياك لاباس
- مم( حست بشي حاجة ماشي تالهيه ) لاباس خاصها غي ترتاح شوية
- شنو سباب لي فقدات الوعي
- دابزو هي و خطيبها
- رضا !!
- ونتا امسيو كنتي عارف رضا خطيبها
- ها !!اه اه قالهالي
- امم وانا مهم انا نمشي نكمل خدمتي اموسيو
مشات وخلات المدير يهضر معراسو
-اااوف عاوتاني تخاصمو ولاكن شنو السبب اوا الخطة لولا نجاحتلي ديال افران وجاو مصالحين ودابا كيغانديرلهوم لا ضروري مندير شي حاجة على قبل بنت ختي لي بقاتلي من عائلتي
- الو سي يااسر
- الو خالي كيداير
- لاباس سي يااسر يسرى عاوتاني تفارقو
عاتاني تفارقو هي ورضا اش غنديرلهوم دابا
- كنت عارفها يسرى عاودتلي كولشي
- ففهمني اياسر
- خالي حسن هادشي مكيتقالش فالتيليفون انا غدا غادي نجي وندوز عندك نتا الول
- واخا اولدي نشاءالله
- رد البال ليسرى بين ماجيت واخا
- كون هاني
نرجعو عند رضا لي راه فدار واليديه حيت كيدوز كلا نهار
- الواليدة كاين شي عشا
- ولييدي موووجود لي تشهاها خاطرك نطيبوها
- لاهلا يخطيك الواليدة فينو الوالد
- راه فالصالون
- واخا نمشي نسلم عليه .. الواليد مسالخير
- مسلخير الوليدي الله يرضي عليك كداير مع السربيس
- واحنا مسلكين
فاطمة : نوضو تعشاااو
كلسو يتعشاو
- فاطمة : ولدي اوا ها باك جا خلينا نمشيو نخطبو ليك ليلى هادا هو الوقت المناسب
- الحاج : اه اوليدي ماك ماقلت عيب
- رضا( تتزير ولاكن هدا هو الحل لي بقالو باش يخرج يسرى من قلبو ) اهاه لي درتها انا معاكم فيها
- فاطمه ( زغرتااات ) ااسعدي بوليدي وغانشوف ولييييداتو
- رضا : غاتشوفيهم الواليدة الله يطول ليكم فالعمر حتا تشوفو ولادي و الاد الادي
كملو العشا وتافقو غدا يمشيو يخطبوها رضا كان متمني كو كانت يسرى كان غيييطير بالفرحة لاكن تجري المياه بما لا تشتهي السفن ملي ليلى ماشي ثقييييل لعندها وصل نهار الخطابة جا عند واليديه باش يوصلهم
- فاطمة : لواه اوليدي لبس عليك نيشان راك عريس ماجاتش تخطب بحوايج الخدمة
- رضا : وخلاااص اوليدة الى غي على عمي كريم و ثورية راهوم عارفيني
- الحاج ( شدلو فكتفو ) ولدي لا مابغيش هاد الزواج راه مزال مدرنا فطاجين ماتحرق
- رضا : لا اوليد بااغي يالاه نمشيو
طريق كاملة هو ساااكت و الحاج حاااس بيه اما فاطمة كانت فرحانة ليلى خلات راسها تبان كي شي ملاك
نرجعو عند يسرى لي غي كتبكي حتا تنفخوو عينيها كتشوف فبيسي تصاورهوم وتبكي ومع كل صورة كترجع بداكرايتها لديك اللحظة تفكرت كيفاش كان يغير عليها تفكرت كيفاش كايخاف عليها تفكرت كاع اللحظات لي عاشتهوم معاه كانت غاتصطا بالبكا و سخفات مرة اخرى ونزلاتلها الكشكوشة من فمها .. كايقولو العشاق كيحسو ببعضهم .. غير هي طاحت و رضا كان غيدير كسيدة وشد فراان قووي وبدا شاد على قلبو
- فاطمة : مالك اولييدي ياك لاباس
- رضا : والو الوليدة قلبي تقبط وصاف
- قاطمة : هادا غي التوتر اوليدي
يسرى طااحت وغيباات فالوقيتة لياسر جاي عندها لدار عيا ميدق والو فتالي دخل من باب الكوزينة حيت عارف الدار مزيان كاتبانلو طايحة كان غيحماق هزها كي شي هبيل وداها لسبيطاار غي شافوها طارو عليها داوها لقاعه العمليات ياسر بقا كي الحمق كيميشي ويجي كيتسنا شي خبار
نرجعو عند صفاء و الياس لي فشركة
- صفاء والله حتا بقات فيا يسرى مسكينة متستاهلش هادشي
- كون تشوف انا كنتفكرها كنتقطع من قلبي يسرى هي ختي لي مولداتهاش ماما
- ضروري ماخصنا نديرو شي حاجة من بقاوش مربعين يدينا وكنتفرجو فيها كتنهار
- اه عندك الحق ولاكن اش بيدينا نديرو
- انا غنمشي ناخد العنوان دخدمة درضا ونهضر معاه نفهمو الموقف على الله نقدر نغير شي حاجا
- اه الياس غاديرها زوينة شوف سارة تعطيك العنوان
مشا الياس خدا العنوان ديال رضا مشا سول فيه فالخدمة
- سلام وعليكم وكالة د رضا البناني هادي ؟
- اه ديالو اسيدي اش حب الخاطر
- بغيتو هو كاين
- لا اسيدي رضا خارج
- بغيتو ضروري ممكن تاصلو بيه
- واخا سيدي تفضل كلس لهيه
نرجعو عند رضا لي مشا يخطب ف ليلى هو محااملش راسو خاصو غير اتفك
- الحاج : اوا اسي كريم ولدي راه هو ولدك وراه كبر قدام عينيك و ليلى بنتك حسبها فدار باها
- كريم : اسدي الى كانو باغيين بعضياتهوم انا معندي اللهم يسر
- الحاج : اوا فاطمة فينهي تغزغريتة ديالك
- فاطمة : يويويويو
- رضا ( صونالو التيليفون ) سمحولي الخدمة خاصني ضاروري نجاوب . الو
- سي رضا واحد السيد كيتسناك قال بغاك ضاروري
- واخا انا جاي ... سمحولي ضاروري خصني نمشي( بغا غير امتا يخرج )
- الحاج : لا ولدي راه مزال متفهنا على والو
- رضا : لي درتوها الواليد انا معاكوم فيها
- كريم : خليه الحاج خدمتو هي لولا
مشا رضا وصل لقا الياس كيتسناه فالمكتب ديالو
- صيفطاتك ليا
- لا ارضا مصيفطني حد جيت حيت شايف المنكر بعيني ولابد مندير شي حاجه
- اش غدير
- رضا البنت مادارت والو
- نتا مشفتيهاش بعينيك ا الياس انا لي شفتها كيف كانت دايخة وعريانا وحالتها كطلع القلب وزايدون راه مشات بخاطرها
- ميمكنش دير يسرى هاكا هانتا قلتيها بفمك كانت ديخانا
- بالشراااب اسي بشراااب راه كان مزلع عليها وريحتها كتعطعط بالشراب عااادرك ايلياس غتكون حتا نتا كلاتلك مخك بكدوبها وديك الوجه البريء
- لا انا يسرى كككنعرفها مزيان ( قاطعو )
- وانا كنت كنعرفها قبلك
جا يهضر هو يصونيلو التيليفون
- وي صفاء
- اليااس اجي دغيا يسرى راها فالخطاار داها خوها لسبيطاار
- اااشنو مالها ياك لاباس
- راه هبطليها الضغط ولاكن هاد المرة بزاف وقعلها نزيف داخلي
واحد نص ساعة نكمل القصة هادا هو النص
مشاو لقاو ياسر وصفاء كيمشيو ويجيو مخلوعين عليها رضا بدا يحاول ما امكن يخبي ديك الخوف لي كيحس بيه من جيهتها وشي حاجه لداخل كاتقوليه الى بغات روووحي نعطيهليها
- الياس : صففاء اش وقع مالها يسرى
- صفاء ( كتبكي ) يسرى عندها نزيف داخلي راها فغيبوبة والاطباء مزال معاها لداخل الى وقعت شي حاجه ليسرى انا غغنحمااق
- الياس : متبكييش تهدني مغيوقع ليها والو نشاءالله
- ياسر ( كيشوف فرضا ) نتا هو رضا
- اه انا هو نتا شكون
- اممم كيف ما وصفتك ليا .. انا خوها
- ياسر ؟ .
- كتعرفني
- هضراتلي عليك بزاف
- ونتا هو الياس بلا شك
- اه انا هو ...ياسر خويا على سلامتك متصورش شحال كانت كتهضر عليك وموحشاك عاودلي اش وقع ليها مسكينة
- والله ماعرفت اخويا انا جاي فرحاان نشوفها و نا نلقاها طايحا فالارض و كشكوشتها خارجه هزيتها بلاعقل لهنا هوما يشدوها وهانتا كتشوف مزال معطاونا حتا خبار
- صفاء : الله على ختي متستاهلش هادشي لي كوقع فيها والله متستاهل
- رضا : الله يشافيها الى كانت شي خبار علموني خاصني نمشي ( بغا يمشي قبل ميفضحوه دموعو)
- ياسر : كنت غالط فيك ارضا
- رضا : اش كتقصد
ياسر : ( كلس فالارض وبدا يهضر ودموع فعينيه ورضا غير كيسمع)ديك البريق لي كان كيبان فعينين ختي ملي كانت تهضر عليك و ديك الضحكة لي كانت كترسم على شفايفها فاش كتفكرك كنت تخيلك عاطيها حححب كبيير حب حاتحاجا متعزعو ولا تغيرو كنت نقول الحمدالله ختي لقات لي عوضها علي واليديها ولاكن جا النهار لي قاتلي تطلقتو بقيت حيران كيفاش اختي ولاكن .. وعلاش .. راه ميمكنش .. متيقتهاش كل ماكنت نجبدلها الكلام عليك تسرح بخايلها عرفتها باقا كتبغيك قررت باش نرجعكوم ومانخليكمش تعدبو حيت عرفت هاد الطلاق هو فقط نتيجه عنادها وقلت ديك السيد مسكين مكاين لاش يتضلم قررت نرجعكم عندي خال واحد لي مكتعرفوش يسرى بحكم المشاكل لي كانت بينو وبين جداتنا قتليه يخدمها عندو حتا هو كانت عزيزة عليه بزاف ولاكن مابفاش يدير المشاكل مع جدة ورفض داك الساعة شدوني المشاغيل بزااف وكنت ماكنهضرش معاها حتا قاتلي جدة ماتت جيت و دفناها ديك الساعة عاد قبل خالي حسن برادة يخدمها بقات خدامة تما وكنفكر كيندير نرجعها ليك حتا لواحد النهار كنت كانشوف فالانترنيت ليقتك داير اعلان باغي مهندس يتكلف بمشروعك تما حمدت الله وشكرتو وقلت هادو حبهم هو لي باغي يجمعهم هضرت مع خالي وتافقنا باش يعرض عليك تبني مشروعك عندو باش نلاقيوكم دار رحلة وسيفطكوم بجوج وصينا مول لوطيل يخليكم فغرفة وحدة باش تقربو من بعضياتكم وكان كل نهار تيتصل بيا مول الفندق باش يعطيني خباركم نهار قالي صافي راهوم مصالحين فرححت بزاف و منين جات ختي هضرت معايا شفت نفس الفرحة رجعت ليها بدات غي كتعاودلي متححمسة وكانت كتنقز بالفرحة قاتلي اخوويا كابغييه بزاااف اخويا دعي معاياا نبقاو ديما مجموعين فرحححت بزاف فاش عرفت غادي تزوجو قلت الحمد الله غادي تجمعو مرة اخرى نصحتها بزاف تبعد على عنادها حتا لنهار ليقاتلي خوويا انا حياتي ضاااعت اخويا راه واحد السيد لعب فيااا وخايفا يكون شافو رضااا تما كانت كتبكي بزاف قلبي تقطع عليها قررت نجي باش نجمعكوم مرة اخرى وللكن اكتشفت بلي هاد الشخص لي كتبغيه ختي ميستاهلش ... ميستاهلش ضحي على قبلو ...
- رضا ( كلس حتا هوا حداه ) خويا انا مقدرك وعادرك ولاكن نتا مشفتيهاش فديك الحالة .. نتا مشتيهاش كي كانت مزوقه فالحفل ومتوترة بحالا باغا دير شي حاجه ... حتا من حجابها لاحتو .. هاديك ماشي يسرى لي كانعرف كوكانو لعبو عليها كاع ميشوفوها ناس خارجه فرحاانة معاه كوكانو لعبو عليها كاع متقولي غاديا لحمام وتغبر .. لا اخويا لا ختك ضحكت علينا كاملين
- ( ياسر ناض ضربو بيونية حتا طيحو ) بببزاااف عليك نتا كتبغي ختي نتا !!! نتا مكتعرف حتا شنو هو الحححب كوكننتي تبغيها كو ثقتي بيها الحب راه ثقة اسي رضااا الحب شي حاجه كبببر من انك تغييير عليها الحب توقف معاها ف الحلوة والمرة لنفرض مظلومة غتسمح لراسك ؟؟
- مصاااب كو كانت مظلومة ولاكن لاا
- ( زاد ضربو ) برااا خرج منهنا ونسااا ختي نساااها غير كن هاني ختي غير تبارا غانديها معابا وعمرك غاتشوفها هادشي كان عليا نديرو شحااال هادي خررج منهنا براااا
- الياس : ( جا كيجري ) مالكوم اش واقع
- ياسر : خررج هادا منهنا ولا غندير فيه شي جريمة
- رضا : هانا خاارج
رضا خرج ركب فطوموبيلتو كسيراا و قف حدا واحد الجبل و بدا يبكي كي شي وليد صغييير حتا كان غيحماق بقا تما حتا ضلام الحال و رجع فحالو لدار
نرجعو عند يسرى لي مزالا كتقاوم باش تعيش
- الياس : صفاء غاتكوني عييتي سيري لدار رتاحي دابا نعلمك الى كان شي جديد
- صفاء : لا ا الياس انا نبقا مغنخليش صاحبتي بوحدها
- ياسر : الياس عندو الحق صافي هاحنا هنا غير سيري ترتاحي
- صفاء : علموني باش ماكان صافي
- الباس : كوني هانية
( مشات )
- الياس : خويا ياسر سمعتك كتهضر مع رضا وقلتليه بلي سي برادة خالك واش هادشي بصاح
- اه اخويا سي حسن راه خالنا الوحيد يسرى كاع مكتعرفو حيت فرق على جدة قبل ما تزاد يسرى غير انا لي بقيت عاقل عليه واخا ناضو بيناتهم المشاكل و حتا ماما الله يرحمها كانت مانعا علينا نهضرو معاه كانو مقلقين منو بزااف حيت اعتابروه مسخوط الواليدن بسباب مشاكل عائلية هو خرج البرا يدير مشاريعو وحتا انا مشيت لبرا نقرا تما تلاقينا كنت عزيييز عليه شحااال عاوني ..فاش ماتو واليدي موراها بشي عام رجع كمل اعمالو هنا فالمغرب كان كيشوف يسرى وهي كتكبر غي من البعيد كنا عزااز عليه بزااف
- سبحاان الله وديما كان مهتم بيسرى كتر حتا كنا كنغيرو منها صفاء قاتلي بلي راه تخلع بزاف فاش قاتلو مريضة وقال بنتي . صفاء بحالا فهماتو
- يسالي هادشي و تخرج ختي على خير نوضحو كولشي نشاءالله انا قررت نديها معابا لبرا
- انشاءالله هاهو الدكتور خارج
- ددكتوور قوولينا عافاك مالها
- دكتور : انا معندي منخبي عليكم جهدنا راه درناه حبسنالها النزيف ولااكن
- يااسر : ولاكن شنوو ختي ماتت يااك
- دكتور : لا باقا عايشة غير هو دخلت فغيبوبة معرفناش امتا تفيق واش اليوم واش غدا واش العام جاي
- ياسر : كييفاش معرفتووش كييفاش اش خددمتكم نتووما ( شنق عليه ) شووف راه والله وتوقع شي حاجه لختي والله حتا نصيفكم كااااملين كتفهم
- الياس : ياسر تهددن
- دكتور : انا خدمتي كندريها الموت والحياه بيد الله
- الياس : سمحلنا ادكتوور شكرا .. ياسر تهدن يسرى مغايكون عندها والو
- انا سباااب اخوويا انا ... انا لي خلييت ختي بوحدها مع مجتمع فيه غي الوحوووش ... اش غندير الى وقعتلها شي حاجة ( بدا يبكي )
- ماتقولش هاكاك ومغيوقعليها والو نشاءالله دابا تصح وتولي مزياان متلومش راسك
- كون مرديتهاش لداك الشماتة كون كااع ميوقع ليها هادشي اخوييا عرفتي فاش هزيتها بين يدي غايبة لقيتها كانت كتشوف فتصاورهم بجوووج
- ماديرش فراسك هاد الحالة دابا ترجع لينا بيخير
ياسر تهدن وجلس فالارض بدا يتفكرها فاش كانت صغيرة
- خوويا خوويا انا خاايفة فيينك
- هاني حدااك اختي ماتخفيش عمري نبعد عليك
- خويا واش بابا وماما كيشوفو فينا دابا
- اه اختي بابا وماما راهم فالجنه لفوووق فسما وراهم كيشوفو فينا الى بكينا كيبكيو ويلا ضحكنا كيضحكو
- خويا علاش مشاو واش مغيرجعوش
- لا اختي
- هئ هئ هئ لا انا بغيتهووم جيبهوملي اخويا
- ماتبكيش اختي شوفي راها جدة غتبقا معانا وانا معاك عمري نتخلا عليك
- خويا الى طحت غتهزني ياك
- وااه اختي
- والى ضربني شي حد
- مغنخلي حتا حد يقيسك اختي
بداا يبكي سمحيييلي اختي سمحيييلي موفييتش بوعدي بععدت عليك وخليييتك بووحدك سمحيييلي
شوية كيجي حسن
- يااسر ولدي كيبقات ختك
- خالي ختي مسكينة راها لداخل كتقاوم المووت شوفوها كي ضعييفة ختي كتموت وانا مقاد ندير والو
- شوووت اولدي ماتقولش هاكاك يسرى قوية غادي تبرى وترجع لينا واش هنا بوحدك
- لا معايا الياس يمكن مشا يجيب شي حاجه
- فخبارو انا خالك ؟
- اه قوتلو كلشي
- صافي كولشي دابا يبان
بداو يشوفو فيسرى من الجاجة لي كولها خيوووط ناعسة ضعيييفة لونها شاحب وجهاز الاكسجين فنيفها
- شوف اخالي ختي شوف لي كانت بحال شي فراشة شوف الاميرة ديالي ناعسة لهيه كتستنجد بالحياة
- ششووت دابا تولي مزيان انا متيقن غاترجع لينا .
نرجعو لرضا دخل لدارو جثة بلا روح تكا فوق الناموسية وبدا يتفكرها نهار شافتو بالفوطة و غمضت عينيها ونهار مبغاتش تركب معاه بدا يتفكر كاع شنو دوزو... لا يسرى لا ضلمتيني بزاف وقسيتي على قلبي عارفك مكتبغينيش الله يشافيك وتنوضي بالسلامة شوية كيسمع الدقان
- ليلى ؟؟ اش جايا ديري هنا
- هاء واش عيب نجي نشوف خطيبي
- لا ولاكن عيان وباغي نعس
- غاتخليني واقفة فالباب .
- زيدي دخلي عافاك مبقايش تجي لهنا راكي عارفا الجيران كيهضرو ماعندي ماندير بصداعهم
- ماشغل حد فينا وزايدون راحنا قراب نتزوجو ( صونا تيليفونها كان ناصر وخافت ليكون عندو شي خبر خايب ) هادي ماما كتصوني ضروري نجاوب
- سيري راه البالكون من الباب دالكوزينة
بقا كالس شوية بغا ينوض يشرب
- نااصر علاش كتصوني كنقولك ماتعيطش فهاد الوقت
- علاش اكتكوتة نسيتي شنو جامعنا
- صاافي شنو كاين
- يسرى راها فسبيطار
- فسبيطار علاش مالها
- معرفت بغيت نسولك نتي
- انا باش غنعرف هاد يسرى دايلك مالها تخلي غي رضا فالتيقار تمووت ولا تحيا
- عندنا واحد المشكلة
- اشمن مشكلة ناااصر الى تفضحنا غنمحيك من هاد الدنيا
- تهدني مالك غير البنت ولات كلا مرة تهددني
- اشمن بنت ! لي كلفتي تكدب على رضا بانها شافتها خارجا فرحانا !
- اه هي كلمرة تهدنني
- اوا سكتها بالفلوس الى معندكش نسيفطلك عنداااااك نتفضحو اناصر حنا قرابين نتزوجو ونخليلك يسرى ولاكن لا عرف رضا راه حنا لي خططنا باش يجي لقاها عريانا غنمشييو فيها
- لا كوني هانية كولشي تحت السيطرة اححح كون غي كان عندي الوقت نحاديلها ديك الجسم ماتصوريش شحال زوين ولاكن يالاه حيدتلها
يالاه حيدتلها حوايجها هو يجي ديك الثور
- شنو واش ماحاديتيش فيها كاع
- لسوء حظي لا
- اوا جاااين الايام دااابا تحاادي ويولي ديك الجسم ديالك بوحدك مهم خاصني نقطع رضا كالس فصالون
- اوكي سيري
هيا جات دور كاتلقا رضا واقف مطرطق عينيه فيها
- رضا مالك
- ( سرفقها حتا طاحت فالارض ) سمعت كوولشي ابنت الحراااام نتوما لي درتوولها هاكاك خررج منك هادشي كاامل البرغوووتة وجه النحس انا ملول مارتاحيتش ليك ( بدا يضرب فيها حتا لقات واحد الفاز وهي ضربو لراسو وطاح بقات غي كتفتف وهي تعيط لناصر )
- مال الزين ماسخاش بيا
- مشيييينا فيها انااصر مشييينا فيها رضا سمع كولشي هجم عليا كي شي حمق ونا نضربو لراسو اش غندير دابا راه طايح
- تههدني تههدني... موووصيبة هاادي شوفي غانسيفطلك دابا واخد صاحبي ديوه لواحد الدار راه عارفها ربطووه تما حتا نجي
- كييبفاش .. ولاكن الى مات
- لا مغيموتش دابا نوصي صاحبي يجيبلو طبيب مهم وصلني خبار يسرى غادا تمشي مع خوها فاش تفيق خليوه مربوط على ما تمشي ونطلقوه مهم ميلحقش على يسرى
- وامتا غاتفيق هاد يسرى
- ماعارفش ماعرفش مهم ديري اش كانقووليك غير نسالي الخدمة نجي يالاه سيفطيلي العنوان
ليلى و صاحب ناصر هزوه وداوه لواحد الخربة بعيييدة ليلى قالت لوالديه بلي عندو شي شغل وسافر اما يسرى باقا فالغيبوبة خوها ديما كالس فكرسي حداها تيقراليها الكتب لي كيعجبوها على الله تأثر وتفيق و صفاء و الياس و حسن كل النهار تيمشيو يزوروها ...دااز شهر ... رضا بدا يفيق لقا راسو فواحد البيت مكيعرفوش
- فين انا اش واقعلي .. (بدا يتفكر .) . يسرى !! يسرى حيااتي خصني نمشي عندها
شاف لحيتو لقاها كبيرة بزااف عرف راسو مدة وهو تما خرج البرا وبدا يشوف فين هو غي الجباال دايرين بيه حتا كيبان ليه واحد الراجل جاي مشا عندو باش يسولو حتا كيدق ليه واحد الشوكة وغيب هو يربطو مع الكرسي وخلاه
نرجعو عندي يسري لي مازالا مافاقت وخوها كالس حداها شادلها فيديها
هي كانت بحالا عايشا فواحد العالم اخور معاها جداها و ماماها وباباها عاايشيين مزياان فرحااانا وكتجري فالطبييعة شوية كتسمع
- يسسسرى حبييييبا فيييننك يييسرى
- رضا !! رضضضا حياااتي فيييينك
- ييسررى اجججي عععندي اجي لحضني تووحشششتك
- رضضضضضضا فييينك
حتا بدات تقول بصوت تقييييل
- رضااا رضضاا فيينك
- ختي يسرى هانا معاك ها خوك حداك
- رضااا
- دكتوور دكتتتور ختي كتفيييق
دكتور دخل وخرج ياسر لي طاير بالفرحة عيط ل صفاء و الياس و خالو غي سمعو الخبر جاو كيجريو
- خااالي ( مشا عنقو ) خاالي ختي فااقت اخاالي راها هضرااات وحركااات يديها
- حسن : على سلامتها اولدي
- الياس : ( عنق ياسر ) شفتي اش قتلييك يسرى غادا ترجع لينا
- صفاء ( عنقااتهم ) ختي رجعاات لينا متصوروش شحال انا فرحاانا
شوية كيخرج الدكتور
- شكون فيكم رضا
كولهوم سككتو
- ياسر : رضا مكاينش
- دكتور : المريضة كتعيط غي بسميتو عيطولو ضروري الى كان حداها غتحسن حالتها
- ياسر : دكتور انا خوها الى شافتني غتحسن كتر اما رضا معندها مادير بيه
- دكتور : يالاه دخل عندها راها مزالا عيانا متكترش عليها بالاسئلة عافاك
صفاء : حتا انا بغيت نشوفها
- دكتور : ميمكنش فاش تولي مزيانا دخلو عندها دابا يدخل غير واحد
- الياس : صاف احبيبة خلي خوها يشوفها بلاتي دخلي نتي
دخل عندها ياسر شدلها فيدها
- ختي الحبيبة الاميرة ديالي هاهو خوك حداك
- ييياسر خويا جيتي
- اه اختي علا سلامتك ملي رجعتي لينا تخلعنا عليك بزاف
- خوياا فين رضا بغيت رضا
- دابا يجي اختي دابا يجي رتاحيلك دابا
- خوويا قليه انا مدرت والو
- واخا ختي رتااحي
بداو يدخلو بالواحد يشووفوها كاع الموظفيين جاو زاروها نهار على نهار كتحسن وتولي مزيانا كلا نهار كدير ترويض ويدورها خوها فالجردة دالمستشفى متفارق عليها حتا نهار كيوكلها وشربها ويقرالها القصص حتا تنعس و صفاء و الياس ديما يجيو يضحكوها عرفت بلي حسن خالها و بدات كتحسن ملي شافت رضا كاع مسول فيها وعاودلها خوها كولشي شنو قال حقدااات عليه وحلفات متسامحو حيت مثاقش بيها واخا عاودلو ياسر كولشي بدات تقول بلي كان باغي غي السبة خصوصا ملي واحد المسمومات فالشركة قالولها خطب بنت صاحب باه تما تيقنات بلي كان غي كيقلب على السبة باش يتزوج ليلى بقات تحاول تكرهو وتحيدو من قلبها .اما رضا مسكين غير يفيق المجرم كيضرب ليه ابرة ويرجع يغييب... وصل النهار لي غتخرج فيه يسرى
- صفاء : الله على حبيبتي غترجع ليينا
- الياس : يسرى كولشي توحشك
- ياسر : يالاه طوموبيل علا براا زيدو
داوها وكان حسن موجدلها حفلة فالدار كتسناها و كلشي الاصدقاء و الجيران استقبلها و كاع الموضفيين فررحت بزااف واخا مرا مرا كتفكر رضا والماضي ديالها ولاكن خوها كان حداها وعاطيها امل اخور فالحيااة دوزو الحفلة وداها خوها ترتاح
- ختي عمرني غنتفرق عليك
- متصورش شحال توحشتك اخويا
حتا انا اختي كون طراتلك شي حاجا كونت غنحماق
- خويا قلي الصراحة ماجاش سول فيا حتا نهار
- بغيت اختي نفرحك و نقولك جا ولاكن لا .
- صاف اخويا اصلا دابا غيكون فشهر العسل
- كيفاش
- قاتلي وحدة خداما معايا بلي خطب
- اوا شتي اختي يالاه نسايه دابا ويالاه معايا لهولاندا نعيشو حياة جدييدة ونخليو الماضي مورانا ( ضحك معاها ) هولاندا اختي فيها رجال زويييين ههههه
- ههههه باركا عليا غي خويا حدايا مابغيت حتا حد
- غدا غنبدا نوجدلك وراقك منهنا اسبوع نمشيو واخا اختي
- واخا اخويا
داز ديك الاسبوع جمعت حوايجي ودعت صفاء و الياس وخالي بالكشااايف باش طلقت منهوم انا كنبكي وهما تيبكيو
- صفاء : ( كتبكي ) ختي يسرى واااعدني غاتبقاي تهضري معايا
-( يسرى معنقاها كتبكي ) ونا نقدر يدوز نهار منهضرش معااك فيه رااك نتي ختي
- هئ هئ معامن غنبدت نصبح كلا صبااح معامن غانمشي نتغدى لا اختي منقدش نبقى فديك الخدمة الا شفت شي وحدى اخرى فبلاصتك نحماق
- صاافي اختي عافاك وزايدون غي تبغيني نجي عندك كااانطيير والله واصافي مسحي دموعك
-( الياس شد صفاء ) صاافي اصفااء كتهضري بحالا معمرها غترجع .. غير توحشيها احبيبة نديك عندها
- يسرى : الياس تهلا فصفااء يعطيك الستر
- الياس : كوووني هانيا صافاء نديرها فعينيا غي توصلي حلي سكايب نهضرو وعنداك ماتجيش فالعرس
- ياسر : اووو نتوما باقين كاتبكييو واصااافي يالاه ايسرى خاصنا نمشييو
- حسن : ( عنقها ) بنتي تهلاي فراااسك وكولي مزيان ردي لبال لراسك ولخووك
- وااخا امسيو هههه تهلالي فصفاء و الياس
- كوني هااانيا
- ياسر : يسرى سربي
- يسرى : صفاااء بااايبااي تهلاي فراااسك الياااس بسلامة
مشاات ودموعها فعينها خلات مورااها نااس عطاتهوم ليها الدنيا عوضوليها لي داتهم .. خلات من موراه بلاد عاشت فيها الحب و العداااب و المرض و الفرااق خلات كولشي موراها ومشات لبلاد معرفا اش كيتسناها فيها شادة فيد خووها وهي كلها امل تبدا حياة جديدة زيرات على قلبها لي فكل دقة كاين اسم رضا فيه . ... وصلو دخلت لدار عجبتها بزااف خوها كلا نهار كيخرجها يوريلها البلايص و يعرفها على صحابو .. اما رضا باقي كي الميت تحت القبر ينعس اسبووع هو يفيق و دكولو شوكة ويرجع انعس اسبوع ،داز شهر ... حتا لنهار خرجات يسرى معا ياسر يتغداو برا فواحد الريستورا على البحر .. مشاو وهي تشوف واحد ملاميحو مغرابينش عليها كالس و مدور بيه الزعرااات وناااشط غي عقلاتوو بداات تغوت وترعد
- ختي ماالك
- ناااصر اخوياا ناااصر
- تتهدني فين هو
- رااه مول البودي حمر
انا غنوريه ماتخافيش انا معاك تسنايني هنا
- لا اخووويا عافاك يالاه نمشيو
- شوووت متحركيش مبلاصتك
مشا عندو دار براسو باغيه فشي حاجة بدا يدي ويجيب معاه فالهضرة حتا دخلو لطوموبيل وعيط لصاحبو يجي يدي يسرى لدار .. داه لواحد بلاصة بععيدة وبدا يخخرج فيه كاااع ماداز على يسرى حتا كان غيموتلو بين يديه
- دوي الزاا... علاش درتي فختي هاد الحاالة حسابتك معندها حد
- طلللق مني ختك كانبغيها
-( زاد ضربو ) سسسسسكت متجبدش ختي على فمك لي كيبغي مكيعدبش
- ماشي انا لي عدبتها .. رضا هو لي معدبها انا رااه والله مقست فييها كنقسم ليك ماحاديتها
- اوا علاش درتي لها هاد اللعبة اش كنتي باغي
- بغيت غي نفرقها على رضا بغيتها تكون ديالي
-( زاد ضربو ) ععمرها لاكانت ليييك عمرها
- اوا ملي انا خسرت فهاد اللعبة بغيت حتا شريكتي تخسر
- شنوو ؟؟ اشمن شريكة
- ( بدا يعاودلو )
- وفين رضا دابا
- راه مربووط فواحد الدار خارجه على المدينة
- من امتا هو تما
- هادي 4 شهور
- اشنو !! واش نتوما ماعنكم ضميير 4 شهور والسيد غايب عطيييني العنوان
عطاه العنوان ياسر عيط على حسن و الياس خرجو رضا من ديك الحالة وداوه لسبيطار
- حسن : دكتر طمنا عليه
- دكتور: واش درتو شكاية عند البوليس
- حسن : لا مزال
- دكتور : راه المريض فحالة خطييرة عطاوه جرعات د المسكن كثيييرة الدماغ ديالو متحملهاش وممكن يتصاب بشلل وفأي لحظة نقدو نفقدوه
- حسن : دكتور دير الازم
- دكتور : علمو واليديه خاصني الموافقة باش نديرلو العملية
الياس تكلف بواليدين رضا قالهم لقاوه طايح فالزنقة كيما كدبو على الطبيب جابهوم ماه غير شافتو بدات تغوت والحاج كيصبر فيها
نرجعو لهولاندا
ياسر طلق من ناصر بعدما اعتدر منهوم وركع عند رجليين يسرى وقال انو مستعد يقدم راسو لبوليس و يعتارف بكولشي ... ياسر خبا على يسرى بلي رضا كان مشدود .. حيت الى سمعاتو مريض غاتبغي تمشي وهو خاف على ختو تعدب مرة اخرى . صونا لخالو وهو يعاودلو
- وكيبقا دابا
- مسيكن حاالتو حالة منعرف شنو كانو كيضربولو فالشوكاات حتا تأثر الدماغ ديالو
- مسكيين رغم هادشي كولشي بقا فيا هو وختي ضحية ديال هاد المجرمييين لي لعبو بيههم كيف بغاو
-كون تشوف واليديه غايحماااقو واش قلتيها ليسرى
- لا خايف على ختي تعدب منقدش نخسرها مرة اخرى غير خليها راه بدات تنساه وحتا هو دابا يناسها
- لا اياسر منضلموهومش هاد الجوج كيبغيو بعضياتهوم بززاف حبهم وهو لي خلاهم متشبثين بالحياة يسرى كانت ضحية وحتا رضا ضحية . انا متأكد كو كان مامخطوفش غيبات كولا ليلة عند يديها انا ليهزيتو فوق كتافي كان ففمو غي يسرى خلينا نعطيو فرصة لحبهم يشع من جديييد بلا منظلموهوم كتر ما ضلماتهوم الدنيا راهوم تعلمو من اخطائهوم بما فيه لكفاية
- خالي يمكن عندك الصح القدر لكان جامعهوم شكون انا نفرقهوم ... يمكن فاش يشوفها تحسن حالتو مهم نتا علم واليديه وعاودلهوم كلشي خليهوم يربيو ديك الحقيرة وانا دابا نجيب يسرى
يسرى حبيبتي
- هانا اخويا اش كاين
- كلسي نهضرو
- واخا الله يسمعنا خير
- ختي سمعني مزياان وتهدني حتا نكمل هضرتي
- هضر اخويا خلعتيني
- يسرى غانرجعو المغرب
- وعلاش
- ( عاودلها كولشي )
- خووويا نوووض ديني دابا منقدش نصبر حتا الغدا لوقعتلو شي حاجه غنحمااااق هاادشي كولو بسبااابي انا لي مسمعتش لكلامو انا ليعطيت فرصة لداك الحمااار يقرب مني
- تتهدني حتا واحد ما سبب نتوما بجوج ضحية تهدني
- خوويااا رضا راه هوو حياااتي هو رووووحي منقدرش نعيش بلا بيه
- صافي تهدني نوضي نجمع الحوايج غدا نسافرو غير انوض هاد رضا ديالك وندير لختي عراسيا اكادييير كاااملة تبقا حالا فمها
- ارا غير يتشافا
مشاو شدو اول طيارة وصلت مشات ديريكت لصبيطار لقات ماه وباه حدا الباب محستش براسها حتا طااارت وعنقاتهم وبداو يبكييو
- فاطمه : ( معنقاها بججهد وكاتبكي) بنتي يسسسرى هادشي كامل وقعلكم ونتوما سككتين
- الحاج : علاش ابنتي ضلمتو رااسسكوم كنتو غاتكونو دابا اسعد زوجيين علاش خليتو حبكم يتعدب هاكدا
- يسرى : الحياااة ابابا الحااج الحياااة لي بغات تعطينا درس هي لي بغات تورينا ان الحب ماشي هو غي كانبغيك وانما تصبر و تقاااوم و ضحي و الاهم هو تيييق فهاداك لي كتبغي
- فاطمة : انااا انااا لي كنت غااندخل لفعة لداااري انااااا سباااب اناا سبااب لي ولدي راه فهاد للحااالة
- يسرى : شششتتت اماما فاطمة الى كان شي حد سباب راه هو انا
- الحاج : نعلو الشيطان و استغفرو حتا واحد ما سباب هادشي بغاه الله بلاصت متلومو فراسكوم دعيو مع رضا ينوضلنا بسلامة..
بقاو هاكاك عند الزاجه كيدعيو الله ينووض و تنجح العملية الياس دار شكوى وشدو ليلى و ناصر فالحبس على فعايلهوم كريم وثورية اعتادرو بالنيابة على بنتهم حيت واخا بنتهم خرج منها هدشي كامل واليديها ناس مزياانين طلبو السماحة وهما حشمانيين ... صفاء غي معنقة يسرى وكتهدن فيها ياسر كيهدن ف فاطمة و حسن واقف مع الحاج كيواسي فيه حتا خرج الطبييب
- يسرى : دككتور رضا غيعيش ياك ادكتور
- فاطمة : هضر اسي طبيب ولدي راه مزيان
دكتور : تتهدنو تتهدنو مكين لاش تخلعو سي رضا طلع قوي ما كنت نتخيل تحداا الموت ودابا العملية نجحات غير افيق من البنج دخلو تشوفوه
بداو كل وااحد تيعنق لاخوور بالفرحة ودموع فعينيهم وكيحمدو الله شوية هوما يخرجوه من غرفة العمليات فوق السرير المتحرك و هي تبعو يسرى شادالو فيدو : رضضضا حياااتي انا معااااك عمري نتخلا عليك
شوية جا الدكتور وشد فيدين يسرى وكلشي كيسمع
- انسة يسرى انا راه عشت معاكم كل مكتعانيو معارفش اشنو خلاكم فهاد الحالة ولاكن حبكم معمري شفتو .. نتي كنتي بقيلك خطوة على المووت كتنادي غير بسميتو قاااومتي وتشبتي فالحياة على قبلو غير فقتي بديتي تنادي بسميتو تاني اما هو النهار لي دخلتي فيه لهنا شفتو كيكان تيبكي على برا بعد مادابز مع خوك كان كيبانلي محطم و تاالف كيبكي بحرقة كبيرة جا عندي لمكتب ركع على رجلو وترجاااني نقد حياتك قالي :
- دككتور عافاك لاكنت محتاجة للقلب خود ديالي عطيهلها .. لبغات عيني خوودهوم .. وحتا رووحي ديها وعطيهالها مهم نقدها ما تخليهاش تموت كااانترجاااك رجعها لحياااه رجعلها ضحكتها و ابتسامتها
- سي رضا انا بيدي ما ندير وحتا نتا مبيدك مادير الحاجة الوحيدة لي نقدو نديرو هي ندعيولها تقوم بالسلامه
مشا وخلاني حيراان عمرني شفت شي حد فديك الضعف هاداك
ملي جابوه تاني هو كان كيقول سميتك عطيت وعد لراسي الى منجاحتليش هاد العملية نتخلى على الطب فالمرة كانت اهم عملية فحيااتي حيت كنت غانبقا طول عمري ندمان على هاد الحب لي تفرق كان لداخل فغرفة العمليات حتا لواحد اللحظة كنا غانفقدوه مابقا فيدي مندير وكنشوف بلي خط حياتو قريب يسقيم مشيت شديتلو يدو قتليه بلي يسرى برا يسرى كتسناك تفيق باش تكملو طريقكم بجوج نتا مضعيفش لهاد الدرجة تخليها فنص الطريق وتمشي حس بكلامي وشفت الخط تموج من جديد ورجع قلبو يدق قلبو لي فيه نتي .. ( يسرى دموعها سااايلين وكلها كترعد ) يسرى الى كان رضا باقي عايش فهو عايش غير بسبابك نتي .. الى كان قلبو باقي كيدق فهدا غير حيت فيه نتي فكل دقة كاينه نتي حاافضي علليه شدي بيديه وزيدو القدام راه ملي الموووت مفرقاتكمش حتا حجا خرا عندها القوة تفارقكوم حبكم راه اقوى
يسرى غي كمل كلامو وهي طااارت عنقااتو وبداات
تبكي كي شي بنت صغييييرة تلاحت فحضنو وهو كدالك بدا يبكي وكلشي كان كيبكي
-دكتور : سيري سيري لعندو شدي فيديه بغيتو يفيق على وجهك حيت غيتحسن دغيا مسحي دموعك يالاه سييري
مشاات كتتتجري وكتفكرو فاش كان يغير عليها كتفكر الحضن ديالو والقبل ديالو تفكراتو بكل تفاصيييلو دخلات لعندو شدات فيديه ودارت راسها على صدرو
- رضا حياتي انا حداك
بقات شحال حتا حسات بيه زير ليها على يدها
- حبيبي هانا معااك
- ( صوت ثقييل ) يييسسسسسسرى
- هانا احياتي بشوية عليك
- يييسرى سسسممممححح ححح ييلي
- شووووت انا مسمحاك احياااتي غير نوضلي بالسلامة
- ( شدلها فيدها بجوج ) راه قتليك عمرهم يتفارقو هاد اليدين
-( بدأت تبكي ) لا احيااتي عمرهوم يتفرقو كنبغيييييك احبي
- انا كتتتر.
- يالاه خاصني نخرج باش دخل ماماك تشوفك
- واش عرفت كولشي
- اه عاارفا كولشي احبيبي كولشي كيتسناك على برا
خرجت من عندو ودخلات ماماه يسرى مشات عند خوها
- خوويا انا جايا
- اجي فين ماشيا
- دابا تعرف
دخلو عندو كاملين وطمنو على حالتو
-الياس : على سلامتك اصاحبي خلعتينا عليك
- رضا : الله يسلمك فينهيا يسرى
- ياسر : ههههه واش حنا كاااملين مقديناكش
-صفاء : يسرى هرباات اخويا
شوية وهي كادخل يسرى
-يسرى : هانا جييت
- رضا : فين كنتي احياتي
يسرى ركعات على رجليها وقدماتلو الخاتم
- يسرى : رضا البناني .. انا يسرى مستور كنطلب يديك قدام كاع صحابنا باش تكون زوجي على سنة الله ورسوله متفرقنا حتا حاجة نتجمعو على الحلوة والمرة واش قااابل
كوولشي بدا يضححك
- رضا : نووضي اديك الهبييلة راه انا لي خاصني نطلب يديك
- يسرى : انا معندي فين نزيد نصبر واش قاابل
- هههه وعايني بغيت 4 دالمليون فصدااق وديريلي عرس فاااعل تااارك و تديني لتركيا ندوز شهر العسل
كووولشي بداو يضحكو رضا عنقهاا وزييرها لعندو ودارو الخواتم الفرملياات و الدكتوور كولشي بداو يصفقو ليهم فاطمة غير كتبكي بفرحتها و ياسر فرحااان لختو ملي رجعتلها الضحكة
رضا البطل ديالنا بدا يتحسن كلا نهار تجي يسرى ضحكو شوية وتخرجو يتمشا حتا ولا لاباس جاو هي وياسر يخرجوه فاش وصلو لدار واليديه لقااو كولشي العائلة مجمووعه وكيتسناوهوم قال الحاج لكلشي
- سمعوني مزيااان ليوما داري كتشهد جوج فرحات الفرحة لولا شفاء ولدي والفرحة التانية زواجو ب يسرى الملاك لي سيفطولينا الله دخل الفرحة على دارنا ... يسرى طلعوها سكدولها النكافات لبسوها تكشيطة فالبيض وفولار ديالها لامتمشي تزبلها عاوتاني هههه جات كي شي اميرة . طلع عندها خوها يهودها بقا فاتح فموو
- واااو على الاميرة ديالي ليوم رضا يهبل
- هههه كون تحشم
هودها لجردة هو كان لابس كوستيم رمادي جااا كككيحمق قطعو لاطارت وشطحو كولشي كان ناااشط حددو نهار العرس و الصداق هو ينوض رضا شد الميكروفون
- سمعووني كااملين ليووم انا اسسعد واااحد فدنيا ربي جمعني بحب حياتي فالحلال .. يسرى انا كنواعدك قدام كاع هاد الناس طول ما انا عااايش غنخليك فكل لحضة سعيييدة مغنخليش دمعتك تسيييل مزاال غنحطك فعينيا ونعوضك على كل ما داز عليك .. يسرى قدام كولشي كنطلب منك السمااحة حيت متقتش بيك هادا درس كبييير ليا تعلمتو لي كيبغي كيتيق فكلام حبيبو .. يسرى. قدام كاع هاد الناس كنطلب منك شدي فيدي ومطلقيهاش حتا نديرو ولادنا ويكبرو ونزوجوهوم ويلدو لينا حفاااد ... حياااتي كنبغيك
كلشي بدا يصفق يسرى عنقاااتو شوية هو يقوليهم بلي بغا يغني اغنية ل حبيبتو ( نسيييت مقتلكم صوتو وااااعر ) غاناليها اغنية كتعحبهوم بجووج
ماعااارف اشنوو فييك خلاني نموت علييك عااارف حاااجة واحدااا بلي كااانبغيك ضمني بين ايديك قووليلي كاانبغيك مارااضي بحتا وحدا ماراضي الا بيك عمري قلبي تانبغيك يعني عمري مانخليكالى مشيتي فيوم علياا انا اشنو باقي ليا
انا كولي ملك ايديك قوليلي كيف نرضييييييكخودي اغلا حاجا فيا خودي روحي وشتك فيه هادا وعدي احبيب طول معااايش غادي نعييش ولا المووت بقات تديك ديري ايدي اانا فيديييك هادا وااعدي يالحبيب طول ماعااايش غادي نعييش ويلا الموووت بغاات تديك ديري ايدي انا ف اديييك ( تحية لقرراها باللحن ) كولشي بداا يصفق وشي كيبكي وشي فرحاان وهاكا كملت قصة رضا و يسرى دارو عرس من داااكشي مشاو دارو العمرة و رزقهم الله بجوج ولاد وبنيتة .. جاد و اياد و وداد .. صفاء تزوجات ب الياس عندها توام .. يسرى ونورة و راحا حاملة .. ياسر استقر فالمغريب واليوم عرسو
يسرى : حييييب ديالي
-رضا : اااشنو ياك كنقولك اجيني متالي
- عافاك احبيبي بغيت نمشي حتا انا مع مرات خويا لكوافورة
- سيري شكون حيدليك
- واهوااا مبقااتش فسيري
- صافي الولاد نقابلهوم انا
- واامابقاااتش فالولاد
- اواا وشنو بغيتي
- بغيت حتا انا نسكد
- دوووزي تصقري مسسستحيل
- وااا انا مكنعرفش نصكد بوحدي المكياج
انا نسكد ليك
- وااخلاص
- حياتي منستحملش يشوف فيك شي حد
- ههههه ضحكتيني والله حتا ضحكككتني ايحساابتك باقا شابة ههههه واشكون غيديها فيا وانا جاد غيجبد منهنا يبغي يرضع و اياد خاصني معاه سبردينة ماشي طالون و وداد بلا منقوولك
- ههههههه خرجو فيييك ومزال نزيييدك ولاد
- اوووو يا مولانا فين عندي نزيد هادو مشيبيني
- اياد : ماامااا فيا جوووع
- وداد : ماااامااا بغيت نمشي معاك حتا انا لكوافولا
- جاد : وااع وااع
- يسرى : لا اوليدي هضضر حتا انت .. حمد الله باقي صغير عععلم الله اش غتبغي حتا نتا .. وسيرو عننند باااكوم
- رضا ( كيموت بالضحك ) هاكاك اولادي زييدوها عاد قالك بغات تسكد راااسها هههههههههه
اوا ها نتوما كاتشوفو الحب ديالي فين وصلني هههههه ولاكن مكاين ماحسن تجمع نتا وحبيبك فالحلال تصبرو و ديرو وليداتكوم واخا واعرين انا لي مقبلاهم طول لوقت مخداما مرداما مرة مرة كنمشي الافران نطل على دوك المسنين مساكن كنشوف فهم جدة ... نوصيكم على الثقة ثم الثقة حيت الحب له ساقان الثقة و الاهتمام اد فقد احداهما فهو حب اعرج
شكرا حيت تبعتو معايا قصتي
- ماااااماااا
هههههه بسلامة بسلامة خليوني نشوف هاد العفارت مالهوم
النهااااااااية