قصة الصفقة - قصص مغربية بالدارجة - رائعة جدا الجزء 2



  الجزء 25
**قصص أم طه**
فتحت عينيا لقيت راسي فبيت النعاس..عرفت من الخدمة(نفس المرة الكبيرة)انني سخفت والطبيب كان عندي..
الخدامة:بنتي راه الطبيب..خرج ليك هاد الدوا ..انا غاديا نقابلك حتى تبراي..تفكرت ماما وبقيت نبكي..كاع معيط عليهم غادي يكونوا تخلعوا عليا وبورطابلي مطفي هند غاتكون غادي تحماق..بقيت نبكي وهي تمسح ليا دموعي:صافي ابنتي طيبتي ليا قلبي..
أنا علاش تيدير ليا هكدا؟؟!!شنو عملت ليه؟؟ باش أذيتوو!!
هي:بنتي انا ماعارفة والوو..ولكن سي يوسف حنين معرفتش مالو؟؟واخا قاسي وتيغوت قلبو بيض
انا:هداك احقد انسان شفتو فحياتي..الله يلقيها ليه !!الله ياخد فيه الحق..بغيت ربي يغصبو فحياتو..كيف ماغصبني!!
وبقيت نبكي ونتخنصص..فديك اللحظة دخل..وبديت نترعد خفتوو يكون سمعني..
دخل مخنزر كيف العادة..مي زهرة شافتو وخرجات قرب لعندي:سمعيني مزيان..الى بغيتي تعيشي معايا سالمة..نفذي الأوامر..وسدي داك الفم ولا نهرسو ليك..الطبيب للاسف عطاك سيمانة راحة..يعني من ورا هاد السيمانة غادي تقومي بواجبك كأي مرة مزوجة..تطيبي ليا ..وتصبني ليا ..تنظفي الدار..وحتى البهايم تنظفي ليهم..وعاد فالليل نلقاك مقادة ليا..فهمتي؟؟؟!!
انا :كيفاش البهايم؟؟انا عمري عرفت لهادشي قاطعني معلوم متعرفيش!! اش غادي تعرف بنت عائلة تربات وهي غير تتأمر وكلشي يكون بين يديها!!؟؟غادياااااا تعلمي فهمتي..هادي هي الخدمة لي وافقتي تخدمي عندي...زائد اهم خدمة غادي تديري..وهي تقابلي واحد السيدة كبيرة ومريضة..لي هي عجوزتك ..!!وهديك الى فرطتي غير شوية معاها..فغاديا تجبدي على راسك نار جهنم...واااش فهمتي!!؟؟
ايوا تدوز هاد السيمانة..منسمع منك حتى كلمة..مي


الجزء 26
**قصص ام طه**
هزيت راسي بالايجاب قرب لعندي وشد ليا فوجهي حتى بديت نشم ريحة نفسوة سخونة فوجهي:ايوا هاهو جا لي يربيك..اسليلة البناني..وخرج وخلاني..

معرفت شنو قصته مع عائلة البناني. بديت نفهم. ربما عندو مع بابا شي حساب قديم ربما ربما...لكن مقدرتش نفهم..علاش تيكرهني لهاد الدرجة.. علاش متصورني ديك المفششة المغرورة..المتسلطة المجردة من الاحاسيس..قررت مع راسي ندير ليه لي بغا..باش نتفادى اي مشكل معاه..ومننساش انني هادشي بغيتو باخنياري..اكثر حاجة كنت محاملاهاش وكنشمئز متها هي العلاقة الجنسية معاه...كرهت انه يلمسني انه يقرب ليا كنت تنتمى نموت..ولا نعيش لي عشته نهار لي اغتاصبني...!!
مي زهرة مسكينة مقابلاني ورادة ليا البال..تتجيب ليا الماكلة ..والدوا..بديت نسترجع صحتي وعافيتي.وترجع ليا نضارتي..هو من داك النهار مشفتوش..حسن حيت مكنتش حاملة حتى سميتو نسمعها..
كمل الاسبوع..وقفت على رجليا والجرح التأم..خاصني نتأقلم مع وضعي الجديد قررت نبعد على المشاكل معاه..ونبدا خدمتي طلبت من مي زهرة تعاوني..واعداتني مسكينة باش تدير لي فجهدها..
فقت داك النهار بكري دوشت لبست لبسة بحال ديال الخدامات لي فالدار..ومشيت للكوزينة..وجدت ليه أتاي ..صاوبت حريشة علماتها ليا ماما..حطيت العسل والزبدة..وديت ليه الفطور للجردة..شافني تصدم حيت متوقعش:مزيان منين نضتي راسك بلا منجي عاوتاني!مجاوبتوش وتميت غادا عيط ليا:حبسيييي..واش انا قلت ليك سيري!مالكي عزيز عليك تمرضيني..حبست وحدرت راسي..وانا خايفة تجيني شي ضربة..اه احساس بالحكرة شحال خايب..احساس ميكون عندك لا حنين لا رحيم..ميكون لي وقف فجنبك..قاطعني :سمعي أولا انا ممزوجش بخدامة..حيدي عليا دوك الشراوط ولبسي شي حاجة مقادة..تانيا غاديا تبقاي جالسة معايا حتى نسالي فطوري!
تالتا كملي شغالك دغيا باش تمشي تشوفي الواليدة ونقوليك شنو خاصك تديري. ..
انا:بغيت غير نعرف ..علاش تتدير ليا هكدا؟ شنو الذنب لي درت باش حاقد عليا وتتكرهني..قاطعني بالغوات:نتي مدرتي والوو لكن لي قبلك دارووو.وحتى انا قبل منك قلت شنو الذنب لي درت!! ودابا سيري درقي عليا وجهك..مبغيتش نوسخ يدي فيك هاد الصباح..!!!


الجزء 27
**قصص أم طه**
مشيت تنجري للكوزينة..نظفتها..وجدت الغدا..طيبت طاجين باللحم..درت شلايض..وعصيرات..طلعت للبيت..رتبت ليه حوايجوو وزولت الموسخين..ديتهم للماكينة..كملت..شغلي كامل..مي زهرة تكلفات هي تنظف الكوري وطبعا بلا ميعرف يوسف ..دخلت دوشت ..نشفت ش
عري..لبست كسوة فالموف..شوية دقان فالباب..كانت مي زهرة:تبارك الله عليك ابنتي سبحان من صورك..وردة فوق الارض ..ياربي تزين سعدك مع سي يوسف راكم تستاهلو بعضكم..
انا:الدعوة لي تدعي معايا امي زهرة..هي يفكني ربي منو على خير. !!
مي زهرة:راه تيساينك ابنتي بغا يديك تشوفي الحاجة وتقابليها..
انا:مالها هاد الحاجة
مي زهرة:الحاجة مسكينة مرة كبيرة شوفها قليل ومكتنوضش مسكينة مقعدة من شحال هدي..ومؤخرا بدات تنسى شوية(علامة الزهايمر)
انا:شنو خاصني نعملا انا؟؟!
مي زهرة :غير تغسلي وتبدلي ليها.وتوكليها..تنعس صافي متتفيقش..
هبطت عندوو..وهو تياكلني بعينيه من لتحت..قربت عندوو وهو يخنزر فيا..الله ياربي واش هدا ما تيضحكش:شمعي نتيا الوالدة منبغيهاش تعرف الصفقة لي بينا..نتيا مراتي ومزوجين عن حب وتراضي فهمتي..!!؟
انا فنفسي:الله يعطيك حبوبة فاللسان..انت وجه الحب الحب بحالك متيعرفوهش..
مشينا لجناح اخر ..دخلنا لبيت كبير..مرة كبيرة..ناعسة فوق ناموسيتها ..شعرها بيض وباين عليا العيا والمرض..غير دخلنا السيد تبدلت ..تحول من وحش لملاك..ابتسم واحد الابتسامة تتدوب الحجر..وفعينيه حنان يغطي الكون..بقيت تنشوف التناقص لي فهاد السيد..قرب لعندها باسها فراسها:مي الحبيبة لباس عليك شوية اليوم؟
الام:يووسف ولدي جيتي.مسكينة مكانتش تتشوف مزيان.
يوسف:مي عرفتي شكون جبت معايا
الام:شكون اولدي
يوسف:ياسمين مراتي..قالها بواحد الحنان أول مرة منين جيت ينطق بسميتي ديما تيعيط ليا سليلة البناني.


الجزء 28

**قصص أم طه**


يوسف:ياسمين مراتي..قالها بواحد الحنان اول مرة منين جيت ينطق بسميتي..ديما تيعط ليا سليلة البناني..
الام بايديها:قربي عندي ابنتي..
هو خنزر فيا باش نجي..جيت لعندها سلمت عليها..
الام:مرحبا بمرات ولدي انا فرحانة منين ولدي تزوج وولادوو يعمرو ليا داري
انا ساكتة وجلست حداها..
يوسف :الوالسدة راه ياسمين حلفات الى هي لي تقابلك..جرات على الخدامات كاملين من الجناح ديالك..وخنزر فيا بحال الى كيتحلف فيا نقول شي حاجة .
الام شدات لي فيدي:لواه ابنيتي نتيت عروسة..دابا قابلي غير راسك وراجلك..انا الخدمات قايمين بالواجب معايا..وزيادة
هو بغا يقجني وتيتوعدني باش نتكلم:لا خالتي انا لي قلت ليوسف بغيت نقابلك ونتهلا فيك حيت نتيا بحال ماما..وانا غاديا نديرك فعينيا..
عنقاتني مسكينة:ايوا حتى انا عيطي لي ماما..تفاهمنا..!
وصراخة مكنتش تنكذب..فاش قلت ليها نتهلا فيم..حيت فعلا هي تستاحق..مرة كبيرة مسكينة ضعيفة..وباين عليها الطيبوبة..على الاقل نلقى واحد الصدر حنين نتلجأ ليه...
مشا غادي خارج..قرب لودني:تقصري غير شوية من جهتها..والله حتى نصفيها ليك..وخرج فيا عينيه
انا فنفسي:سير الله يلقيها ليك!!
مشيت عند ماما فتيحة:دوشت ليها ..بدلت ليها..بقيت نمشط ليها فشعرها..كنت تنحس باحساس زوين معاها..انا بطبعي عزيز عليا الناس الكبار وكنت منخرطة فواحد الجمعية تنزوروهم..ونتهلاو فيهم..داكشي لاش هادشي مغريبش عليا..
هو كان كيظن انه غادي يعاقبني بالشقا..وفاش نقابل موو..مشافش ان هادشي عادي مغريبش عليا.. واخا بنت الخير..موالفة مرة مرة نطيب..ونجمع الدار..
واحد الشوية دخل عندي ..لقا مو نعسات..وانا تنغطي فيها..خنزر فيا بحال محملش يشوفني مرتاحة وهادئة..
خرجت عندوو..خرج فيا عينيه:كملتي...ايوا منتغداوش؟؟!
خرجت بزربة..مشيت للكوزينة..سخنت الغدا وقاديت شلايض..حطيت ليه الغدا وجلست مقابلة معاه..
بقا يشوف فالماكلة..والشلايض..وشاف فيا باستهزاء:مكانش يحساب لي بنت البناني..تتعرف تطيب وبدا يضحك بسخرية
انا:بنت البناني بنت بحال البنات تتعرف تطيب وتنظف..وتعمل كلشي..
هو بغا يستافزني:ايوا نتمنى فالليل تعرفي مزيان وجدي راسك..هاد الليلة نشوفو شنو تتعرفي..وضحك بجهد..وخلاني غارقة فدموعي بقيت نبكي بجهد..علاش ياربي تيعذبني..تمنيت نموت ولا يعاود يقيسني..
جات مي زهرة تتهدن فيا:بنتي الحبيبة ..غير صبري دابا ربي يدير ليك تاويل دلخير..عافاك الى ماديري ليه خاطروا ..راه عصبي بزااف ..ومتيحملش لي تيعند معاه..هو حنين دابا يرجع كيف كان...
أنا:مي زهرة حاجة وحدة لي بغيت نعرف..لاش تيعدبني لاش؟؟!
مي زهرة:راه مكانش هكدا!!معرفتش مالوو!!ولكن دابا يرجع غبر صبري..
انا:معندي مندير برجوعو..بغيت غير تكمل هاد المدة..ونمشي بحالي من هنا..!!
طلعت لبيتي..دوشت ..لبست واحد الكسيوة فالبلو سيال ..وتكيت..وداني النعاس...


الجزء 29

**قصص أم طه**
طلعت لبيتي..دوشت..لبست واحد الكسيوة فالبلو سيال..تكيت.. وداني نعاس..
فيقاني صوت خبيط الباب..دخل وخبط الباب بجهد:مسكينة مموالفاش بتمارة دغيا نعستي..!!
مجاوبتوش:تندووووي معاك واش صمكة..؟؟
انا:شنو بغيتي مني نقول!!؟؟
يوسف قرب شدني من وجهي وزير عليا حتى قصحني:هضري تكلمي ..مالكي زيزونة..شوية بدا يشوف ليا فعيني..وجهي..وهبط لعنقي..شوية انقض عليا بكل وحشية..حاول نستسلم باش منجيبهاش فضلوعي..لكن الالم كثر مني..عاد حيا ليا جروحي ..بقيت نغوت وندفعو وعاد تيزيد يجعر..ويعاملني بكل خشونة ووحشية..طيحني الارض وانقض عليا...سالا غرضه..ناض مني وخلاني بحال شي كلبة..مرمية على الارض..دخل دوش وخرج ..هاد المرة مجاش نعس ..مشا للبالكو وجلس فيه..
دخلت دوشت..غسلت القذارة لي خلا فيا..ومشيت نعست..هو كان مزال فالبالكو..
مبغاش يجيني النعاس..بقيت نبكي ونتخنصص..حسيت بيه جاي درت راسي ناعسة..خفتوو يغوت عليا ولا يضربني...جا حدايا..حسيت بيه قريب من وجهي وتيتأمل ملامحي..خفت نفتح عيني..سمعتو تيتنهد:آه آه ماشي لخاطري نعذبك..ماشي لخاطري نذللك..لكن كول مرة نشوف وجهك..نتفكر كاع العذاب لي شفت أنا والميمة..مسح ليا الدموع من وجهي..وباسني فخدي..هاد المرة بوسة حنينة ماشي قاسية..وانا ديك الساعة ترفعت لعالم أخر..نسيت فيه كلشي فديك اللحظة..
تكا ..نعس..وانا حلف النعاس الى جاني..تنفكر فكلامووو..شكون عذبوا هو ومو!!؟؟ وانا شنو دخلني فالقصة...
فقت الصباح على صوت تدواشو ..قفزت وليت تنخاف غير من خيالي..خرج خنزر فيا..تفكرت بوستو ليا لبارح وحنانو وقررت نلطف الاجواء على الاقل نعيش سالمة معاه:صباح الخير
شاف فيا خنزر فيا:طلقي راسك مبقاش فطور هدا..راه غدا!!! وخرج خلاني
تفوو على متعجرف ندمت حتى قلت ليه صباح الخير
دخلت غسلت..لبست كيطمة فالكحل..مزيرة وقصيرة..هبطت نيشان للكوزينة..وجدت ليه الفطور..طيبت ليه الخليع..وأتاي..سخنت الخبز وديتو ليه..ديك السيرفيت..بينات لاطاي ديالي ..بقى تيشوف فيا ومبهوض..فاش شافني شفتو:بدا يغوت:راه الجوع قتلني انا مسالي ليك نبقى نتسناك نهار كامل!!
حطيت وجلست تنفطر معاه قررت نبقا مرة مرة نرمي ليه الهضرة:واش كتعرف بابا وعائلتي؟؟!!
صدماتو هضرتي وجرأتي:وشكون ميعرفش عائلتكم..عائلة فاسية مأصلة..كاع الناس تيعرفوهم.. وهو تيتمسخر..وزاد تيتهكم..لكن لي معارفينش الناس هو انكم انذل ناس فهاد الدنيا..
أنا مشعرتش:بزااااااف علييييك..مكاينش النذل قدك لي تيعذب ويدل مرة مدارت ليه والو

محسيتش حتى نزل عليا بطرشة شرك ليا فيها وجه وعنق..وطحت للارض

الجزء30

***قصص ام طه***


محسيتش حتى نزل عليا بطرشة شرك ليا فيها وجه وعنق وطحت للارض..
هزني من عنقي:آخر مرة نسمع حسك ..ولا تقولي شي كلمة تفاهمنا..ودابا سيري نظفي الكوري..يحساب ليك البارح..معرفتش شكون نظفو..
مشيت نيشان للكوري دخلت وتصدمت..كانت الريحة تتعيف..تخنقت وشداتني الدوخة..اصلا كانتىعندي حساسية من الروائح وتنبدا نعطس..كانوا تما شي عمال..دخلت هزيت البالة ..وبديت نجمع الوسخ ..وانا خايفة من البقر..تحنيت تنجمع ..الوسخ ..مع السروال مزير والفوقاني قصير..ضهري تعرى..انا منتابهتش..كانوا العمال حاضيني..ومبرقيين عينيهم فيا..
سمعتوا دخل لابس لباس الخيل وهاز المشوطة فيديه..غوت على العمال :خرجوووووا..انا قفزت وتنترعد..
يوسف:شنو هادشي تنشوف..!؟
انا:شننننو..مماالي؟؟وكلي تنرجف
يوسف:تبارك الله على مولات الصون والعفاف..محنية تتوري ..فورمتك وضهرك للرجال..مالكي ياكما ممقنعكش انا..!!؟؟
انا:راراني..الى رجال!؟ حرام عليك راه كنت تنظف وممسوقا لحتى حد
يوسف:نتي باغا تمرمطي بكرامتي الارض..قاعته:اشمن كرامة..واش عندك الكرامة فاش تصيفط مراتك تنكس الكوارة..عندك بدعا شي كرامة..
يوسف:تبدلوا ملامحوو وتحول لوحش هايج:نتيا راه خاصكي ترباي من أول و جديد حيت عائلتكش مرباوكش..دفعني وسط العقن والوسخ وبدا يضربني بالسوط لي فيدييه...بقيت نغوت ونزاوك ولا من يعتقني..الخدمات تيتفرجوا ويبكوا على حالي..وهو هايج وتيفرغ فيا كاع الحقد والكره..بقيت هاربة منو وسط البقر..كان واحد الثور شافني جاية نجري جيهته..وارتبك يحساب ليه غادي نآذيه..هزني خبطني مع الحيط وغرقت فدماياتي...!!!!

الجزء 31

** قصص ام طه**


هزني خبطني مع الحيط وغرقت فدماياتي..!!!!
مبقيتش حاسة بالدنيا..فقت لقيت راسي فالمستشفى..دايريين بيا الاسلاك..ومعلقين ليا السيرووم..الباندا فوق جبهتي..بقيت نبكي ونغوت:بااااباااا...باااباااا..جاو الممرضات تيهدنو فيا..مبغيتش نتهدن..حتى عطاوني حقنة مهدئة ونعست..دازت وقت طويل عاد فقت..لقيت مي زهرة فجنبي شفتها جاتني هستيرية ديال البكاء ..بقيت تهدن فيا:متبكيش ابنتي الحبيبة ..راه كلشي غايدوز..عاودات ليا انني 3 يام وانا كومة..حيت الثور ضربني مع الحيط على راسي..بقيت نبكي:راه الثور والحيوان الحقيقي هو يوسف..!!؟؟
مي زهرة:سكتي ابنتي لا يسمعك..ؤاه سي يوسف ككان خايف عليك بزااف راه منين جبناك وهو معاك هنا..!
انا باستهزاء:طبعا حيت خايفني نموت وهو يوحل ..!!
مي زهرة :لا بنتي راه ..قاطعتها:صااافي مبغيتش نسمع سميتو وحسوو..
شوية وهو يدخل ومخنزر كيف العادة لكن عينيه فيهم واحد الحزن:كيف وليتي؟؟قالها بعجرفة
انا:شنو بغيتي مني مزاال؟؟؟واش مفدكش هادشي لي درتي لي..دللتيني..ضربتيني ..حتقرتيني..وهادشي على والووو..انا درت هادشي على قبل بابا حيت مريض وقلبو على سبه..لكن الى عرف هادشي لي انا فيه راه غادي يموت ألف مرة..انا مبغيتش هاد الصفقة..صافي راجعة بحالي..وبابا ليه رب كرييم...!!ودابا خرج عليا غبر وجهك..درق كمارتك..!!
بقيت نبكي ونندب حظي..
هو صدماتو هضرتي..قرب عندي:متنسايش انكي الى رفضتي الصفقة..نتي الخاسرة..حيت غادي تخسري باك..وللابد...خصوصا فاش يعرف الصفقة لي درتي بلا خبارووو...ابتسم ليا بمكر وخرج...

بقيت نبكي ونبكي..ونندب حظي..كلاموو صحيح..راه خسرت كلشي..بلا منزيد نخسر بابا..حتى هو
تفكرت والديا..كاع ما اتصلت بيهم غادي يكونوا مخلوعيين عليا..وخصوصا هند..لي عارفا كلشي..آه يا هند اجي تشوفي ختك شنو واقع ليها..ختك فين وصلها قرارها..
بقيت فالمستشفى اسبوع ومي زهرة معايا متتفارقنيش..هو مبقاش جا لعندي..حيدوو ليا الفاصمة..طلبت مراية نشوف وجهي كان صفر وكلوو كدمات تحت عينيا زرقيين لا كحلين ..شفت وجهي بقيت نبكي ..كنت كيف الوردة المتفتحة..وليت ذابلة ومنكسرة مذلولة..قررت نسكت ونعيش تحت رجليه..ونفذ أوامروو حتى يحن عليا الله..ونتفاداه..ونتجنب اي صداع معاه..
مي زهرة قالت لي ان ماما فتيحة تتسول فيا ديما وبزااف وان يوسف قاليها مشيت نزور دارنا..!!
مسكينة حتى انا توحشتها..متصورتش ان ديك الام الحنون ..ولدات هاد الانسان الحقود المكرووه..
داك النهار خرجت من المستشفى..جا ليا الشيفوور ..وداني للفيرمة..هو معاودش وراني كمارتوو من اخر مرة..
وصلنا..كنت مزال عيانة ..طلعوني لبيتي وارتاحيت..حتى داني نعاس..!

الجزء32

** قصص أم طه**


وصلنا..كنت مزال عيانة..طلعوني لبيتي وارتاحيت..حتى داني نعاس..!!
فقت ..وحاسة براحة نسبيا..حيت مزال مشفتش كمارتوو...جات مي زهرة جابت ليا ناكل..عرفت منها ان يوسف..مشا لامريكا اسبوع وغادي يرجع..قلت مع راسي..داكشي لاش غبر كمارتووو...الله على راحة!!
المهم بديت نحس براسي ارتاحيت وصحتي تترجع ليا..دخلت دوشت ..كانوا فخادي ورجليا مصورة فيهم آتار السوط ديالوو...زدت كرهتوو واحتقرتوو...حيت كل مرة نشوف فلحمي..نتفكر انه دمر كل حاجة زوينة فييه..لبست كسيوة فالاحمر..عطات لوجهي شوية الحمورية بعد ما كان صفرا بحال الموتة..هبط لفيلا لتحت.هزيت بورطابلي واتاصلت بهند..
لي جاوباتني وهي مصدومة:ياسمين.. ياسمين..حبيبة لباس عليك..خلعتيني عليك..
مبغيتش نعاود لهند والو باش منقهرهاش..وخفتها تسرع وتعاود لبابا كلشي:الو حبيبة الحمد لله انا لباس غير تشغلت هاد الايام..
هند:راجلك شارف!؟؟
انا:لا بالعكس مزال صغير وزوين..وهو دار هاد الصفقة حيت كان تيبغيني..فايت ليه شافني ففرنسا ..معرفتش هاد الكبة واش غادي تدوز على هند حيت هي تتعرفني كثر من راسك..
هند بدون تصديق :آه مزيان..حبيبة مال صوتك
أنا:لا والو غير الريزو كيبين صوتي مبدل..يالله حبيبة نخليك..انتكلم مع بابا وماما..تكلمت معاهم..وطمنتهم عليا خبرتهم انني مسافرة مع داك السيد لامريكا على ود شي خدمة...خفتهم يسولو صحابي ففرانسا ويعرفوا الحقيقة..واو شحال وليت ممتلة بارعة فالكذوب..هاد الصفقة قتلات فيا كاع القيم الزوينة لي كنت محتافظة بيها...
مشيت..عند ماما فتيحة للجناح ديالها ..كانت متكية مسكينة وتتسبح...قربت عندها وبستها فخدها..
فتيحة:بنتي ياسمين..جيتي؟؟!!
أنا:اه اماما..وجيت عندك نيشان..جراتمي عندها عنقاتني..ومعرفتش داك الاحساس الدافئ كيفاش خلاو دموعي ينزلوا كيف الحجر...بقيت نبكي فصدرها ونبكي..بحال الى تنشكي لها ولدها..وشنو مدوز عليا...!!!
هي:بنتي مالكي..شنو عمدي فضفضي ليا؟؟ياكما يوسف قلقك؟؟
قلقني ضحكت مع راسي:آه كون تعرفي الجلاد ديال ولدك شنو دار ليا..وتفكرت الحلمة لي حلمت قبل الصفقة..هاديك كانت اشارة ..على شنو غادي يجرى ليا..
انا:والو اماما ..يوسف مدار ليا والو!
هي:غير قولي..انا عارفاه معصب..عذرييه ابنتي..راه لي شافوا فحياتوو..صعيب وميتحملوا حتى واحد..غير صبري معاه وتهلاي فيه..راه بحال شي وليد صغير..
قلت فنفسي:نتهلا فيه..انا كون لقيت السم نحطوا ..ليه..
الخدامات كانوا قاموا بالواجب مع ماما فتيحة..دلكشي لاش غير جلست معاها شوية ومشييت...
خرجت للجردة..دابا عاد اناخد راحتي ونتسارى مزيان فالفيرمة..
دخلت للكوري..وتنشوف البلاصة لي تكرفص عليا فيها..تنقلب على الثور لي ضربني ملقيتوش..
بقيت ماشية ونتسارى..واخدا راحتي..اول مرة منين جيت لهاد الفيرمة حسيت بالحرية واخا دايريين بيا الحيوط..هو كان غير وجودو تيحسسني بالسجن..عيت ورجعت للفيلا وطلعت لبيتي نرتاح ..ذ


الجزء 33

***قصص أم طه***


طلعت لبيتي نرتاح..وانا تنفكر..فكل كعلمة ..قالت ليا ماما فتيحة على يوسف..شنو المعاناة لي دازت عليه..والى هو دازت عليه..علاش يدوزها عليا انا؟؟
بقيت تنتخبط فالافكار..تفكرت ديك اللقطة فاش مسح ليا دموعي وباسني...معرفتش علاش جاتني الرجفة..كيفاش كان صوتو ديك الساعة؟؟ كيفاش كان بحال شي حمل وديع؟،لكن سرعان ما تحول لوحش كاسر..تفكرت المشوطة..وهو تيضربني بيهت..وتفكرت واحد الفيلم..كانوا السياد..تيضربوا العبيد بالمشوطة...راه مكدبتش راه فعلا وليت عبدة ديال يوسف بناني..نعست ..وانا مرتاحة حيت مكاينش فجنبي وانا تنتحرك ..كيفما بغييت..مشيت..مافقت حتى ل 11 دوشت لبست حوايجي..ومشيت عند ماما فتيحة..كنت مصرة انني نهتم بيها..حيت ولات بحال ماما..تنفجر فيها الاشتياق لماما وبابا...
دخلت لقيتها مزال ناعسة..بقيت حداها حتى فاقت..
هي:بنتي الحبيبة..نتي هنا!!صباح الخير

بستها:صباح النور..كيف صبحتي شوية لباس..
هي: الحمد لله ابنتي..راه حنا كبرنا وعيينا..البركة فيكم نتوما
عنقتها:نتي هي البركة كاملة لههلا يخطيك..
بديت الروتين اليومي ديالها..دوشت ليها. ومسحت ليها كانت ضعيفة مسكينة غير كميشة..ولي استغربت ليه هوما علامات وطبايع كحليين فرجليها ..نشفتها..لبستها..جابوا الخدامات الفطور..فطرتها..وغطيتها وخليتها ترتاح.
بقات مسكينة تدعي دعاوي ديال الخير..وانا تنقول امين..حاجة الله يسمح ليا لي ماتمنيتهاش هي فاش قالت ليا يعطيكم شي ذرية صالحة..حيت اخر حاجة نبغيها هي نهز ولد فكرشي من هدلك الجلاد..
مشيت للكوزينة فطرت..وبقيت نتعاوود انا ومي زهرة
انا:مي زهرة فوقاش سكنوا فهاد الفيرمة..
مي زهرة:شحال هدي باش شاريينها..لكن غير هاد العام ..باش سكنوا فيها..كانو فميريكان..وتيجيو فالصيف..فاش لالة فتيحة مرضات طلبات سي يوسف يجيبها تعيش هنا..وهو لالة فتيحة هي عينيه مايقدرش يرفض ليها شي طلب او يبعد عليها..جا وعاش هو وياها هنا..
انا:وباه واش مات؟؟!
منكدبش عليك ابنتي؟؟! هادشي لي عارفة انا؟؟
يوسف حياتوو غامضة مليئة بالاسرار حتى حد معارف عليه..والوو..من غير ماما فتيحة..اكيد هي لي غادي تحيد ليا هاد الغموض؟؟!!!

الجزء 34

***قصص أم طه***


الايام غاديا عادية ..وهادئة..هو مكاينش فالدار..مكاين لي ينغص عليا حياتي..تندور ونجري بحال ..الفراشة..النهار كامل مقسماه ما بين ماما فتيحة..وبين المسارية فأحضان الطبيعة..كنت ديما كنحاول نقرب من ماما فتيحة ...نسولها على يوسف حياته ماضييه..لكن كنت تنحس بيها مازال موصلتش لديك الدرجة باش تفضفض ليا..مسكينة كانت باينة هازة هم كبير..وسر خطير...
داك الصباح مشيت عند ماما فتيحة..هي كانت تترفض تخرج من بيتها..وكنت مقررة نخليها تخرج..
انا:ماما صباح الخير كيف صبحتي!؟
هي:صباح النور بنتي الحبيبة ..الحمد لله والشكر لله..وابتاسمات ليا ..و حسيت بحال حنان ماما..مكاين فرق..!!
انا:ماما الحبيبة..ياك انا عندك عزيزة؟مغادي ترفضي لي حتى طلب!
هي:لي بغيتيها ابنتي..انت راه فمعزت بنتي لي مولدتهاش!
انا:ماما بغيتك تخري تفطري معايا بره فالجردة..كاينة الشميسة غزالة..ونيت راني قنطت نفطر بوحدي..ودرت راسي مقلقة
هي:بنتي كان على عيني راكي عارفة صحتي عيانة..ومتنوضش..غير غادي نعذبكم معايا..
أنا:شكون قالك تتعذبينا..عذابك راه هو راحتي
انا..
بقات مسكينة تتبكي وعنقاتني:ديما كنت تندعي ولدي يتزوج شي بنت حنينة تحسن بيا..وربي جابك لييه..
استاطعت نقنعها..تعاونا وهبطناها لتحت للجردة..جلستها فكرسيها..تحت الظل..غطيت ليها رجليها..وجبت الفطور:الله يفرشك ويغطيك بالرضى ابنيتي..!!
انا:عطيتها تفطر..وانا معاها فساعة صفا وساعة بوح..وسولتها: ماما..فينوو بابات يوسف..؟؟
مسكينة تبدلوو ملامحها وعينيها غرغروو بالدمووع :مات ابنتي الله يرحمو ويوسع عليه فهاد النهار...مات منين كان عند يوسف 6 سنين..
بنتي قصتي انا وبات يوسف تتهضر البكم..وتتذوب الصخر..لي شافناه فحياتنا ..محال واش شافوا شي حد..
كنا صغار وتنبغيوا بعضياتنا..شوية سكتات ..شفتها تتشوف لجهة الباب دورت وجهي بان ليا الجلاد جاي:تفو بحرى غاديا تعاود ليا جا كيف النحس..جاي مبتاسم لابس كلاس كوستيم فالكحل وكرافط..كان تيحمق واعر سهيت فيه..شوية انتبهت واتفكرت شنو دار فيا؟! وخنزرت
هو مندهش ان ماماه خرجات من بيتها..فرح بزااف قرب عنقها ..وباسها فراسها..
يوسف:الوالدة شهاد المفاجأة..كيفاش طرا وجرا خرجتي من بيتك؟
هي:ولدي على السلامة..راه بنيتي ياسمين لي اصرات حتى هبطاتني..الله يرضي عليها..منين مشيتي مفارقاتنيش...هو استغرب حقاش اتا نفدت أوامروو واخا مكاينش..وواخا تكرفص عليا..
جاي لجيهتي..عنقني بحنان..وباسني على خدي:حبيبة توحشتك..
انا الارض دارت بيا بقيت صافنة ومصدومة كلي تنترعد..وهاد المرة ماشي من الخوف هاد من شي احساس معرفتوش...شافني مصدومة ومتنضحكش..قرب لودني قالي بكل قسمة:ضحكي واش نسيتي شنو قلت ليك..راه الوالدة تتشوف..
ابتاسمت بزز:على سلامتك يوسف..حتى انا توحشتك..
خالتي فتيحة تتشوف فداك التنائي لي كانت تيمثل الحب والغرام:الله يسعدكم ونشوف وليداتكم...قرب عندها وباس ليها يديها:ان شاء الله الميمة..
مشا يبدل عليه وخلاني مع ماما فتيحة..حسيت بيها عيات..مبغيتش نضغط عليها تعاود ليا..قلت نخليها لمرة اخرى..واخا كان الفضول تيقتلني..
ديتها لبيتها..بدلت ليها وغطيتها..بست ليها على جبهتها..وحيت خارجة لقيتووو حاضيني وتيتفرج فيا ..دزت من جنبوو ومشييت...شوية تبعني..جرني من يدي..ودخلني لواحد المكتب:زعما علاش تتصنعي هادشي..علاش باغا تبيني ليا انكي حنينة !!..علاش تتحاولي تخلي مي تبغيك..واش يحساب ليك هاكدا غادي نرحمك..راه عمركي تنتظري مني الرحمة..حيت حتى نتوما مرحمتوناش..!!!
انا:معندي لاش نتصنع..جيت انا هاكدا حنينة مع كلشي ..ومتنديرش هادشي خوف منك..تنديرو حيت هاكدا تربيت على الحنان والرحمة..ومك مسكينة مريضة ومحتاجاني..وهي عزيزة عليا فهمتي ..حيت بوحدها لي لقيت عندها الحنان فهاد الحبس..وانا معندي حتى ذنب..شنو درنا ليك حنا ؟؟فهمني..باش نعرف علاش تدير هكدا؟؟
بغيتي تعرفي شنو درتو ليا..بدا يحيد قاميجتوو انا تخلعت ..ودور ليا ضهروو..كان فيه آتار حروق بحال لي فماماه فرجليها..
يوسف:ها شنو درتوا ليا ..ها الآتار ديال الجبروت ديالكم..ولكن والله الى بقات فيكم؟؟!!
بحرى جيت غادي نتكلم وهو يغوت علياااا :خرجيييييي
خرجت بسرعة قبل ما ينقض عليا...

الجزء 35

***قصص أم طه***


بحرى جيت غادي نتكلم وهو يغوت علياااا:خرجييييي خرجت بسرعة قبل ما ينقض عليا...
مشيت تنجري لبيتي..وتخشيت وسط الوسايد ..وبقيت نبكي ونبكي كنت باغا نعرف غير السر لي خازن..باش نعرف علاش تيدير معايا هاكدا!؟؟
شوية جات عندي مي زهرة:بنتي راه سي يوسف..بغاك طيبي الغدا..وطلب تديري ليه بسيطلة بالدجاج..حيت عزيزة عليه ..
انا:تيتوحم ياكل السم ان شاء الله
مي زهرة:بنتي عافاك بعدي على المشاكل ..حاولي تديري ليه لي بغا..
هو كان متصور انني معارفاش نطيب البسطيلة..مكانش عارف انها الاكلة المفضلة عند بابا..وماما علماتها لي على حقها وطريقها..
مشيت للكوزينة
مي زهرة:سمحي لي ابنتي منقدرش نعاونك..راك عارفة..وحدرات راسها..
انا:ماشي مشكل امي زهرة..غير سيري..
خرجات..وبديت نقاد فالبسطيلة..شرملات الدجاج على حقو وطريقوو بالعطرية ديال البسطيلة ..قليت اللوز ووجدتو صابوت الدغميرة بالدجاج وعسلتها..وبديت نعمرها..خشيتها فالفران من بعد ما زوقتها بليفيلي ديال اللوز..
الروايح فالكوزينة عاطية...
طفيت عليها..طلعت دوشت بدلت عليا..لبست كسوة فالاحمر طويلة..وبالسميطات..ورسمات ليا فورمتي..لبستها..عن قصد معرفتش شنو لي خلاني ندير هاكدا قاديت راسي وهبطت..
مي زهرة خبراتني انه غادي نتغداو فجناح ماما فتيحة..فرحت بزااف..
خديت ليهم البسطيلة مع العواصر..ممم غير من الديكوور تتشهي..وريحتها واصلة منعرف فيين..
شافني وشاف البسيطلة..هو يتصدم مكانش متوقع انني عارفة هادشي كامل...
ماما فتيحة:تبارك الله ..تبارك الله..بنتي حادكة ومتولة وغزالة..وشافت فيوسف:ولدي انت محظوظ ..عطاك ربي مرة كاملة مكمولة..الزين والاخلاق والحداكة..
هو قرب عندي باس ليا يديا بكل حنان حتى جاتني القشعريرة:لهلا يخطيك عليا احبيبة..
ناري ممثل بارع الشوفة باش تيشوف فيا..عينييه تيبرقو بكل حنان..
انا:ماشي شي حاجة بصحتكم وابتسمت..
صراحة كنت فرحانة حيت واخا هو مذللني..تنحس براسي كل مرة تنتصر علييه..
ماما فتيحة:بنتي شكون علمك الطياب..واخا كيف ماقال لي ولدي نتي بنت الفشوش وباك ولد عائلة كبيرة
انا:ماما اخالتي هي لي علماتني..بابا من عائلة كبيرة اييه...لكن ماما من عائلة فقيرة..داكشي لاش علماتني كلشي باش منطلعش مفششة وانانية..علماتني نطيب ونجمع الدار..نعتمد على راسي ماشي على الخدمات..وعلماتني اهم حاجة هي نحس بالناس..نرحمهم..ومنقساش عليهم..وشفت فيوسف بكل آنفة وعزة نفس بحال الى تنقوليه ان داكشي باش بغيتي تعدبني رلني موالفة بيه عادي...
كلينا البسطيلة لي كانت بنينة..هو غير تيخشي بلا ميشعر..بحال شي موحمة ههه
كملنا جاو الخدمات هزو الاطباق..طبعا قدام موو مغاديش يخليني نجمع الطبلة..
ماما فتيحة ..ديناها لناموسيتها ترتاح..غطيتها ونعساات..هو كان من ورايا..حسيت بيه تياكلني بعينيه..تيتأمل كل بلاصة فجسمي..قرب عندي شدني من يدي هزهم باسهم بكل حنان :شكرا !!
انا مشلولة معارفة منعمل.شوية قرب لوجهي باسني..وهاد المرة بوسة غير كلها حنان..وشغف..هزاتني لعالم غير مادي ..بحال الى تنحلم او تنتخيل..ذبت بين يديه..ولقيت راسي بلا منشعر تنتجاوب معاه..حتى شوية دفعني بجهد وخرج...!!!

الجزء 36

**قصص أم طه**


...حتى شوية دفعني بجهد وخرج...!!!

خلاني كلي كنترعد..احاسيسي..كلها مخربقة ..حاجة لي كنت متأكدة منها..انه فاش باسني مباسنيش انتقام..كان حتى هو عايش معايا اللحظة بكل حنان ودفئ..
لكن مالو..علاش تيهرب..علاش كيظلم..علاش تينتقم..!!

مشيت لبيتي وانا مقررة ..باش نواجهو نعرف لاش تيدير هاكدا..نعرف كلشي باش نرتاح..!!
بقيت ننتظر وننتظر حتى عييت ..والوو مجاش..كان الموت ديال الصهد..هبطت للجردة نتبرد شوية..كنت لابسة غير بيجامة بالشورط وشعري مطلوق..
جلست فواحد الارجوحة..غمضت عينيا..وسرحت..تفكرته..تفكرت قبلته..معرفتش لاش وليت كنفكر بيه بايجابية.!؟.لاش نسيت شنو دار فيا؟!
واحد الشوية..تنسمع صوت بكاء خافت درت..هو يبان ليا خيال جالس فالظلام وتيبكي..قربت..اه والله هو يوسف هذا؟؟ولكن شنو لي تيخليه يبكي بهاد الحرقة..واش حتى هو تيحس ويبكي؟!
بقيت حايرة واش نقرب عندوو ولا لا؟؟
اخيرا قلت ان خير وسيلة للدفاع هي الهجووم..مشيت لعندووو..قربت لعندوو..حطيت يدي على كتافوو:يوسف مالك؟؟!معقلتش كيفاش ولا فوقاش..حتى لقيت راسي فأحضانهو..وبقا يبكي فصدري بحال شي طفل صغير محتاج للحنان..حتى انا بديت نبكي معرفتش علاش..؟؟بكينا وبردنا قلوبنا بكا..شوية تحول هاد البكا ..لقبلات ساخنة وشرسة..معرفتش حتى لقيت راسي عاوتاني تنتجاوب معاه..وذايبة فيه حتى صدني ودفعني لثاني مرة:شدني وزير عليا..شنو بغيتي عندي؟علاش تتعذبيني؟مكفاكش داكشي لي داروا فيا عائلتك..عذبونا..وهانونا..وتكرفصوا علينا لاش جيتي تكملي عليا انا لاش!!؟؟؟ تيهضر وتيغوت
انا حتى انا بديت نغوت:شكون هاد عائلتي لي ظلموك شكون؟؟!!وشنو ذنبي انا ؟؟شنو درت ليك؟ذ
ذ
 الجزء37

**قصص أم طه**

حتى انا بديت نغوت:شكون هاد عائلتي لي ظلموك شكون؟؟!!وشنو ذنبي أنا؟؟شنو درت ليك؟؟واش انا آذيتك..علاش كتحاسبني على أخطاء الغير..فهمني ..علاش تدير ليا هكذا علاش تتكرهني..وتحقد عليا..
مشا وخلاني ..وبديت نغوت: حشومة عليك؟؟!علاش تتعذبني؟؟!علاش!!؟
مشيت لواحد الكرسي وجليت ..تنبكي نبكي حتى داني النعاس...
فقت الصباح..لقيت راسي فناموسيتي ومغطية؟؟استغربت شكون جابني؟؟
يوسف مكاينش حس ديالو..يعني مبايتش هنا..شفت الساعة كانت ل10 ناري قفرتها..اليوم نهاري نهار موجدتش ليه الفطور..!!
غسلت..لبست دجين وبودي..وهبطت تنجري للكوزينة..لقيتها عامرة بالخدامات..لعجب شنو تيديروا ياك جرا عليهم باش نبقى انا نخدم بوحدي؟؟
قربات مي زهرة عندي وملامحها مبشورين:بنتي راه سي يوسف عطا تعليماتوو باش كل حاجة ترجع كيفما كانت..يعني ألالة حنا غانتكلفوا بكلشي نتيا غير أمري وحنا نفدوا..مزال ممتيقاش شنو تنسمع..حتى قالت لي:راه سي يوسف ولالة فتيحة تيتسنواك فالفطور فالجردة..ماشية وانا ممتيقاش..!!هذا مالو تيترهط..مرة يضربني ..مرة يهيني..مرة يكون مزيان معايا..العجب؟!!
مشيت عندهم للجردة..ماما فتيحة وجهها منور منين ولات تخرج لشميسة..وحتى هو فرحان ومبتاسم..
أنا:صباح الخير عليكم..وبست ماما فتيحة
فتيحة تتضحك:صباح النور بنتي كيف صبحتي؟؟ايوا فين بوسة دراجلك متحشميش مني..هو تيبتسم بحال الى عجبوا الحال..قربت لعندوو وبستو فخدوو..

يوسف غير تيشوف فيا..معرفتش دوك النظرات ديالاش نظرات غامضين..متسائلين..

فطرنا وكملنا..دينا ماما لبيتها..وغطيتها ترتاح..خرجت وتبعني..
يوسف بنفس اللهجة لكن النظرة متغيرة:اليوم بالليل جاي صديقي ومراتوو عايشين فامريكا معشيين وبايتين معانا..نبغييك فأحسن مظهر..لكن ممعيقش!!اوكي..ومنبغيش شيرحد يعرف بصفقتنا !!
انا:شنو تبغي ندير ليهم فالاكل؟؟
هو:راه الخدامات هما لي غيتكلفوو من الان فصاعدا!!
انا بحنان:بغيت نطلب منك واحد الطلب!؟
يوسف:شنووو؟؟
انا:ماما فتيحة انا لي نبقى مقابلاها..وتنتوسل ليه بعينيا
يوسف حرك راسو بالايجاب ومشا وخلاني
مشيت فرحانة لبيتي..معرفتش علاش يوسف غادي يقدمني لصحابوو على انني مراتو لي تيبغي..فرحت بزااف..شعور الكره لي كان اتجاهوو معرفتش علاش ذاب..النهار كامل وانا ندور بحالتي..دوشت.. درت لاسيغ..قاديت شعري ..ظفاري..المهم بغيت نكون ديك العروس الفتانة لي غادي يتباهى بيها قدام صحابو..هاجس من الداخل ديالي..تيقولي فيقي ا ياسمين من الgلبة!!باراكة من الاحلام والاوهام..راكي غير صفقة بالنسبة ليه..واش وليتي تتبغيه..فيقي ابنتي!! فيقي!!
طردت اي فكرة ممكن تنغص عليا هاد الاحساس باش حاسة..وكملت توجاد ديالي..
قرب موعد استقبال الضيوف..لبست كسوة فالكحل طويلة وفيها فتيحة صغيرة..وكانت منحوتة عليا..طلقت شعري..ودرت مكياج غامق متير..ونزلت..يوسف شابني تبهط قرب عندي بلا ميشعر:جيتي زوينة بزااف..ودوز يدييه على وجهي..شوية تدارك راسوو..وبعد عليا..
سمعنا صوت سيارة وقفات فالباب وتما لقيت المفاجأة....!!

الجزء 38

**قصص أم طه**


...أول مرة نحس براسي عروسة ..معاه..من قبل كنت متنحملوش يقيسني..دابا مكرهتووش ميحبسش..كان حنين معايا..وكيردد وهو فكامل النشوة ديالو..تنبغييك حبيبة..
ياسمين ديالي..ميمكنش هاد الكلام يكون زيف وتمتيل..احساسوو وكلاموو صادق..يقدر لواحد يمثل فأي حاجة..الا فالاحساس والشعوور..مننكرش انني حتى انا ماشي غير تنبغييه..وليت متيمة بيه..نسيت كاع قسوته..نسيت كاع الاهانة والذل..حاجة وحدة لي باغا هي نبقى معاه العمر كامل..!!
فقت الصباح لقيت راسي ناعسه فوق صدروو..الله على احساس..زوين بزااف ..تفيق وتلاقي راسك فحضن حبيبك..حتى هو كان مزير عليا بحال الى خايفني نهرب هه
تسلت منو بشوية ..لويت عليا ليزار..ودخلت للدوش..دوشت..وانا كنحس جسمي. تنتحسس كل بلاصة مسني فيها ..كل بلاصة باسها...
خرجت لقيتوو فاق..وواقف باش يدخل يدوش
أنا:صباح الخير
يوسف بلا ميشوف فيا:صباح الخير..يالله وجدي راسك..نشوفوا الضياف..نبرة ديالو مزال قاسية..مزال شي حاجة هازها من جيهتي..مخلياه ميكونش صافي معايا..
نشفت شعري..ولبست كيطمة ف الماروو وهزيت شعري ذيل حصان لبست بالغين ونزلت..مشيت نيشان عند ماما فتيحة هي الاولى..بستها..بدلت ليها..فطرتها..غطيتها ومشيت باش نشوف ضيافي واش فاقوا..درت لقيتوو تيشوف فيا بواحد النظرة ديال الاعجاب..
باس ماماه...دار يديه على كتافي:يالله نشوفوا الضياف..
هبطنا..لقيناهم فاقوا تيتساروا فالجردة..عرض عليهم يوسف يركبوا الخيل..
مشينا للاسطبل..واو العودان شحال غزالين..وانا تنحماق على الخيل.. بقيت مبتاسمة كيف شي بنوتة صغيرة وهو حاضيني..عادل اقترح باش كل كوبل يركبوا بزوج ونتسابقوا..هكداك درنا ركبت وراه وعنقتوا من اللور وطار بيا..كنت حاسة انني بحال شي بطلة ديال الرويات الغرامية..ذ

الجزء 39
**قصص أم طه**
..أول مرة نركب فيها العود..وطبيعي الواحد تيخاف..لكني معاه مشعرتش بالخوف..واخا كان كيخلعني قبل ويخوفنا..دابا ولا مصدر أمان و حنان بالنسبة ليا..

سبقناهم..وبقات سارة تغوت:لا غشيتونا عطيتونا عود ضعيف..بقينا نضحكووا بصفاء ممكدر صفونا حتى حاجة!
مشيت انا تنتسارى فالاسطبل..واو أروع ما شافت عيني!!أجود الاحصنة العربية الاصيلة..سبحان من خلقهم..جمال وأصالة..هادو راه يساويو تروة!!
مشيت لواحد الفرس عاد زايدة فالكحل وفيها طبعات فالابيض..لوحة فنية مرسومة..
قربت لعندها هزيتها ..وبستها..وغمضت عيني معرفتش لاش حسيت براسي بحالها ضعيفة وباغا لي يحكيها :عجباتك!!
درت لقيت يوسف حادينا:آه بزاااف
يوسف:ايوا صافي راه ديالك..
خرجت عينيا مصدومة:بصاح ديالي
يوسف وضحك:اه وسميتها ياسمين..واو على ضحكة عندوو شحال متيرة محسيتش براسي حتى عنقتوو :شكرا شكرا
جاو سارة وراجلها شافونا وتيضحكوا..
مشينا تغدينا..درنا حفل شواء ..كلينا حتى شبعنا..وضحكنا ولعبنا..وأخيرا جات الوقيت ديال الوداع..عنقت سلمى وأكدت عليها ما تقول والو لدارنا..
مشينا بزوج عند ماما فتيحة..لي تشغلنا عليها هاد النهار..فرحات بينا..بقينا نتسامروا ونضحكووا حتى وصل الليل..تعشينا مجموعين ومشينا لبيتنا..وحنا كلنا لهفة لبعضياتنا..واها كلامنا قليل بزاف فاش تنكونوا بزوج يوسف تيهرب مني ومن نظراتي..لكن فبيتنا..تنياو كاع الهضرة وتنخليو الاحاسيس والاجساد تتكلم..
داز شهر وحنا ايامنا هكدا..فين ما تقلب عليا تلقاني اما مع ماما فتيحة ..او مع ياسمين الفرس ديالي..وفالليل مع يوسف..مزال قلبو هاز تقل مني ..حتى هو كان كيهرب من هداك الثقل فاش تيكون معايا..المهم أيامنا عادية ضاحكين ..ناشطين ومرة مرة نحكي مع عائلتي حتى للنهار لي كنعتبروا..أتعس نهار فحياتي!

الجزء 40
**قصص أم طه**
داك النهار لي كنعتبروا أكفس نهار فحياتي..! كنت مع ماما فتيحة فبيتها..كانت عيانة شي شوية..وانا مقابلاها..وتنحن عليها..حتى لواحد لوقيتة..ماما فتيحة تخنقات..وبداو كشاكشها خارجيين..مبقاتش قادرة تتنفس..انا تخلعت..وبديت نجري ونغوت وكل
ي تنترعد..معرفتش شنو ندير باش نعتقها..
خرجت بره تنعيط :يوووووسف يوسف عتقووووووني!!تنبكي ونغوت..
جاي يوسف تيجري حفيان:شنو واقع؟؟
انا:ماما ماما تتتخخخنقات..
يوسف:شنووووووو !!!ومشا تيجري عند ماماه ...لقاها فديك الحالة وبدا يغووت :مي مي مالكي..مي وتيبكي بحال الدري الصغير..عيط بسرعة لصديقو طبيب..مجيت انا فين نستوعب..حتى جات الاسعاف..ومعاها طاقم كامل ديال الاطباء والممرضيين..فديك اللحظة وهوما مخرجينها..جا قدامي بابا تفكرته..وبقات فيا مسكينة بقيت نبكي ونبكي..
داوها ..قرب لعندي..شدني بجهد..وتيدفعني فصدري بكل قوة وبلا شفقة:شنو درتي ليها..آش وقع؟؟!!بغيتي تقتليها!مكفاكش عائلتك شنو داروا فيها عذبوها وحرقوها..بسبابهم جاتها الضيقة..فاش بيتوها مليوحة عريانة فالشتا والبرد!!مرحموهاش!!مرحموهاش!!
واش مي باينة فيها عندها 54 سنة ..بسباهم عجزات قبل الوقت..خرجتوا عليا وعليها على حياتنا وصحتنا..وهو تيغوت بجهد..بحرا جيت نهضر..وبقا تيضرب فيا ويطرش فيا بكل قوة وعنف وهمجية..خلاني غارقة فدموعي ..وجراح قلبي..ومشا تيجري تبع ماماه للمستشفى..
مشيت لبيتي ضمدت جروحي..وبديت نفكر فكلاموو..شكون لي دار فماماه داكشي!!؟واش بابا؟؟لا منضنش..بابا عمرو أذى ش ي واحد..ولا ظلم..
قررت نواجهوو..منبقاش انا هي لي تيبرد فيها جنونو..لبست ومشيت عند الشيفوور طلبتو يديني للمستشفى هو تردد غوت عليه وهو يديني
وصلت للمستشفى ..دخلت تنجري..وتنقلب..بان ليا يوسف واقف تيبكي وتيتحرق قربت حداه!!

الجزء 41

**قصص أم طه**


قرب حداه شافني خرج فيا عينيه بدا يغوت وهو يخرج الطبيب مشا تيجري مخلوع لعندوو:دكتور كيف بقات؟؟!
الطبيب مبتاسم:الحمد لله جاتها الازمة كيف العادة..لكن الحمد لله تجاوزاتها..تقدرووا تدخلوا عندها..سبقتو تنجري عندها عنقتها وبقيت نبكي فحضنها بكل قوة وكلي تنترعد..
هزات ليا راسي :بنتي الحبيبة ..متخلعيش راني لباس دابا..
يوسف تيبكي :مي راكي خلعتينا انا وياسمين عليك..وحط يديه على شعري..
انا نترتها ليه بزربة مو شافت داك الديكور:ياسمين شنو ديك الزروقية لي فوجهك؟!شكون دار فيك هادشي؟؟ وشافت فيوسف
انا:راه غير كنت تنجري مخلوعة وطحت فالدرووج!
شافت فيوسف بتوبيخ:ولدي واش انت لي درتي ليها هادشي؟!
هو حدر راسوو وحس بالذنب وتأنيب الضمير..
خرجت بره..باش نخبي دموعي على ماما فتيحة..تبعني..شدني وبغا يهضر معايا..دفعتو..وبديت نغوت:بعد مني..طلق مني..صافي مابقا لي معاك لا كلام لا والوو..من دابا هديك الصفقة بيناتنا سالات!!غادي نخرج من هنا نمشي لدارنا نيشان..!!وبغيت طلاقي يوصلني..وخود فلوسك..!!خود حياة بابا!! ..خود كلشي..!!لكن صافي انا عمري نكون ليك!دللتيني بما فيه الكفاية..عمري آذيتك..درت ليك أي حاجة طلبتيها..وماما فتيحة مدرت ليها والوو..!انا تنبغيها بحالك أو كثر منك..بغا يعنقني وانا تندفعو :بعد مني..شوية حسيت بالدوخة بالسخفة..محسيتش براسي حتى لقيت راسي فبيت آخر..والطبيب تيفحصني ويوسف واقف مخلوع عليا
الطبيب دار عند يوسف:سي يوسف مدام ياسمين مبرووك عليكم..راه واحد البيبي جاي فالطريق..هو لي دار لماماه الدوخة وسخفات..وابتسم..هو عند بالوو فرحنا..لكنه صدمنا صدمة ديال العمر...!!
بقيت مصدوومة..
قرب الطبيب من يوسف لي مصدوم:سي يوسف تهلا فولي العهد وماماه..!

الجزء 42
**قصص أم طه**
..بقينا مصدومين..كل واحد تيشوف فالحيط..كيفاش حاملة؟؟ميمكنش!!علاش أربي علاش؟علاش زدتي ربطتيني بيه؟!

قرب لعندي وبغا يتكلم..يتوسل..لكن هبطوا غير دمووع عينيه..حاجة لي قلت ليه:بغيت نمشي بحالي؟؟ عافاك؟!
يوسف حط يديه على كرشي بكل حنان:معندك فين تمشي؟!انتي هازة قطعة من روحي هنا!على ودو غاننسى كاع القسوة والالم لي شفت فحياتي..على ودوو غنقتل الشر فيا..وننسى ننسى شداز عليا انا ومي..ننسى جدي شنو دوز علينا..جدي لي هو جدك!!؟؟
بقا يبكي بحال شي طفل صغير ..وخرج وخلاني..
بقيت مصدومة جدي ..جدي!! جدوو!كيفاش جدي جدوو..يعني هو ولد عمي؟!بقيت حايرة وراسي غاينفاجر حتى دخلات عليا ماما فتيحة دافعاها الممرضة:بنتي ياسمين..يوسف عاود ليا على كلشي!اخر حاجة كنت متوقعاها انكي تكوني بنت لوسي..مكنتش عارفة ان يوسف منساش حقدوو وانتقاموو على عائلة باه..قصتي ابنتي بدات من النهار لي تلاقيت ببات يوسف..حبيتو وحبني ..حب كبير..هو كان الولد الاكبر لرجل الاعمال البناني..الارستقراطي. لي كان طاغية وظالم..حبينا بعضنا فالظل..حينتاش انا كنت فقيرة..طلب من باه يتزوجني ورفض وهددو يقتلني..داكشي لاش تزوجنا فالسر 5 سنين وحنا مزوجين فالسر.. وولدنا يوسف..كان نور عين باباه تيحماق عليه..حتى النهار المآساوي فاش عاق بينا باه تزوجنا..خطفوني انا ويوسف..شفنا عذاب عمركي تتخيليه..محنش فحفيدوو..كان تيقولي هداك ماشي حفيدي هداك لقيط..ويوسف تيسمع..واخا صغير كان عارف وفاهم..المهم شفنا عذاب وذل..نعسنا فالكوارى مع البهايم..كان تيضربني بالسوط وانا فازكة وتنترعد بالبرد..بيتني فالشتا والخلا..حرقونا انا وولدي بحديدة سخونة فجسمنا..وآخر حاجة اغتاصبوني الخدام ديالو قدام ولدي وراجلي..هادشي كامل باش يضغط عليه يطلقني..

الجزء 43

**قصص أم طه**

فالاخير باش يرحمنا ..من العذاب..طلقني..راجلي طلع لبيتوو..وشنق راسووو..انا بقيت تنسمع الغوات..عرفتوو مسكين مات..هزيت ولدي خفتهم ياخدووه..هزيت ولدي وحزني.وهربت..هاربة هاربة هاربة..حتى وصلاتني رجلي لمدينة بعيدة..جيت غريبة وفقيرة وهازا ولدي صغير معايا..هو كان مصدووم ..مبقاش يهضر..لاقاني الله مع عائلة ثرية خدمت عندهم..مكانوش تيولدوو..رباو ولدي وتهلاو فيه..قراوه فاحسن المدارس..كان يحساب لي نسى الماضي ساعة الماضي ديما لاصق فيه..المهم مشا لامريكا يكمل قرايتوو..ماتو دوك الناس وكتبوا كلشي لولدي..باع كلشي هنا ومشينا لامريكا..وتما كبر وعلا ووصل وولا من الاغنياء الكبار..لكن ماضيه منساهش..خصوصا منين شاف صحتي كيفاش تأترات..كان تينوض فليل يغوت ويبكي مشا عند الاطباء النفسيين..وارتاح شوية..كان يحساب لي نسى..مكنتش متوقعة تزوجك باش يعذبك ويدوز عليك لي داز علينا.سمحي لينا أبنتي سمحي لينا؟؟وواخا هكداك تهليتي فيا ودرتي ليا كثر من ماماك..
عنقتها وانا تنبكي وتنبكي..وفديك اللحظة دخل يوسف عرفني عرفت القصة كاملة وبقيت نبكي ونبكي:ماما انا معندي حتى ذنب باش يدير فيا هادشي..وحتى بابا معندوو ذنب..حيت حتى جدي عذب ماما وبابا وبسبابو مات جدي بيات ماما..ولولا ان جدي مات مكانش بابا وماما تزوجوو..يعني انا جدي مكنعرفو مكنحس بحنانو..بحالك تقريبا..وكون ما الارادة الالهية شاءت كون راه انا وماما بحالك..يعني انت اسي يوسف انتاقمتي من الانسان الخطأ..حيت انا ووالديا معارفين حتى حاجة..وبابا فاش مات باباك كان تيقرا فالخارج..وجدي قاليه بانه دار حادتة..هادشي لي قالي بابا..
درت عندوو:انت ظلمتيني وعذبتيني وقهرتيني حرمتيني نكون عروسة تخرج بعزها من دارهم..حرمتي والديا يزفو بنتهم لراجلها..ذللتيني..وذللتيهم!

لجزء 44

**قصص أم طه**

بقيت نبكي نبكي بحرقة:بغيت نمشي بحالي..بغيت بابا وماما اهئ اهئ
يوسف بعصبيه:معندكي فين تمشي وانتي حاملة؟!
ماما فتيحة بسرور:حاملة !حاملة!عنقاتني الله ياربي وقبلتي دعوتي..
مشينا للدار وانا مقررة قرار لا رجعة فيه نمشي بحالي..منقدرش نعاود نزيد معاه من بعد هاد الذل كامل لي شفت معاه..
طلعنا للبيت وهو هازني الخدمات تكلفوا بماما فتيحة ..
انا مدورة وجهي مبغيتش نشوف فيه..واخا حاسة باحساس زوين وهو قريب مني صراحة تنبغيه بزااف..لكن كرامتي فوق أي اعتبار..
حطني وقرب عندي:خاصنا نهضروا
أنا:مبغيت نسمع والو حاجة وحدة لي بغيت هي نمشي بحالي..
هو:ديك تمشي بحالك عمري نسمعها منك..حيت كيف ما قلت ليك نتي هازة ولدي..وانا منسمحش فولدي!!
انا:هذا ولدي أنا انت معندك فيه دخل..نتا جبتيني تتذللني..! ماشي نولد معاك..فهمتي..!!
هو غوت :خليني نتكلم واخا!؟خلعني وسكت حيت عارفاه عصبي..انا لي داز عليا كثر ما تصوري..واخا عاودات ليك ماما..متقدريش تحسي باحساس طفل صغير تيتعدب وتتعدب قداموو موو..وهو مقادر يدير ليها والو!!احساس ان جدك لي مفروض يكون الحنان والسند ديالك..هو لي كيعذبك..ويعايرك..تيحرقوني وانا صغير..احساس..تشوف مك تتغتاصب قدامك..خمس سنين وانا تنتعالج فمصحة للطب النفسي..كبرت معقد مريض..وحيد..معنديش الصحاب..!وهادشي كنت كنعانيه فصمت متنقول لماما والو..باش منزيدش عليها..هادشي لي خلاني نبغي ننتاقم..رجعت نسول ..ننبش فالماضي..عرفت ان الحاج البناني خلا تروتو لولدو لي هو باباك..شفتكم متعين..وعايشين مرتاحيين..ومجموعين وحنا تعذبنا وتفرقنا..قررت ننتاقم..وجات الازمة ديال باباك فصالحي..كنت عارف نتي نقطة ضعفوو وبغيت نعدبوو بيك..مكنتش عارف انني انا لي غادي نتعذب..درت ليك كاع داكشي لي دارو فينا..

الجزء 45
**قصص ام طه**
اغتصبتك..عذبتك..كنت تنتفقص منين تنشوفك تتنفدي الاوامر ونتي مرتاحة كنت باغي غير نعذبك..داكشي لاش كنت كل مرة نفرض عليك حاجة كثر من الاخرى..لكن لي قضا عليا هو اهتمامك وحبك لماما..هداك الحب بدا يفيقني..بدا يقربني ليك..أنوتتك الطاغية 
وجمالك..كانو تيعذبوني..تنشوفك ونتمنى كون كنتي انتي ماشي هي انتي..!!
لكن رغم هادشي بسهوة مني..بغيتك..وعشقتك.. تنضربك..بغيتك..تنعذبك بغيتك..ونهار الكوري كنت غادي نحماق..وأمرتهم يذبحوا داك التور لي ضربك..قرب عندي شدني من يدي وهبط على ركابيه:حياتي كاملة..عمري نسامح راسي على ظلمي ليك..على قسوتي..انا مكلخ..حيوان وهمجي..بقا يبكي:سمحي ليا حبيبة سمحي ليا بزاااف...
حتى انا عنقتوا تجاوبت معاه:يوسف..انا مجروحة وبزااف..عافاك خليني نمشي لدارنا نطلب السماحة من والديا نخبرهم كلشي..وديك الساعة يكون خير..حتى انا يوسف راه كل نبض فيا كيهتف بيك.!!.كل دقة تتعيط اسمك..!كل جزء فيا باغييك.!.لكن خاصني ما نبدا معاك حتى نرتاح من جهة والديا..وانا مسامحاك..حيت تنبغيك مسامحاك...!@
يوسف:واخا !انخليك تمشي ..غدا عندي شي خدمة بعد غدا نديك...
جيت نهضر..وسكتني بقبلة سخونة..ودافية..دوبات كاع الحقد الدفين لي بيناتنا..وانساجمنا هاد المرة ..من بعد ما تحيدات كاع الحواجز بيناتنا..كاع الاحقاد..نعست فأحضانوو..وهو معنقني ومعنق قطعة منا بزووج ..قطعة لي كانت سبب باش تتوحد أرواحنا وتذوب خلافاتنا..ونعيشوا احلى لحظات حياتنا..!!

الجزء 46
**قصص أم طه**
فقت الصباح لقيت حبيبي معنقني ومزير عليا كيف ديما..بستوو وهو يفيق..

يوسف:احسن نهار فحياتي..هو فاش نصبح على مراتي الحبيبة..وبنت عمي الغالية..
عنقتوو:حتى انا ولد عمي.. قلتها بتهكم
دوشنا هاد النهار بزووج..وهاد النهار تنشوف يوسف آخر..يوسف جديد..عينيه تيبرقو بالفرحة..دخلنا للدوش..ومحبسش من البسالة انا تنضربو..وهو قاليك تيلعب مع ولدوو .. ههه..كملنا..مشينا عند ماما فتيحة..لي بدات تتحسن وترجع ليها صحتها..عنقتها وجلست حداها..شافتنا تصالحنا وفرحانين..وفرحات لينا بزااف الفرحة غاديا تخرج من عينيها..
يوسف كان مسافر هاد النهار..وكان مواعدني غير يجي يديني لدارنا..
مشا يوسف حسيت بالفراغ..والوحدة صراحة منقدرش نعيش بلا بيه..ولفتووو بزااف..وتنبغيه بزاف..بقيت نتخيل راسي البارح وتنضحك..كيفاش كنت مخاصمة معاه باغا نمشي بحالي..وبسرعة ذوبني..ونسيت كلشي وسامحته..كيفاش انقدر نبعد عليه فاش نمشي للدار؟؟!وهو شنو غادي يدير؟؟شنو غادي نقول لبابا ؟!كيفاش نشرح ليه ؟كيفاش نفسر؟بقى قلبي تيضرب أسئلة معندها جواب..لكن لازم عليه حتى هو يعاوني ويتحمل معايا المسؤولية..
داز داك النهار تقيل بلا يوسف بقيت نحاول نلاهي وقتي..مع ماما ..وفالجردة..صونا ليا:توحشتك احبيبة..؟
انا:متكونش قدي..
هردنا الناب وتعاودنا..خبرني انه غادي يجي غدا فالعشية..
بقيت نحسب السوايع ونستعد لغدا بفارغ الصبر...اه الحب شحال زوين؟تيدفي وينور ويعمر حياتك..
نعست بصعوبة..وانا تنتسنى فوقاش يجي غدا..باش نشوف حبيبي. !!
فقت الصباح ناشطة فرحانة..مشيت عند ماما فتيحة لقيتها فايقة وحتى هي ناشطة وفرحانة بزااف..وكانت مقررة واحد القرار خطير..!!

الحزء 47
**قصص أم طه**
ماما فتيحة:قربي عندي ابنتي..سمعي انا كاع مفرحت بيكم..اليوم راني دايرة ليكم حفلة صغيرة فالعشية..راه وصيت الخدامات ايوجدوو كلشي..نتيا هاد النهار دوري بحالتك..الكوافورة والنكافة غايجيو عندك واحد شوية..المهم نبغيك تباني احسن عروسة فا
لعالم..وهادشي راه غادي نديروه مفاجأة ليوسف...
المهم نتيا طلعي لبيتك..وحتى نشوف يوسف جا ونسيفط ليك عاد هبطي...
اتافقنا انا وماما فتيحة..مشيت دوشت..وفركت حالتي..خرجت وتنتسنى الكوافورة ..جات وبدات خدمتها..من شعر ومكياج..وظفار ولحم..وكلشي..واو احساس تكوني عروسة شحال غزال وخصوصا عروسة لحبيبك..شوية جاو النكافات..لبسوني تكشيطة فالابيض سيفطات عليها ماما فتيحة مخصوصة..كانت مرصعة بالاحجار الكريمة..بالاكسسوارات ديالها..وبتاجها..
لبست وقفت قدام المراية..معرفتش راسي..بحال شي لوحة مرسومة..جيت واعرة تنحمق
شوية تنسمع بره الهرج ..والمرج..الدقة المراكشية بدات...والموسيقى خدامة:اش هادشي عرس هادا ماشي حفلة..بقيت نسول مع راسي:واش يوسف جا ولا مزال؟!
جاو الخدامات وطلبوني نهبط..غطاو ليا النكافات وجهي بفوال وطلبوني نحني راسي...هابطة..وسط تزغاريتهم..وتعشاقهم..حتى وصلت لتحت..
وهو هز عليا الفوال على وجهي..راسي محدوور وانا بديش نشم ريحة تنعرفها..ريحة مغريباش عليا..هزيت عينيا..لقيتوو هو!!اه والله الى هو!!بابا الحبيب هذا!نور عيني هذا ..مبتسم ليا..وعينيه كلها فخر..معقلتش حتى عنقتوو وجاتني البكية:بنتي متبكيش هذا أسعد نهار فحياتي نشوفك عروسة..يوسف ابنتي عاود ليا كلشي..التضحية لي درتي على قبلي..كبيرة وغالية بزااف عليا..!عمري ننسى هادشي ابنتي عمري ننسى!!
يوسف ابنتي احسن واحد فدنيا يستاهلك..حيت تيجري فيه دم خويا لي تحرمت منوو..ولد عمك هو لي غيصونك ويحافظ علييك.!

الجزء 48

**قصص أم طه**

عاودت عنقت بابا..عنقت فيه كاع الاشتياق والحنين..عنقاتني ماما الحبيبة لي توحشتها:بنتي ربي حقق ليا حلمي وشفتك عروسة ..وعينيها مغرغريين بالدمووع
شادني بابا وغاديا بيا للجردة..حيت الحفلة كاينة تما..الله على احساس وباباك موصلك لعريسك وهو فرحان وفخوور بيك..!
وصلت ..للحفلة..هزيت عينيا..واو تصدمت..كلشي تيصفق..كلشي!! كاين..!كاع حبابي وصحابي!.عمي كمال ومراتوو..حسام ..سارة وراجلها..حبيبتي هند !!لي شافتني ونزلوا دموعها..كلشي فرحان بيا..تيضحكوا ويبتاسموو.!!.وماما فتيحة دموعها ..نازليين بالفرحة..ماشي بيا بابا..لعند حبيبي..كنت عروسة تتحمق..كلشي تبهر بيها وبجمالها..!
بان ليا حبيبي تيتسناني..واو ما أروعه..لابس كوستيم كحل..وكرافاط مقادة دلعرسان..شعرو الكحل رطب مطلعو وتيبري...عينيه تيبرقوو..
قربت لعندوو..عنق عمي بجهد ..بجهد..وحتى بابا تيعنقو..وفرحان بزااف..خدا يديا..باسها بكل حب وحنان واشتياق..وخداني للكوشة..جلست حداه فرحانة قد الدنيا كاملة..هو شاد لي فيديا وكل شوية تيبوسها..بداو العائلة يجيوا يسلموا عليا..عمي كمال ومراتوو..سارة لي فرحانة وتتضحك كيف عادتها..حسام وهند لي عنقتها لجهد..وعرفتها على يوسف..بأنها ختي الوحيدة..حسام سلم عليا بالوجه..وحسيت بيوسف بغا يمووت بالغيرة قرب لوذني:كيفاش خليتيه سلم عليك؟حسابي معاك من بعد..!!
بقيت نضحك:راه تربينا بزوج بحال الخووت
هو:من الان فصاعدا..انا الوحيد لي عندي الحق نبوس دووك الحنيكات فهمتي..وخنزر تخنزيرة مزورة..
ضحنا ولعبنا ونشطنا..بقيت نبدل اللبيسات..ولبست لاغوب فالاخير..جيت تنحمق بالابيض..شطحت..انا ويوسف على أنغام أغنية ع بالي حبيبي..وكنت ديك الساعة مرفوعة لعالم أخر فيه غير انا وحبيبي يوسف..لي قررت نعيشوو اسعد واحد فالدنيا..!!!ذ

ذلجزء 49 والاخير

**قصص ام طه**


قررت نعيشوو اسعد راجل فهاد الدنيا خصوصا من بعد كاع العذاب والظلم لي داز عليه من طرف جدي الله يرحموو ويسمح ليه
جرني وغادي بيا..ركبنا فالطوموبيل ومشا بيا انا :فين ماشيين!؟
هو تيفرنس:خاطفك أحبيبة ديالي!
مشينا طريق طويلة حتى وصلنا لواحد لاوطيل فخم..دخلنا لقيتوو موجد ليا حفلة صغيرة..طورطة والشمووع ..الاضاءة خافتة..جبد بواطة على شكل وردة حمرا..جلس على ركابيه ..وفتحها:حبيبتي..واخا حنا مزوجيين..زواجنا مكانش بالتراضي كان مفروض عليك ومكنتيش باغاه..دابا حبيبة..بكل حب وعشق ..تنطلب من تقبلي هاد الزواج..وتنواعد نعيشك أسعد وحدة فالعالم..ونعوضك على كاع العداب لي دوزت عليك..!
وقفتوا:حبيبي تنا نتشكر الله على هاد الصدفة ..واخا مكنتش باغاها..لكن هداتني أغلى حبيب واحسن راجل فالعالم..اه اه موافقة..وطايرة بالفرحة..!!
ركبنا الخواتم..وعنقني عناق حار..وقبلة اشتياقية مفعمة بالحب والوله..ذوباتني..محسيتش بيه حتى هزني لبيتنا..وكان مفرش كلوو بالورد الاحمر..والنفاخات مكتوبين بسمياتنا..
مارسنا الحب..وكأننا أول مرة نمارسووه..باشتياق! ولهفة! وحب!..وانصاهرات أجسادنا مع بعضها..وكأننا خلقنا لبعضنا..نعسنا فأحضان بعضنا..وفقنا على أنفاس بعضنا...باسني فجبهتي:صباح الخير حبيبة..فين تبغي تدوزي شهر العسل؟!
أنا:احسن بلاصة هي فين تولد حبنا..ندوزوه فالفيرمة..حدا ماما فتيحة..
عنقني بجهد وفعينيه نظرات الفخر والاعجاب والحب..رجعنا للفيرمة استقبلونا ماما وبابا وماما فتيحة لي صحتها بدات ترجع ليها..طلبنا من بابا وماما يبقاو معانا مزال..
يوسف صايب غرفة نوم واعرة لولدنا وحبيبنا دارها ليا مفاجأة ..وكنا كنتسناوه فوقاش غير يجي يضويها وينورها..ويضوي معاه حياتنا..

وجا النهار الموعود..تنغوت ونعض..كان باسل بحال باباه..بغا يخرج بزربة..ما وصلني يوسف للكلينك..حتى عصيتوو مزيان..بردت فيه كاع داكشي لي دار فيا مزيان..هه قمشتو وعضيتو وصرفقتوو..
واخيرا جا ولي العهد "سي عمران"لي كان نسخة مصغرة على باباه..وانا غير تسخرت ليه وجيت ههه..جا نور حياتنا..كان هو ضو عينين باباه..كان هو لي تيهتم بيه يبدل ليه يسهر معاه..كتر مني انا..صراحة كان مهنيني ههه
المهم قررنا نعيشوو فالمغرب..هو حول خدمتوو كاملة هنا..شرينا فيلا فالمدينة..لكن الفيرمة كنا كل وقت نجيوا نزوروها..حيت فيها ميلاد حبنا وعندنا فيها ذكريات زوينة...ماما فتيحة عايشة معانا ومزال انا لي مهتمة بيها كيف ديما..
حياتنا..كلها سعادة..ولدنا تيكبر قدامنا..وسط جدودو لي تيبغيوه ويموتو عليه...مننكرش انه تتصادفنا شي مشاكل بحال كاع الناس..لكن تنتجاوزوها ..بكل حب وود وعاطفة...ديما تنتفكروا الصفقة وتنبقاو نضحكوو..سميتها صفقة حياتنا..حيت فعلا كون ما هديك الصفقة منشوفش حبيبي ونحبو ونموت علييه.

تأليف : سنبقى معا 

شارك الموضوع

مواضيع ذات صلة