قصة الصفقة - قصص مغربية بالدارجة - رائعة جدا الجزء 1


تأليف : سنبقى معا 

سميتي ياسمين البناني وحيدة عند واليديا الاب ديالي غني بزاف ومعروف جيت نكمل قرايتي في فرنسا 
ماما ريفية وبابا فاسي هداكشي علاش انا زوينة بزاف هههههههه
عينا خضرين وشعري صفر ولاطاي ديالي مقادة قصيرة شوية
كانت اموري غادة مزيان حتى لواحد النهار اتصلت بيا ماما وقالت ليا بابا مريض طايح كومة في لكلينيك جاتو جلطة ....

..نزل عليا الخبر بحال الصاعقة..دارت بيا الدنيا وتلفت..معرفت شنو ندير..شحال خايبة تكوني بوحدك..متلقايش حتى لي يشد ليك فيديك وانتي فشي أزمة...حاولت نتقوى شوية ونقنع راسي بأن بابا غير عيان وصافي..حجزت على أول طيارة نازلة للمغرب هزيت ما خف حمله ..ومشيت للمطار..الدقائق تتمشي ببطئ بحال شي حلزون..قلبي قرب يسكت..وعقلي كيهرب من كل فكرة خايبة كنت تنهرب من الاسوء وكنتخيل بابا غادي يكون غير عيان وصافي..
ركبت الطيارة..وكل ما طيارة قربات توصل وتتزيد معاها دقات قلبي..واخيرا حطات فالمطار ...لقيت "سعيد"الشيفور تيتسناني..وفعينيه واحد الانكسار..ركبت داني نيشان للكلينيك....دخلت تنجري لقيت ماما فواحد الحالة باين عليها البكا والخوف والعيا..شافتني وعنقاتني وبقات تبكي بحرقة..
انا عينيا ناشفين:ماما شنو وقع!! فين بابا؟؟
جراتني ماما لواحد لبيت داير بيه الزاج..شفت بابا فأسوء ما تتخيلوا غايب على الدنيا ..كلوو أسلاك وتيتنفس غير اصطناعيا..محسيتش براسي حتى غبت على الوعي..
فقت لقيت راسي فبيت آخر ومعلقيين ليا السيروم..ماما فجنبي تتبكي..حليت عينيا جات ماما تتجري عندي:حبيبة شوية؟؟
أنا(وتنبكي):ماما شنو وقع لبابا؟؟ياك كان لباس عليه عمروا تشكى من شي حاجة؟!
ماما تتبكي:هادشي لي قسم الله ابنتي..كان فالمكتب ديالو حتى طاح تمى وجاتو لكريز..البارح جا شريكو سي كمال..وعرفت منو ان باباك خسر فلوس بزااف فالبورصة هادشي علاش جاتو لكريز
أنا بالغوات: ابابا لاش تقهر راسك راه الفلوس انت لي درتيهم..واش دابا غادي يرجعوا ليك صحتك..وبقيت تنبكي..
ماما عنقاتني وتتهدن فيا..
خرجت تنجري عند بابا وتنبكي قدام الزاج مقدرتش ندخل عندوو حيت مانعيين الزيارة...كنت باغيا نعنقو..نبوسو..
بديت نعيط ليه :بابا ها انا جيت ها الاميرة ديالك وصلات..بابا كان كيعيط ليا غير الاميرة ديالي..بقيت نبكي بحرقة حتى سخفت عاوتاني..هاد المرة لقيت راسي فبيتي عندنا فالفيلا ماما..وهند بنت خالتي حدايا..
انا:فين انا بغيت نمشي عند بابا وتنبكي..
ماما:حبيبة خاصكي ترتاحي ..الص باح نمشيوا للكلينيك
هند عنقاتني وتتبكي:حبيبة ديالي صبري ان شاء الله عمي غادي يولي لباس..عنقت هند وبقيت نبكي..هند لي فمتابة ختي الكبيرة عاشت أكثر وقتها معانا ..حيت خالتي وراجلها ماتوا فحادتة..رباتها جداتي ولكن أغلب الاوقات تتكون معانا تكلف بابا بقرايتها ومصروفها ..ودابا تبارك الله راها طبيبة..وهي صديقتي الوحيدة لي تتنصحني وتساندني وتبغي ليا الخير..
عطاتني واحد الحقنة مهدئة ..ومحسيتش براسي حتى مشيت...


3 . مخشية فواحد الزريبة ديال البهايم وتنظف تحتهم..وديك الريحة المقرفة روعاتني وحسيت بالغتيان..حتى تنحس بواحد الضربة جاتني للرجلين غوت باعلى صوتي..بان ليا هداك الجلاد هاز فيديه مشوطة وبدا تيضرب فيا..غوت بأحر جهدي وأنا نفيق..
جات ماما وهند تيجريوا عندي وتيهدنوا فيا..بقيت نتفكر هاد الكابوس وتنحاول نلقى ليه شي تفسير ووالو..شربت الماء..وكان الفجر تيأذن..نضت توضيت..صلينا مجموعيين ودعينا مع بابا حتى تخنقنابالدموع
لبسنا ومشيت انا وماما للكلينيك..هند مشات للمستشفى فاش خدامة..
بابا مسكين مزال كيف ماهو حالتو تتشفي..شحال بكيت وأنا تنشوف فيه...مشيت عند الدكتور شهاب..طبيب بابا وصاحبو
شهاب:بنتي ياسمين صبري فهاد الموقف دابا خاصكي تتقواي.. بباك كان تيقول انا عندي راجل ماشي بنت هو تيهضر ودموعي تينزلوا
أنا:واش أعمي بابا غيموت!!
شهاب:الموت بيد الله سبحانه...سي البناني الحمد لله تجاوز مرحلة الخطر..المشكل انه هو لي مباغيش يقاوم..الازمة المالية لي جاتو خلاتو يفضل يموت وميرجعش للحياة..حيت حس براسو مشا ليه كلشي ومقادرش يواجه المجتمع...
أنا باحباط وتنشوف فيه وعينيا عامرين بالاسئلة
شهاب:حنا درنا لي علينا لي علينا دابا بنتي هو نصبروا وننتاضروا الفرج من الله...نتيا معندكي متديري هنا سيري شوفي الى مزال شي حاجة تداركيها قبل ما يفوت لفوت..متنسايش ماماك بقا ليها غير نتيا فهاد اللحظة...
كلام عمي شهاب قواني وخلاني نفكر فشي حل نقدر نساعد بيه بابا وترد ليه لي ضاع وخا نعرف نبيع حياتي مقابل بابا يرجع ونشوف ضحكته..وعينيه لي تيبرقوا بالامل..خرجت عند ماما لقيت عمي كمال (شريك بابا)وولدو حسام..عنقت عمي كمال وتنبكي بحال الى كنشم فيه ريحة ديال بابا..وهو تيهدن فيا وتيتحسر على صاحبو وشريك عمروو....


4..عمي كمال صاحب بابا وكثر من خوه بداو بزوج وكبروا بزووج..كان شريكو..وحتى فاش فضاوا الشراكة وكل واحد استقل براسوو..بقات علاقتهم ديما قوية يستاشروا مع بعضهم..ويساندوا بعضهم..كانوا كل مناسبة يتجمعوا العائلتين..بنتو سارة وولدو حسام كانوا بحال خوتي..وخا حسام كنت تنحس بيه اهتمامو وشعورو من ناحيتي تعدا الاخوة لكن ديما تنخلي بينا الحدود وتنعتبرو اخ لا أكتر ولا أقل.. واخا كان وسيم وفيه كاع الشروط لي تخليك تتغرمي بيه...وحتى سارة واخا مشات مع راجلها لامريكا بقا الاتصال دائما قائم بيناتنا...
كمال:معرفتش كيفاش باباك غامر هاد المغامرة..وانا عهدي بيه متبت وحكيم فقرارتو معرفتش علاش متشاورش معايا وحنا تنتشاوروا فالصغيرة والكبيرة..علاش علاش..كون غير بقينا شركا ميوقعش هادشي وبقا يبكي وتنهدن فيه ونبكي..
قرب عندي حسام عنقني وتيصبرني..وتيهدن باباه لي كان فيه السكر وخاف عليه..
أنا:عمي واش مكاينش شي حل قولي؟؟!!!
كمال:بنتي باباك ضيع فلوس كثيرة ثروة تقريبا وانا معنديش السيولة تكفي باش نسدد الديون وباش نخلص المستحقات لي عليه..
أنا:نبيعوا كلشي لي عندنا أعمي..
كمال:راه البنك أبنتي الى مسددتوش ليها غاديا تبيع كلشي ومحال حتى ترض فلوسها ونزل راسوا للأرض..
أنا :اذا مكاين حتى حل!!
مجاوبنيش..وفهمت بأن كلشي ضاع كلشي مشا سي البناني قريب يعلن الافلاس ديالو ..ونوليوا نتباعوا كاملين فالمزاد العلني...بقيت نبكي بحرقة وماما تهدني..
ماما:أهم حاجة ندعيوا مع باباك يولي لباس أما الفلوس حنا لي درناهم ماشي هوما لي دارونا..هدا هو كلامها من ديما حيت كانت مسكينة قانعه ..متيهموها لا فلوس لا أملاك..لكن بابا مسكين الى فاق شنو غادي تكون ردت الفعل ديالو!؟واش يقدر يعيش فالفقر وهو ولد الخير تزاد فيه وكبر فيه..!!

بقيت حدا بابا فكلينيك متنفارقوا لا ليل لا نهار..غير حاضياه وتنبكي وتندعي الله..يطول ليه العمر حيت مزال محتاجاه حدايا..معندي حد من غيرو هو وماما..جا عندي حسام ..وبقا يواسي فيا صراحة انسان نبيل مفارقنيش..كل شوية يجي يطل عليا..
حسام وشد ليا فيدي:ياسمين قلبي تيتقطع عليك وانا تنشوفك فهاد الحالة..تنشوفك تتذبلي قدامي نهار على نهار ..حاولي تخرجي من هادشي ..واش تقبلي نخرجك شوية.؟؟.يالله نتغداوا على بره ؟بدلي الجو ديال الكلينيك..حسام تيهضر وانا مرفوعة تنشوف بابا وتتبان ليا يديه تتحرك بحال الى تيهزهم غوت غوتة ..حسام معرفش باش تبلى
انا:حسام شوف!! بابا تيتحرك!! حرك يديه شوف شوف!!
مشينا تنجريوا عند الدكتور شهاب لي جا تيجري هو والطاقم ديالو..
مخلاوناش نبقاوا واقفين حدا الزاج..خرجنا وتنتسناوا عمي شهاب يخرج..
واقفة بحال الى واقفة على الجمر تنتحرق وحسام تيهدني:ان شاء الله أيكون غير الخير..
خرج الدكتور وشار لينا نتبعوه للمكتب
شهاب:بنتي ياسمين..سي البناني تجاوز مرحلة الخطر والحمد لله عطانا اشارة على أنه تيقاوم باش يتجاوز الازمة..غير مسألة وقت..قريب ان شاء الله غادي نحيدوه من الانعاش..ونديروه فغرفة مستقلة وتقدري تشوفيه وتهضري معاه..
نقزت من الفرحة..عنقت الدكتور وحسام..عيطت لماما نبشرها لقيتها بحرى دخلات للكلينك...مشيت تنجري عنقتها وقلت ليها شنوو قاليا الطبيب..طارت بالفرحة وقالت ليا ربي مغاديش يخيبنا..
طلبات مني نمشي للدار نرتاح وهي اتبقى مع بابا..ونيت خاصني ندوش ونبدل عليا خصوصا من بعد هاد الخبر..
تفكرت طلب حسام باش نمشيو نتغداوا..
أنا:حسام باقي عارضني للغدا..ولاول مرة نبتاسم من بعد مرض بابا.. 
مشينا لواحد الريسطو نتغداوا..وعاد نمشي للدار حتى صونا بورتابلي المكالمة لي غادي تغير حياتي..!!!


صونا البورتابل..شفت فحسام:باباك هذا!!
جاوبت عمي كمال:ألو عمي كمال بابا راه تحسن أعمي طبيب قاليا تجاوز مرحلة الخطر
كمال:الله ياربي شهاد الخبر فرحتيني ..وحتى انا غادي نفرحك ..وقيلة ربي جاب الفرج أبنتي!!
أنا :كيفاش أعمي؟!
كمال:المهم حتى تجي ونشرح ليك ..أنا انتسناك..
انا:هاهو معايا حسام ها حنا انجيو دابا
كمال تبدلات هضرتوا:بنتي متقولي لحسام والو هادشي بيناتنا صافي حتى للعشية وأجي عندي انتسناك فالمكتب..
أنا:واخا عمي..ان شاء الله
قطع عمي كمال وخلاني فحيرة وذهول كيفاش هاد الفرج لي جا؟؟!!واش معقول بهاد السرعة..كيفاش وعلاش أسئلة تيدور فراسي حتى قاطعني حسام:شنو بغاك بابا؟؟!
أنا:لا والو غير تيسول على بابا وبغاني ندوز عندو نهضروا على المشاكل لي عندنا..بالله نتغداوا وبدلت الموضوع..معرفتش علاش عمي خبا على حسام..وخا هو ذراعو ليمن فالخدمة..!
حسام:شنو طلبي؟
أنا:طلب ليا انت لي كان!!
تغدينا ووصلني حسام للفيلا..لقيت هند فالباب ماشيا للكلينيك تشوف بابا..
رجعتها تجلس معايا شوية عاد تمشي..عاودت ليها على بابا..وفرحات بزااف..وعاودت ليها على عمي كمال..
هند:ان شاء الله أحبيبة ربي يجيب لي فيها الخير ويجيب ربي الفرج لعمي..راه ربي ميخيبوش حيت دار غير الخير..وهاانا قدامك كون ما باباك كون عالم الله بيا وبظروفي..
عنقتها:سكتي الهبيلة نتي راه ختي..وفعلا هند ختي لي مولداتهاش لي ماما..حنا تنتشابهوا فالشخصية..نفس الافكار..نفس العقلية..واخا كل وحدة وجمالها الا انها كانت توأم روحي..
أنا:عرفتي شكون وصلني؟
هند:شكون ؟؟
أنا :احم احم حساااااام
هند برقوا عينيها
كانت هند تتبغي حسام من صغرها متفاهمين وأصدقاء لكن هو تيعتابرها ختو وهي عمرها فكرات حتى تبوح ليه حيت عنيدة بحالي و مشاعرها تتدفنهم بحالي ...

الجزء 7
"قصص أم طه"
تعاودت أنا وهند شوية..مشات هي عند ماما لكلينيك..وأنا طلعت لبيتي دوشت ..لبست ومشيت نشفت شعري..أول مرة من بعد مرض بابا نشوف وجهي فالمراية بان ليا مريض وحزين وذبلان..تحت عيني زرقين من قلة النعاس..تكيت ومشيت..ونفس الحلم راودني..قفزت لقي
ت راسي ببينوار الحمام...تفكرت الموعد مع عمي كمال..لبست لبسة كلاس فالكحل جمعت شعري ودرت نضاضر كوحل ني مكياج ني والو..ناشفة
سعيد كان مع ماما فالكلينيك..خديت طوموبيلتي ومشيت..وصلت لشركة عمي كمال كاع الموظفين ستقبلوني بالابتسامة وسولوني على بابا كلشي تيدعي معاه بالشفاء..دخلت عند عمي لي لقيتو بوحدو وتيفكر...
غير شافني ووقف:بنتي الحبيبة مرحبا بيك..زيدي قربي لعندي..
أنا :شكرا عمي..خبار خير أعمي فرحتيني واخا مفهمت والووو...
كمال:بنتي هاد الهضرة لي غانقول ليك..حاولي تاخدي وقتك وتفكيرك ..عاد جاوبي..لان هادشي مرتبط بحياتك ومستقبلك!!
أنا:عمي أنا أي حاجة ترد لبابا لي ضاع منو وترد ليه صحتو مستعدة نبيع عمري عليها!!
كمال:دابا غادي نعاود ليك كلشي..البارح اتصل بيا واحد السيد قاليا هو محامي ديال واحد رجل اعمال عاد جا من ميريكان وقاليا بغا يشوفني ضروري على ود سي البناني تلاقيتوو..
كلاموو جاني غريب ومتيقتوش فالاول
أنا:شنو بغا أعمي!؟
كمال :صبري أبنتي أنعاود ليك بالتفصيل المهم قاليك..أن موكل ديالوو مستعد يتكلف بالخسارة كاملة ديال سي البناني..يغطي عليه كلشي وبلا ميبان هو فالصورة...باش تبقى مكانة ديال باباك محفوظة..
أنا باستغراب:وشنو المقابل أعمي!!؟ميمكنش يدير هادشي فسبيل اللله..!
عمي سكت لواحد المدة:السيد بغا يعقد معانا صفقة والمقابل هو نتي!!!!
أنا:كيفاش أعمي !!
كمال:السيد طلب أنك تزوجي بيه ..وكذلك تخدمي عندوو لمدة 5 سنوات ومن بعد تفارقي انتي وياه!!!




الجزء 8
"قصص أم طه"
بقيت حالة فمي من هول الصدمة..الارض دارت بيا..وبحال السحابة دازت قدامي فيها كاع أحلامي ومتمنياتي وبدات تتلاشي 

أنا:شهاب الصفقة الغريبة أعمي..كيفاش يتزوجني 5 سنين واش هدا بغا جارية ولا شنو؟شكون هو هاد السيد!!
شهاب:انا بنتي معرفتووش..هادشي تم غير عبر المحامي ديالو..هو بغا حتى يعرف رأيك عاد يظهر..أو ميضهرش..الى رفضتي المهم أبنتي فكري..وانتي ماشي مفروض ديري هادشي..هادي صفقة اما تقبليها او ترفضيها..
حدرت راسي وأنا مذهولة من الصدمة..بقيت شاردة ومزال ممستوعبه هاد الغموض شكون هدا وشنو بغا مني!!فاش بغاني نخدم عندوو..ولاش بغا يتزوجني غير لمدة خمسين..وانا فحيرتي وتساؤلاتي..فيقني صوت بورطابلي كانت هند تتصوني:عمي فاق!عمي فاق!
تصدمت من الخبر مبقيت عارفة نفرح او نحزن تخلطوا عليا المشاعر صدمة ورا صدمة ..محسيت برااسي حتى طلقت رجليا للريح نيشان للكلينيك!
معرفتش كيفاش وصلت للكلينيك مشيت تنجري للانعاش ملقيتش بابا ..سولت فالاستقبال عرفت بأن بابا تحسن وعطاوه غرفة مستقلة..مشيت تنجري ليها لقيت هند وماما عنقتهم وتنبكي بكاء الفرح..عرفت أن بابا فاق ولكن مزال عيان والطبيب طلب منا نخليوه مرتاح..دخلت لعندو بشوية..بستو فجبهتوو..وجهوو كان صفر بحال الموتة وضعاف..حس بيا وحل عينيه وهو مقادرش:بنتيييي!!
قربت لعندو وشديت ليه فيديا بستها:بابا لحبيب..نور عيني ..دابا عاد رجعات ليا حياتي..عاد نبض قلبي..كون وقعات ليك شي حاجة كون تبعتك وبقيت نبكي فوق يديه..مسح ليا دموعي..وقربني لعندو
بابا:اميرة ديالي متبكيش..سمحي ليا بنتي انا لي ضيعت كلشي انا لي تكرفست عليكم
..انا لي متهور وضيعتكم معايا!!وبقا تيبكي!!
عنقت بابا ومسحت ليه دموعو:حتى حاجة ماضاعت ابابا كلشي غادي يتصلح
بابا:لا بنتي كلشي مشا!!كلشي ضاع !!!!


الجزء 9
*قصص أم طه*
بقا بابا تيبكي وانا معنقاه تنهدن فيه حتى حسيت بيه سخف..تخلعت وبديت نجري ونغوت :بابا عتقوني..بابا!

دخلات ماما وهند تيجريوا!بقات هند تتقلب ليه النبض ديالوو..وانا جريت تنعيط للدكتور شهاب لي جا تيجري وخرجنا كامليين
بقيت تنبكي وحاسة انا السبب..انا لي خليتو يبكي ويتأتر:الله ياربي يا بابا الحبيب..أش هاد المكتاب جاك..أش مخبي لينا الزمان..تنبكي ونبكي حتى سخفت..
هزوني لبيت آخر..بقات هند تتفيق فيا :حليت عينيا لقيتهم جنبي ..قفزت:بابا ..أش طرا ليه!؟
ماما:بنتي راه الدكتور شهاب طمنا عليه..راه ولا لباس غير هو طلب منا نقللوا الزيارة حيت باقي عيان...
زدت حسيت بالندم علاش خليتو يهضر ويبكي علاش؟!
واحد شوية دخلات الممرضة:آنسة ياسمين الى وليتي شويه الدكتور شهاب بغا يشوفك!
قفزت نيشان للمكتب ديالو وعقلي تيتسنى غير الأسوء
دقيت دخلت
شهاب:بنتي ياسمين جلسي
أنا:ياك لباس اعمي بابا مغيوقع ليه والوو ياك!؟
شهاب:شنو لي وقع أبنتي فاش كنتي عندو؟
أنا:تفكر الازمة ديالوو وبقا يبكي ويطلب مني المسامحة على داكشي لي ضيع.بابا حاس بالذنب أدكتور داكشي تيعذبو.كيفاش نقوليه راه انا هو لي تيهمني ..ماباغا فلوس ماباغا املاك..بغيت غير بابا يرجع يضوي حياتي..وبقيت نبكي اهئ اهئ
شهاب:بنتي تهدني خاصكي تكوني قوية. سمعي هادشي لي غادي نقوليك مزيان وحاولي تكوني قوية وعندك ارادة صلبة..سي البناني داز من أزمة قلبية خطيرة..وربي كتب ليه عمر جديد..حيت ديك الازمة فيل كانت تقتلو لكن الحمد لله ربي لطف بيه..المشكل أبنتي ان هاد الازمة احتمال ترجع ليه مرة اخرى وهاد المرة منضنهاش ترحموو حيت مبقاش قادر يتحمل..
هو تيهضر وانا تينزلوا دموعي باردين دموع ديال القهرة والحسرة على مصير بابا لي ولا معلق بحال شي ريشة اي ريح بسيطة يطير معاه


الجزء 10
*قصص أم طه*
أنا:شنو المعموول ؟؟!عافاك أي حاجة ديريها نصيفطوه لبرة!! أي بلاصة!! أنا مستعدة نفديه بحياتي!!..وغرقت فبكاء طويل

شهاب:بره معندوو ميدير ليه..سي البناني خاصو دابا غير يبعد على التوتر والحزن حاولوا تخليوه ينسى الازمة ديالوو..واخا راه صعيب مي حاولوا..وتنهد وخرج خلاني
خلاني غارقة فأحزاني وانا نفكر فبا الحبيب..كيفاش نعاونو تفكرت الصفقة!
واش هي الحل لي ترجع لبابا كلشي!؟وترجع معاها صحته وضحكته.!.ولكن غاديا ندفن راسي وحياتي ومستقبلي لمدة خمس سنين..غاديا نحكم على راسي بالسجن بدون أي ذنب او جريمة..!!
خرجت بره لقيت ماما مع بابا كان ناعس ومرتاح ..فرحت منين شفت وجهه بدات.. ترجع ليه الصحة والعافية..
طلبت مني ماما انا وهند نمشيوا للدار وهي اتبقى مع بابا..
مشيت حيت فعلا كنت محتاجة ندوش ونرتاح..وبغيت نيت نفضفض لهند..
وصلنا للفيلا دوشنا بدلنا وهبطنا نتعشاوا..كنت شاردة وتنفكر فبابا وحالو وتنتفكر الصفقة والغموض لي داير بيها.!
قفزاتني هند من أفكاري:ياسمين مالكي شاردة فين مشيتي؟؟
بقيت مترددة وفالاخير بقيت نفضفض ونعاود ليها ..حكيت ليها على الصفقة..وعلى المقابل لي مطلوب مني..حتى هند تصدمات:آش هاد الحماق..شكون هذا لي غادي يعطي هاد التروة كاملة باش يتزوجك 5 سنين..وشنو سبب الى يخلي واحد يدير بحال هاكدا ؟؟انا ختي ممرتاحش لهادشي..رفضي هاد الصفقة ..وعمي ليه رب كريم..
أنا:كيفاش نرفض اصاحبتي!؟نتي معارفاش بابا؟ واش بابا يقدر يعيش فالفقر والذل..واش بغيتيني نخسرو بمرة..انا راه نبيع حياتي كاملة على ودو اما هاد الصفقة راه غاديا نبيع غير 5 سنين من حياتي صافي
هند:واش حماقيتي؟!باغا تبيعي راسك ياك؟ايوا عمي الى ساق الخبارشنو اتقولي ليه؟مفكرتيش فهادشي؟فاش يعرفك بعتي راسك على ودوو؟راه هديك هي الضربة القاضية لي غاديا تجيب ليه النهاية ديالوو
ياسمين:بابا مغادي يعرف والوو..وحتى ماما وحتى انتي اهند مغادي تقولي والو!!
هند:صراحة انا مستغربة..واش نتي ياسمين؟؟واش مكتأمنيش بالقدر خيره وشره ..هادشي مكتاب على عمي ربي لي بوحدو قادر يفرج عليه..اما هادشي لي باغا ديري راه انتحار باغيا تبيعي رسك وللاسف بالغالي..كيفاش غادي يحترمك هادا لي باغي يشريك ؟؟ كيفاش غادي يقدرك؟؟عالم الله واش شارف أو مريض أو شي جايحة لي ضربو!!صدمتيني أياسمين والله فين طموحك.!!.فين الماستر لي قربتي تاخديه؟
ياسمين:مابقا هامني والو من غير بابا ..وانا صافي قررت قرار لا رجعة فيه..وياريت اهند بلا متسرعي وتقولي شي حاجة حيت مغادي تغير والوو!!
هند:انا عارفة راسك قاصح..ولكن عافاك أحبيبة فكري وبلا متسرعي..
خليت هند باش متزيدش تقنعني..حيت عارفاها كتعرف تقنع بالعقل..وخفت منها داكشي لاش هربت منها....


الجزء 11

*قصص أم طه*

الليل كامل وانا تنتقلب حلف النعاس الى جاني ..هاد الصفقة المليئة بالغموض والمخاوف..ولكن علاش تنتخيل غير الاسوء ..علاش ميكونش هاد الشخص راجل مزيان وغايعاملني مزيان..واخا يكون كبير نصبر راه غير خمس سنين وفايتة..داني النعاس ونفس داك السوط كينزل عليا..وانا تنغوت ..وتنفيق على نفس الكابوس لي مبغاش يفارقني..حسيت بالغم والكآبة وعطيتها للبكا...
دخلت دوشت ..وبدلت عليا ..ونزلت باش نمشي للكلينيك عند بابا. لقيت هند تتفطر بستها وهي تتشوف فيا و مقلقة مني مبغيتش نجبد معاها الموضوع مزال..جلست تنفطر..شوية جات الخدامة:ختي ياسمين واحد الراجل جاب هاد البرة ..
خديتها منها فتحتها ..كان انذار من البنك..الى مخلصناش فهاد المدة ..كلشي ايدخل فالسيزي..
وريت الورقة لهند وانا تنبكي:ها علاش أهند بغيت نبيع راسي !!واش بغيتي بابا يتبهدل فأخر اياموو؟؟..راه والله بابا ميتحمل دقيقة هادشي راه غادي يمشي فيها..!!!واش ميستحقش التضحية وهو لي طول عمرو موفر لينا كلشي وعمرو حرمنا من شي حاجة..عنقاتني هند وبقينا نبكيوا بزوج..تنبكيوا بانكسار ..بقلة حيلة وبكاع معاني اليأس والاضمحلال...
هزيت طوموبيلتي ومشيت تنجري عند عمي كمال:اليوم خاص كلشي يتبدل!!ليوم نرجع الحياة لبابا!!


لجزء 12
*قصص أم طه*
دخلت عند عمي كمال للمكتب شافني و اتفاجأ:بنتي ياك لباس؟ كيف بقا باباك؟

أنا : لباس الحمد لله بابا اتحسن أعمي
كمال:على سلامتو ابنتي عشية ندوز لعندوو
وشاف فيا :ياك لباس أبنتي؟شفتك مفرحاناش؟
أنا:عمي جيت لعندك على قبل الصفقة..!
كمال:واش فكرتي مزيان؟!
أنا:عمي اه فكرت أنا موافقة نعقد الصفقة ..وبأقصى سرعة بغيت كلشي يتم قبل مايخرج بابا من الكلينيك..
كمال:بنتي متسرعيش هذا راه قرار مصيري..ماشي يتقرر بهاد السرعة
أنا:عمي معنديش بديل أخر ..بابا مهدد بالموت الى جاتو شي صدمة أخرى..اليوم البنك صيفطوا لينا الاندار..الى تباع كلشي فين غايمشي بابا؟!واش بابا موالف بالذل والتكرفيس؟!واش بابا قادر يخرج يخدم ؟كيفاش يقدر يشوف فالناس..وفعينيهم؟ انت تتعرفوا كثر مني أعمي واش بابا يقدر يتحمل جاوبني أعمي؟وبقيت تنبكي:انا ماشي غير نبيع راسي. انا راه ندفع حياتي وبابا يعيش..!
عمي كمال بقا تيهدن فيا وتيواسيني
أنا بكل تقة:عمي اتصل دابا بالسيد وقوليه راني موافقة!!
كمال:واخا بنتي وتنتمنى ربي يوفقك..وياريت كون كان فيدي شي حاجة نديرها مي الغالب الله وحنا راسو بحزن
أنا:عمي بلا متقلق أنا عارفة شنو كاين..المهم أعمي اتصل بالسيد دابا بغيت نعرف شنو كاين؟!
هز عمي بورطابلو واتصل..سمعتو تيهضر مع المحامي ..وقاليه على كلشي..قطع عمي وانا كلي لهفة نعرف شني وقع:عمي شنو قاليك؟؟؟!!
كمال:المحامي قالي بأنه غادي يتصل بموكله يخبرو وغادي يتضلوا بالانسة ياسمين باش يحدد ليها موعد معاه..!!
آلاف الأسئلة تتدور ليا على هاد المجهول ..شكون هاد الرجل الغامض؟؟ شنو سميتو؟؟علاش باغيني للزواج؟؟ ..أشمن خدمة بغاني نخدم عندوو..بقيت تتنخبط فأفكاري حتى دخل علينا حسام..لي حس بفرحة كبيرة فاش شافني...ذ


الجزء 13

*قصص أم طه*


حسام تيضحك :وانا تنقول مال الشركة مضوية..لالة ياسمين منورانا
أنا وتنحاول نخلي حسام ما يشك فوالو:لا لالاك الضاوية هدي ههه
بقينا نضحكوا كاملين
حسام:على سلامة عمي هدي رجلي من عندوو..راه اليوم وجهو منور
فرحت بزااف حيت باقا مشفتش بابا:لقيتيني عاد انمشي دابا مزال مشفتووش
حسام:وي سولت عليك..مي متوقعتش نشوفك هنايا..وبقا يشوف فباباه لي تهرب من شوفاتو قاطعتهم:جيت نتشاور مع عمي فشي حاجة ناري شحال فضولي ديها فراسك ..حسام:هانا لالة ..ولكن بشرط الى بغيتي نديها فراسي ..يالله نتغداوا عاد سيري لكلينيك
أنا:واخا سيدي! نيت خرجت بلا فطور وجاب ليا الله نتغدا على ظهر شي حد..يالله سبقني انا هابطة..
خرج حسام وقرب عندي عمي:بنتي مزال قدامك فرصة نحبسوا هادشي ..نتي ماشي مجبرة..فكري مزيان
أنا:عمي راني فكرت وقررت وصافي عطيت كلمتي ..وراك عارفني عند الكلمة..عمي واعدني!! واعدني هادشي يبقى بيناتنا..حتى حد ميعرف بأن هدي صفقة..بغيت بابا يعرف انني غادي نتزوج عن رضا وعن قناعه..واعدني بابا ميعرف والوو!!
كمال:تنواعدك ابنتي كوني هانية..وياربي توفقك و تحميك..وباسني فجبهتي..
جيت خارجة..حبسني عمي:ياسمين ياريت متقولي لحسام والو راكي عارفاه شحال تيعزك مبغيتوش يتأتر..هزيت ليه راسي وخرجت..
كنت عارفة ان كلشي عارف حسام تيبغيني..لكنه تيبقى خويا وصديقي..قبل منخرج عند حسام اتصلت بهند وقلت ليها غادي ندوزوا من وراها للمستشفى تتغدا معانا..كان خاصني ندير شي حاجة تجمعهم خصوصا انهم بزوجهم يستاهلوو بعضهم..بزوجهم قلوبهم نقية وصافية..
هبطت عند حسام لقيتو مخرج راسو تعطلت عليه:وطلقينا سخفت بالجوع
أنا:امالك أصاحبي كرشك غاديا طيحك فبير..خليت طوموبيلتي وركبت معاه:يالله طير عند هند للسبيطار راه اتمشي تتغدى معانا
حسيت بيه بحال الى دزير..ولكن خاصو يفيق صافي يشوف حياتو..وخصوصا مع هند لب تتبغيه..حنا موالفين ديما تنخرجوا ب تلاتة هند شخصيتها القوية مكانتش تتخلي حسام يحس بمشاعرها ..جافة بطبعها..كان مسميها..الدكتور شانبوو وكنا ديما تنشدوا فيها..بوحدي لي عارفاها شحال تتبغيه وتتمناه..
وصلنا للمستشفى..شحال تنتسنوى عاد شرفات لالة هند..كانت غزالة ودايرة نظارتها الطبية لي كانوا تيعطيوها جدية وحضور كثر من سنها..
هند:اهلا ياسمين..بوراس صافا ياكما تعطلت عليكم
حسام:لا غير كنت غاندخليك نجرك من شعنانتك
هند:ايوا كون درتيها وتشوف العيالات شنو غادي يديروا ليك..بحكم انها طبيبة نساء وتوليد..بقات تشوف فيا:ياسمين صافا حبيبة الدكتور شهاب طمني على عمي راه حالتو استقرات
أنا :ايوا الحمد لله
هند حسات بيا شنو عندي وبغات تبدل الموضوع:عرفتوا تشهيت الحوت شحال مكليتوا..شنو رأيكم؟؟
حسام عجباتو الفكرة..وانا مكان فارق معايا والو حتى الشهية معنديش..
وصلنا لمطعم جنب البحر غير ديال السمك..حسام وهند ناضوا تيختاروا السمك راسهم ..انا غير شاردة وتنفكر فالمجهول..عييت منتخيل شنو مخبي ليا لكن كلشي كان مبهم وغامض!!..حاجة وحدة لي باينا لي هي صحة بابا وهناه!!
كليت غير شوية..واستأذنت منهم:خاصني نوض دابا كولوا فراحتكم عندي شي غرض قريب من هنا!!
حسام:بلاتي نوصلك!
أنا:لا خاصني نقضيه بوحدي يالله بصحتكم نتشاوفوا. غمزت هند فغفلة من حسام..وفهماتني شنو بغيت ندير..
خليتهم ومشيت...خديت طاكسي ونيشان للكلينيك....**


الجزء !14
*قصص أم طه*


لقيت سعيد الشيفور قدام الكلينيك..طلبتو يجيب ليا طوموبيلتي من قدام شركة عمي كمال..ودخلت عند بابا..مكنتش ناوية نقوليه والو حتى نتلاقى مع السيد ونشوف..
دخلت لقيت معاه ماما تتشربو الصوبة..فرحت بزاف حيت شفتو رجع ياكل وخصوصا وجهه رجع ليه الضياء ديالوو..
غير شافني ابتاسم ديك الابتسامة لي تترجع ليا الروح...
بستو وعنقتو:حبيب ديالي وليتي لباس؟
بابا:الحمد لله ابنتي..فاش تنشوفك نتي بيخير وفرحانة..تترجع ليا صحتي وعافيتي..
عاودت عنقتو..بست ماما لي نسيتها مسكينة هاد الايام:ماما حبيبة كيف صبحتي؟
ماما بصوت عيان:الحمد لله ابنتي منين رجع لينا باباك هديك هي الدنيا وما فيها..وشدات ليه فيدييه..
كان واحد الحب بيناتهم..كبير وعظيم..كنت تنحسدهم..وتنتمنى شي نهار نلقى شي واحد بحال يبغيني ونبغيه بحالهم..كيف ما عاودات ليا ماما..انهم تزوجوا فظروف صعيبة..ماما لي كانت فظروف متوسطة..وبابا لي كان ولد الحاج البناني الكبير..لي كان متسلط لدرجة كبيرة(الله يرحمو)كان طاغية بمعنى الكلمة رفض زواجهم وهدد بابا يحرمو من الميرات..لكن بابا واجهو وقاليها مابغا منو والو..منين يأس من بابا ..هدد جدي بابات ماما..سلط عليه رجالو هددوه..وبفضل سلطته جراو عليه من خدمته ووقف قدام رزقه حتى مات مسكين بحسرته..مكتاب ليهم الزواج حتى مات جدي بحادث سير فضيع..كأن المشيئة الالهية شاءت باش يكونوا لبعضهم.. بقيت غارقة فأفكاري..حنى فيقني صةت بورتابلي..خرج باش منبرزطش بابا كانت سارة بنت عمي كمال لي سمعات بابا وعيطات مخلوعة تطمن عليه..طمنتها..وقالت لي بأنها قريبة تدخل للمغرب..
ساؤة بنت زوينة كبر مني ب 4 سنين كانت بحال اختي تربينا كاملين..تزوجات عن حب بواحد الشاب تري عندو مشاريع فبره ودابا راهم مستقرين فالولايات المتحدة..
دخلت عند بابا..
ماما:بنتي اجي ارتاحي تتهضر بصوت عيان..مسكينة منين مرض بابا مرتاحتش
انا:ماما سيري احبيبة للدار ترتاحي راك عييتي ها انا مع بابا..وحتى بابا:عندها الصح سيري رتاحي ..بصعوبة قنعناها تمشي
ماما:ردي أبنتي لباك البال أي حاجة اتصلي بي الليل انا هنا..دارت عند بابا:خليت ليك راحة الله هاد السلعة وباستو فراسو..
بقيت مع بابا حاولت نبعدوو على أي توتر..جبت كتاب بقيت نقراه ليه حتى داه النعاس..خرجت بره نخليه يرتاح حتى جات هند بقيت انا تنضحك وهي تتخنزر:درتيها بلعاني أ صفرة؟
بقيت نضحك:ياك داكشي لي بغبتي خليتك مع محبوب القلب
هند:أودي اشمن محبوب..هو منين يجلس وهو يهضر يا على الخدمة يا على الكورة..وانا دايرة فيها نيبت زعما تنفهم.. وانا متنقشبل والو فالكرة
بقيت نضحك عليها:لا زعما نتي مطفراه..
ايوا صاحبي بداي نتي حاولي تقربي منو تحلوني شوية..
هند:مزيناتو والله الى كانت ليه..دابا خلينا منو..شنو درتي فحريرتك..
جيت نجاوبها صونا بورتابلي وكانت نمرة غريبة معرفتهاش...!!

الجزء15

*قصص أم طه*


أنا:ألو ...!!
الصوت:ألو أنسة ياسمين بناني ؟؟!
أنا:نعم شكون معايا؟!
الصوت: انا المحامي أحمد العلوي..اتصلت بيك بخصوص الصفقة..الى كان يناسبك نقدر نشوفك غدا مع 4h
أنا:اوكي ممكن العنوان..
الصوت:هاهو غادي يوصلك دابا فمساج..مع السلامة
قطعت وبقيت مصفونة..هند تتدير لي باي باي قدام عيني ووالو..
هند:ياسمين..ياسمين..بسم الله عليك شكون عيط ليك..؟؟!!
انا:المحامي!!
هند:مقلتيش لي شي والو..واش وافقتي؟؟؟!
أنا:هند عافاك متبدايش اه وافقت صافي بلا مواعظ..هضرتك مغادي تغير والو..
هند صرطات هضرتها..وخلاتني ودخلات تشوف بابا..
بقيت انا تنفكر وعقلي مشلل بانت ليا الامور والاحدات تتسارع وانا معارفاش شنو مخبي ليا القدر..
قررت غير نمشي للدار نصلي صلاة استخارة نطلب ربي يعاوني وينور دربي
دخلت عند بابا لقيت هند كيف العادة تتعاود ليه وهو يضحك..تتعاود ليه على واحد المرة جات تولد وراجلها مسكين ريشاتوو وعضاتوو وبابا تيضحك ديك الضحكة الصافية ديال القلب..ياربي تخليه ليا ومتحرمنيش من ضحكتوو ياربي..
بقينا معاه نتعاودوا ونضحكوا حتى جات ماما ..مشينا للدار وخليناها معاه..
هند:حبيبة..انا منقدرش نلومك حيت كون كنت بلاصتك ندير كتر من هاكدا هداك باك ويستحق التضحية
عنقتها وبديت نبكي
هند:ان شاء الله ربي يسهل عليك وهادشي كامل يكون من الخير
طلعت لبيتي دوشت ونعست ..
شحفانة بزااف وانا فبيت مظلم وتنبكي ونغوت ..جات واحد المرة كبيرة بكرسي متحرك تتدوز على راسي عطاتني نشرب ومشيت..بديت نغوت ونغوت..حتى فقت
لقيت راسي فبيتي شحفانة وعرقتنا وكلي تنترعد..تخلعت بزاف ..الحمد لله غير حلم..
سمعت الفجر..توضيت وصليت ورجعت نعست بعد مشقة الانفس...
صونا بورتابلي..قلبتوا لقيت هند:حبيبة فيقي راه 3 هادي رونديفو ديالك قرب
قفزت بزربة نعست هاد النعسة كاملة بلا منحس ..مشيت دوشت..لبست عليا هبطت..شربت كاس قهوة كحلة كان راسي تيحرقني..هزيت طوموليلتي..ومشيت للعنوان ديال المحامي...!!


 الجزء16

*قصص أم طه*

وصلت للعنوان لي قالي ..طالعا فالاسنسور وقلبي تيضرب..دخلت كان مكتب فخم وراقي..استقبلاتني سكريتيرة جميلة:مرحبا لالة شنو حب الخاطر
أنا:قولي لسي العلوي الانسة بناني هنا
السكريتيرة:تفضلي ألالة راه فانتظارك..!
دخلت عندوو كان راجل فالخمسينات ..شافني وقف
المحامي:مرحبا أنسة تفضلي!
أنا:شكرا بلا شك عارفني لاش جيت..انا هاد الصفقة مزال مفاهماهاش..
المحامي:سهلتي عليا الامر منين دخلتي ليا فالموضووع بدون مقدمات ..المهم غاديا نشرح ليك كلشي ..وديك الساعة عطيني قرارك النهائي
أنا:داكشي لي بغيت..
المحامي:الموكل ديالي سي يوسف..ابتسم ليا :عندو نفس أسمك العائلي ..سي يوسف بناني
انا:ماشي مهم مالو؟؟ مهتميتش حيت نص فاس كنيتهم بناني
المحامي:سي البناني اتصل بيا..وطلب مني نعرض عليك هاد الصفقة وها انا غادي نعرض عليك بالتفصيل شنو بغا سي بناني
سي بناني عاد جا من امريكا..مشاريعو كلها تما جا غادي يستقر هنا لمدة خمس سنين والسبب معرفتووش..المهم فاش عرف أزمة ديالكم..هو عرض يتزوجك وتخدمي عندوو مدة خمس سنين وفالمقابل ..قاطعته:ياك قلتي هو مشاريعو كلها فميريكان شنو غادي نخدم عندو؟؟!
المحامي:انا لي عارف هو لي غادي نقولها ليه اما شي حاجة خرى سي يوسف يشرحها ليك..معرفتس شنو غادي تخدمي؟؟نكمل ليك غادي تزوجيه وتمشي تسكني معاه ..فواحد الفيرمة ديالو شراها ..بعيدة كاينة فالريف..هو تيشرط عليك متخرجيش الا باذن ديالو.والى فكرتي تطلقي او شي حاجة غادي ياخد كلشي من باباك عاوتاني..هادشي غادي توقعي عليه..وغير تدوز المدة كل واحد يشد طريقوو وتحتافضي بكلشي المهم فكري مزيان وانا فانتظار ردك..
أنا:انا بغيت تشوف هاد السيد واش ممكن..
المحامي:للاسف..السيد يوسف ميمكنش تشوفيه..راه داير ليا وكالة..مكلف ليه انا بكلشي وحتى بعقد الزواج..الى وافقتي غادي نصاوب ليكم عقد الزواج..وفنفس الوقت نوقع ليك كاع الاوراق لي ترد لباباك فلوسو..وانا لي مكلف نوصلك حتى لعندوو..!!
أنا:أش هاد الغموض؟؟!هذا علاش تيدير هكدا ؟؟علاش تيدللني هكذا؟؟منين باغيني على الاقل يجي هو يتفاهم معايا..
المحامي:انا لي عندي قلتو أبنتي..منقدرش نزيد شي حاجة ..حيت هاد شي لي حكيت ليك هو لي خبرني بيه سي يوسف..اما علاش دار هكدا فسي يوسف بوحدو يقدر يجاوبك...المهم فكري مزيان وانا فانتظار جوابك..غير متعطليش !!
خرجت وانا مصدومة من هادشي لي سمعت..هدشي بحال شي فيلم تركي او هندي..شكون هدا لي مضحي بتروة باش يتزوج وحدة مكلف نفسو حتى يجي يشوفها.. دابا صافي مابقا لي فين نتراجع..هاد المغامرة صافي اختاريتها وغادي نخوضها..حيت التراجع معناه حياة وصحة بابا. .
رجعت بسرعة عند المحامي:انا موافقة بشرط هادشي يتم فأقرب وقت ..حي قريب بابا يخرج من المستشفى..وشرط اخر اني منمشي عندوو حتى ترجع الصحة لبابا..وأهم حاجة بابا ميعرف حتى حاجة بهاد الصفقة..
المحام:اوكي أنسة ياسمين نخبر سي يوسف ونرد عليك..
خرجت حسيت بشوية الراحة..حيدت عليا واحد الهم..باش ميبقى ليا فين نتراجع..
مشيت للكلينك . بابا نهار على نهار تيتحسن..لقيتو ضاحك مع ماما..دكتور شهاب خبرني انه بقات ليه غير شي يامات ويخرج ووصاني عليه باش يبعد على المشاكل والضغوط..خبرته انه كلشي تحل مابقات مشاكل ..مفهم والو لكن فرح لهدشي...
كان باقي عندي مشكل واحد هو كيغاش نخبرهم..كان خاصني نحبك شي قصة فراسي تخليهم ما يحسوا بوالوو..وتبان ليهم المسائل طبيعية...
رتاحيت على بابا ومشيت..هزيت طوموبيلتي وبقيت ندوور..تندور ندور حتى وصلت للبحر..كنت كنرتاح فيه بزاااف..كان وقت الغروب..وانا تنشوف لي كوبل مقابطين وتيشوفوا جاتني واحد الكآبة..ديما كنت تنتمنى نجي انا وشي حد نكون تنبغيه للبحر ونكونوا شادين بيدين بعضنا ونشوفوا الغروب..لكن شوف الدنيا فين غادي تلوحني..ففيرمة بعيدة..مع راجل كبير عليا ..ووللمجهوول..حملت نفسي..والى دارنا نيشان...!!


 الجزء 17
*قصص أم طه*
دخلت للفيلا..وانا مقررة نقتل فيا كاع الاحاسيس والمشاعر..معرفتش علاش جاني الجوع..دخلت للكوزينة ..كليت وكليت وكليت بحال الى شهر محرومة من الاكل...
جات هند لي لقاتني مزال تنتعشى وجلسات تتعشى معايا:شفتي المحامي ؟؟شنو قال ليك؟؟شنو درتي؟؟
أنا:صافي أهند تنتسنى غير سي بناني يرد عليا!!
هند:علاش شنو دخل عمي فهادشي؟؟!
انا تنضحك بتهكم:الا ماشي بابا!!سي بناني راه راجلي حتى هو كنيتوو بناني!
هند:ايواشنو غادي تقولي لعمي؟؟ولا باغا تزوجي بلا خباروو!!!
انا:هذا هو المشكل..لي مزال ملقيت ليه حل..عافاك عاونيني اهند..شنو نقوليه ..وكيفاش؟؟
هند:خاصنا نفكروا مزيان فشي حاجة متخليش عمي يشك حيت الى شك فشي حاجة راه مشا فيها.
أنا :راه هادشي لي خالعني ..ياربي تعاوني ياربي..!!
هند:ياربي تدير لي فيها الخير..
بقينا ساهيين وتنخمموا واحد الشوية:هند جاتني واحد الفكرة..غاديا نقول لبابا انني تعرفت على واحد الشخص شحال هدي ..ومنين عرف شنو وقع لينا قرر يساعدنا..وبالمقابل نخدم معاه..ونخلي موضوع الزواج حتى لمن بعد ونقولو ليه..
هند:وفاش تمشي عند راجلك..شنو تقولي لعمي..نقوليه راه داك السيد ففرنسا..انمشي نخدم معاه ونكمل قرايتي باش مايعارضش..
تدوز شي ايام وديك الساعة نقوليه راه ارتاحيت ليه وبغينا نتزوجوا المهم من تما بحن الله
هند:والله الى انا ممرتاحاش لهاد الكدوب كامل..خايفة على عمي والله
انا:انا علاش دايرة هادشي كامل راه غير خوف على بابا..ان شاء الله ربي مغاديش يخيبني..ويدير ليا تاويل ديال الخير..
طلعت لبيتي..وبصعوبة كبيرة استسلمت للنوم..ونفس الاحلام والكوابيس لي تتراودني كل ليلة..نفس الرعب وخفقان القلب..
قفزت من بلاصتي وكانت الشمس مضوية..شفت الساعة كانت ل10 ..نضت دوشت..وصليت..لبست عليا ونزلت نفطر...


ّلجزء18

**قصص أم طه**


نزلت لتحت نفطر لقيت ماما فالدار الخدمات فالتخمال والتوجاد فالكوزينة شنو واقع لاش هادشي كامل..ماما غير شافتني ضحكات:حبيبة صباح الخير
أنا:صباح النور ماما أش واقع ..مالكم؟؟
ماما:حبيبة باباك راه غدا ايخرج ان شاء الله ايوا خاصنا نبداو نوجدوا راه ايبداو يجيوا الناس يوصلوا ليه..
عنقتها وانا فرحانة:على سلامتو اماما دارو توحشاتوو
ماما بحزن:معرفنا هاد الدار واش بقات ديالو ولا لا راه البنك غادي يحجز على كلشي..راني ابنتي تنخمم فباك فاش يحيدوا لينا الدار لي عشنا وكبرنا فيها
انا:حتى حاجة مغادي تمشي ..تنهضر بكل تقة..ماما على هاد الموضوع بغيتك..واش ممكن نهضروا؟؟
ماما:واخا بنتي ياك لباس!!
أنا:غير الخير الحبيبة ديالي
دخلنا للمكتب وبقيت نعاود ليها الموضوع من الاول حتى الاخير..وطبعا ماشي الحقيقة..حيت عارفة ماما مستحيل تقبل واخا منعرف شنو
ماما بقات مستغربة:واش ابنتي باقي شي واخد بهاد النبل كامل..ممتيقاش ابنتي..واش متأكدة من هادشي لي تتقولي؟؟ياكما خدام فالحشيش او الغبرة وبغاك تخدمي معاه؟؟
انا :لا ماما شنو تتقولي هو انسان محترم وانا عارفاه مزيان مدة تنعرفو و عارفة اخلاقة وخدمتو لي فضو!وزيدون حنا غنسددوا ليه فلوس على شكل اقساط..ماشي غايصدق علينا..!!
صراحة خلعاتني ماما..علاش ميكونش كلامها بالصح ويكون غبار او بائع مخدرات ..ونلقا راسي فالحبس..طردت هاد الافكار من راسي:شنو غايدير بائع مخدرات بيا ؟؟فاش غانفعوا انا!!وعلاش ايبغي يتزوح بيا..؟؟
قاطعاتني ماما:ايوا على ربي يكون هادشي صحيح ..عمرنا ننساو خيروو..!
انا:دابا البقية عليك بغيتك تقوليها لبابا وتقنعيه باش ميرفضش ..راكي عارفاه ايرفض نخدم مع شي حد..راه غير مدة وصافي..
ماما:ان شاء الله ابنتي..
بورطابلي تيصوني هدي نمرة المحامي خرجت للجردة نجاوب:ألوو سي العلوي صباحك مبروك
المحام:صباحك مبروك انسة ياسمين..نتمنى تجي عندي فاقرب وقت حيت وصل الجواب..ديال سي يوسف
انا:اوكي شويش ونكون عندك..
هزيت صاكي..وطيارة عندوو
دخلت شافني اتفاجأ..زعما وصلت بزربة..غادي يكون متصور انني ميتة على هاد الزواج محاسش بالنار لي فالداخل ديالي
محام:مرحبا انسة تفضلي
أنا:شكرا اشمن جديد كاين..!!؟
محام:سي البناني موافق على شروطك بشرط متفوتيش 15 يوم من ورا فاش يخرج باباك من المستشفى شنو رأيك
أنا :واخا موافقة
محامي:على بركة الله وجدي هاد الوراق باش نديروا عقد الزواج وكدلك توقعي على الوتيقة لي تتلتزمي فيها بشروط سي يوسف..وغادي نعطيك الوراق الخاصيين باباك..
أنا:اوكي يومين ونوجد ليك كلشي ..قبل ما يجي الانذار الاخير ديال البنك..تعمدت نقوليه هكدا باش يعرف ان هاد الزواج غير على قبل بابا..
خرجت وخليتوو..هاد المحامي كان بحال عزرائيل بالنسبة ليا كرهتوا ..كثر ما كرهت هاد "يوسف البناني"...

الجزء19

**قصص ام طه**

اليوم كان الاحد..هند مكانتش خدامة..كانت هاد النهار بايتة فدار جداتي الله يرحمها..بقات فيها غير هند بوحدها وقليل فاش تتبات فيها..حيت ديما معانا..لكن نهار الاحد تتبغي تصبح فيها باش تخملها وتدور بيها شوية..وتشم فيها ريحة جدة لحبيبة. لي كانت متعلقة بيها بزااف ..خصوصا انها هي لي رباتها من بعد موت والديها. ومننساش حالة الحزن لي جات لهند من ورا وفاتها..قررت نفاجأها فهاد الصباح..مشيت نيشان للمدينة القديمة..شحال كنرتاح منين تنجي ليها..تتلقاي البساطة فكلشي..فوجوه الناس فكلامهم فتعاملهم..ماشي بحال حياتنا كلها تصنع ونفاق وتمتيل..بدعوى العلاقات الاجتماعية..
وصلت فتحت الباب..لقيت لالة هند غارقة فالغبابر والمسيح..والتسياق غير شافتني فرحات:جابك الله ابنتي تعاونيني..
أنا هازا قنانفي:وصاحبتي راكي عارفاني معنديش مع هادشي
هند:عارفاك ارستقراطية..والله وماتكعدي حتى نخوي عليك هاد سطل ديال لما نخسر ليك لفيست السينيي ..وانا نقفز لبست بيجامة من دياولها وبقيت نعاونها..حيت صراحة..واخا كنت بنت الخير..ماما علماتني كلشي..علماتني نعتمد على راسي نطيب وندير كلشي..وحتى ففرنسا كنت معتمدة على راسي من طياب ومن تنظيف..
كملنا دوشنا..تغدينا طويجين من يدين هند ونعسنا مافقنا حتى للعشية بدلنا عليا ومشينا للكلينيك نشوفوا بابا..لقيناه مزيان..ورجعنا للفيلا..وداز نهار غزال فدار جداتي الحبيبة..استرجعنا فيه ذكريات الصغر..والحنين للماضي..
كملنا أنا وهند السهرة فبيتي..حكيت ليها ان من بعد يومين انتزوج ومن هنا 15 يوم انمشي حيت بابا غدا خارج من المستشفى
بقيت نوصف ليها احساسي لي تنحس. بالخلعة والحسرة والالم..عنقاتني..وبكينا بزووج حتى نعسنا وحنا معانقيين..
فقنا كان نهار جديد هاد النهار لي غادي يخرج فيه بابا من المستشفى..كلشي فرحان وناشط..الخدمات تيوجدو احلى واطيب الاطباق لي تيبغي بابا..هند كانت مشات لخدمتها بقيت فالجردة وتنتسناهم يجيوا..واحد الشوية تنسمع الطوموبيل تتكلاكسوني خرجت تنجري فاستقبال با الحبيب..غير شفتو واقف على رجليه رجعات فيا روحي..كنت تنتظر ردة فعله خصوصا ان ماما غادي تكون قالت ليه كلشي..مشيت تلاحيت فصدروو ودموعي نزلووا مسحتهم باش منبينش ليه
انا:على سلامتك بابا الحبيب..دابا عاد روحي رجعات لي!!
بابا :الله يسلمك حبيبة
كلشي جا عند بابا تيسلموا عليه ويباركو ليه على سلامتو كانوا كلهم تيبغيوه..حيت عمروا طغا ولا ظلم شي واحد..كان تيعتبرهم كاملين بحال ولادووو..
طلع بابا يرتاح لبيتوو..وانا قررت نمشي نوجد الوراق لي طلب المحامي..ماما شافتني خارجة:ياسمين فين ماشية ابنتي!؟؟
انا تلعتمت:لا ماما غي غي غير نجيب شي كاطوات راكي عارفة شويش والدنيا تعمر بالصحاب والعائلة..وداكشي عندنا بان لي مكافيش..
ماما:خليك نتي ابنتي الى جا شي حد استقبليه..خلي سعيد يمشي يجيبهم
انا:دابا ونكون هنا ماما ماتخافيش منتعطلش؟؟!!
مشيت قبل ما تشدني..وبحكم مكانة بابا وانه شخصية معروفة..استاطعت نصاوب كاع الوراق فوقت وجيز..ودزت بسرعة تقديت بلاطوات ديال الحلوى ومشيت للدار..
طلعت لبيتي دوشت بدلت عليا وهبطت لتحت..بداو اصدقاء بابا يتوافدوا..الجيران والحباب..بحكم انه انسان طيب ومحبوب حتى واحد متقاعس على زيارته..
كملنا البروتوكلات الاجتماعية..مشاو الناس بحالهم..وطلغت لبيتي نرتاح..
شويش جات الخدامة..طلباتني نتكلم لبابا..
بقا قلبي يضرب حيت عارفاه علاش صيفط ليا...!!!

ّلجزء 20

**قصص أم طه**


مشيت بتتاقل عند بابا..كنت خايفة من ردة فعلوو..وتندعي الله يقبل ومايعارضش..
لقيت معاه ماما ..فرحت حيت غاديا تدعمني وتكون فجنبي..
أنا وقررت نهاجم انا الاولى:بابا الحبيب بلا شك ماما قالت ليك على الصفقة ديال السيد لي قلت ليها..شنو رأيك أبابا..واخا انا راه تيبان ليا فرصة مزيانة ومعندناش بديل عليها..حبست كلامي وانا تنحاول ما أمكن نجنبو اي ضغط او عصب..
بابا:كيف ما قلتي ابنتي..معندناش بديل لكن مبغيتش ابنتي تتفرض عليك الخدمة بزز
انا:بالعكس ابابا راه فرصة مزيانة ليا راه انخدم فنطاق التخصصﻻديالي وغادي نكمل قرايتي..يعني غادي نضرب عصفورين بحجر..
بابا:وكيفاش غادي نسددو للسيد الاقساط
انا:غادي نبقاو نعطيوه جزء من الارياح ..هو راه عطانا نسددوا على مدة طويلة ابابا..
بابا:على هاد الحساب هاد السيد ملاك نزل علينا من السما فأول فرصة خاصني نتلاقاه ونشكرو
انا:ان شلطاء الله بابا غير يجي للمغرب يتعرف عليك..
خرجت من عندهم..وغاديا نطير بالفرحة حيت اخيرا بابا وافق ..حسيت بيه مسكين بحال لي كان تيغرق ومدوا ليه يد العون والانقاد..واحد الفرحة فعينيه لا تقدر بتمن وتستحق هاد التضحية لي غاندير..
نعست..فقت على صوت المنبه..كان اليوم موعدي مع المحامي باش نوقع صفقة على حياتي..نهار لي كنتزف فيه عروسة للمجهول..نهار لي كنتزوج بالوكالة واش كاين ذل بحال كثر من هذا..
وصلت عند المحامي..كلشي موجود الشهود ..الوراق العروسة..غير العريس لي لي ممساليش هه ضحكت على راسي وتفكرت واحد الفيلم ديال نجلاء فتحي..لي تزوجات بالوكالة..وفالخير لقات الوكيل عينو فيها..اويلي هاد البوبريس ديال المحامي والله تنخلي دار بوه..بقيت نضحك فيقني من افكاري المخامي وهو تيقولي :وقعي...
وقعت على خمس سنين مبيوعة من حياتي ..وخديت الورقة لي غادي ترجع لبابا كلشي ضاع منوو ..فلوويو وحتى صحته..
خديت الورقة ورجعت للدار..لقيت عائلة عمي كمال عندنا..حسام وهند فالجردة تيهضروا فرحت فاش شفتهم بزوج شافوني جاو عندي
حسام عينيه تيبريو:على سلامة عمي
انا :الله يسلمك حسام
عنقاتني هند وقلت ليها فودنيها:صافي كلشي سالا..وليت مدام بناني...
خرجات فيا عينيها بصدمة..عنقاتني بجهد..وبقات تبكي..حسام مافهم والو..
دخلنا للدار لقينا كلشي ناشط وفرحان ..
عمي كمال عيط ليا وانفرد بيا:شنو درتي ابنتي؟؟!
جبدت ليه الورقة:صافي اعمي !!
عنقني وتمنى ليا التوفيق..حسام مراقبني من بعيد ومافاهم والوو!!
خوات الدار..كلشي مشا بقيت غير انا وبابا. عطيتو الورقة..عرف بانه كلشي رجع ليه..عنقني ..وبقا يبكي..مخليتوش يتأتر باش ميمرضش:عافاك ابابا متبكيش..الحمد لله كلشي رجع ..ربي كبير هو لي خدا ليك هو لي رد ليك..ابتسم ابتسامة ومشى ينعس...
حسام عرض علينا انا وهند نتعشاوا باش نحتافلوا بخروج بابا من الكلينيك..وافقنا ..نيت كنا باغيين نبدلوا الجو ..وصلات العشية..لاول مرة من شحال هدي نلبس وندير ميكاب..لبست انا كسوة فالبيض تحت الركبة صاك وطالون فالكحل طلقت شعري الذهبي للريح..هند لبسات كسوة فالموف طالون وصك فالغري جينا غزالات..هبطنا لقينا حسام شافنا وبدا يصفر:هاي هاي على الاناقة فين كنتوا مخبيين هادشي..تعمدت نركب اللور..وركبات هند حداه..شاف فهند:قوليا دكتور شنبو فين كنتي مخبي هاد شي بقينا نضحكوا
هند:راه العيب ماشي فيا راه فعينيك لي تيشوفو غير المظاهر البراقة..
انا تنضحك:واو واحد لواحد تعادل..عطاتك ابا حسام هه
حسام:هند متقلقيش راه هدي باغا تخاصمنا
انا:احم احم
بقينا نضحكوا كاملين..كنت فرحاانة حيت بديت نحس بيهم بداو يتقربوا من بعضهم..
دازت السهرة غزالة ضحكنا ولعبنا..شطحنا..مرة انا مع حسام مرة هند..دوزنا ليلة غزالة..وصلنا حسام ومشا
كنا عيانين مافينا مايهضر..كل وحدة طلعات لبيتها ترتاح..
مع حطيت راسي على الوسادة صونا بورطابلي وكانت النمرة بريفي
جاوبت :ألوو
الصوت:مرات الرجل المحترمة متترقصش مع الرجال فنص الليل..هذا أخر انذار ولا ديك 15 يوم غادي تولي سيمانة.!!!!!..وقطع

لجزء21

**قصص أم طه***


قطع البورتابل..وانا تصدمت فبلاصتي..هديك النبرة ديال صوتو زعزعاتني..شكون هذا؟؟ واش يوسف؟؟ ومنين تيراقبني علاش مبغاش يقابلني؟؟..مصدومة وصافنة معرفت مندير..
صوتو الحاد خلعني صراحة..عمر شي جد خاطبني ولا تكلم معايا هاكدا..
مبغاش يجيني النعاس..الليل كامل..وانا تنفكر فهاد يوسف وفهاد الغموض ديالو..نهار على نهار تنزيد حقد وكره ليه..أخيرا نعست..
فقت متأخرة..دوشت ..وقررت نمشي لاصال حيت منين جيت من فرنسا ملعبت السبور..لبست سيرفيت فالنوار..سبادري فالابيض هزيت شعري ذيل حصان..درت نضاراتي الشمسية ونزلت..لقيت بابا فالجردة تيقرا الجورنال..حمدتك ياربي وشكرتك..مني بابا رجعات ليه صحتوو وعافيتوو..بستو ..ومشيت
كان لاصال قريب مشيت غير على رجليا..تلاقيت حسام لي موالفة نسلم عليه بالوجه..سلمت عليه باليد هو مافهم وابو..طلب يوصلني ورفضت..معرفتش لاش مت ورا المكالمة لي جاتني خفت بزااف ..ماشية وطوموبيل كحلة تابعاني..تلفت ليها وهي تدور:الله يارب مالي وليت غير موسوسة..استغفرت الله وكملت طريقي..
وصلت لصال..كلشي فرح بيا لبنات تيعنقوني..كلهم تقريبا صحاباتي وبنات جيرانا..ترينينا..وفاش سالينا قلبناها شعبي..ساعة وحنا نشطحوا وندردكوا..صراحة فرغت كاع داكشي لي كان متقل عليا فالشطيح والرديح ههه
رجعت للدار جلست مع والديا ..ضحكنا وتعاودنا..خبرتهم انه من بعد 12 يوم غانرجع لفرنسا باش نبدا الخدمة مع السيد..الله يسمح ليا..كون يعرفني بابا تزوجت بهاد الطريقة كون مشى فيها..طلعت لبيتي تكونيكطيت..هضرت مع زملاء فرنسا واخبرتهم انني غانبقا فالمغرب..
دازت الايام بالزربة وبقات غير يومين للمهلة المحددة..خرجت شريت كاع لي غادي نحتاج..من حوايج ومستلزمات..أدوية..اي حاجة طاحت ليا فالبال..شريت بيجامات كيطمات ومنسيتش شي حويجات بلديين وبليغة..زعما راني عروسة..
نهار قبل اتصل بيا المحامي وطلب نستعد حيت غدا غادي يوصلني..قلت ليه نتلاقاو فالمطار...
وصل النهار المحدد..قللي بدا تيضرب بأقصى سرعة ممكن تتخيلووها..سلمت على ماما وبابا عنقتهم وبكيت..واخا مبغيتش نبين..هند دموعها مبغاوش يحبسوا بحال الى تتودعني الوداع الاخير..رفضت انهم يوصلوني للمطار حيت عارفيني معزيزش عليا الوداع..
وصلني الشيفور للمطار ..بغا يوصل ليا الشوانط للداخل..لكن طلبت منو يخليهم ويمشي..سلمت عليه ومشا..
وديك الساعة ..وقفات عليا سيارة كحلة فغاية الفخامة ..والزاج فيمي..هبط منها الشيفور هز ليا شوانطي..
خرج عندي المحامي:مدام بناني..ها الشيفور ..ديال سي يوسف غادي يوصلك..!!
انا:ياك قلتي غادي توصلني انت؟؟!!
المحامي:هنا سالا الدور ديالي..الله يوفقك ابنتي..شفت فعينيه حزن دفين..بحال الى غاديين بيا للحتف ديالي
فتح لي الشيفور الباب:تفضلي الالة..
ركبت اللور..وعقلي مرفوع..قلبي تيضرب..غاديا لطريق غريبة..ومصير مجهول عند رجل غامض..ياترى فين غاتديك الايام وتجيبك أياسمين!!؟؟
بقيت نتخبط فأفكاري حتى داني نعااس...!!!!

الجزء22

** قصص أم طه**


بقيت غارقة فالنوم حتى ضرباتني الفيقة على صوت فران الطوموبيل..قفزت:واش وصلنا...
الشيفور:قربنا ألالة..!!
بقا ماشي فواحد الصف طويل ديال أشجار الصفصاف..ماشي ماشي حتى وصل لواحد البوابة كبيرة بزاااف..وعامرة بالعساسة من بره...
شافوا الطوموبيل ناضوا تيجريوا..فتحوا الباب الكبير ودخلنا..دخلنا فصف أخر ديال الاشجار بحال شي غابة..غير هادشي مرتب ومهندس..كل حاجة فبلاصتها..بقيت مبهوضة..من هاد الثراء الفاحش وهاد الفخامة الكبيرة ..بقات الطوموبيل داخلة..وانا تنتأمل..واش هدي غير فيرمة...هدي راه مدينة صغيرة..العمال منتشرين فكل بلاصة الخدامات كل وحدة باش مكلفة..كوريات البقر وكوريات الغنم..وحتى الدواجن ..
وقفﻻبيا قدام واحد الدار ..قصر ماشي دار الفخامة باين من الابواب..كلشي أرستقراطي وتيغلب عليه الطابع القديم داير بحال قصور حريم السلطان...واش فعلا كاين بحال هادشي فالمغرب..!!!
شداتني واحد الرهبة من المكان..دخلت وانا آثار للصدمة باينة عليا..وانا تنتأمل المكان..الاتات الفخم..اللوحات الاصلية ..الديكورات الفاخرة..كل حاجة فبلاصتها..كأنها يد فنان لي نظمات هادشي..قلت فنفسي:على مالهم غيغلبهم يجيبوا مهندسي الديكور..
داروا بيا الخدامات هزوا ليا شوانط طلعوهم..حسيت بارتاح نوعا ما..لكن اتسألت فينهو عريس الغفلة؟؟!!
جلست فواحد الصالون..حطوا ليا الخدمات ما لذ وطاب ولكن معندي شهية ..بقيت بحال الغريبة..تنتسنى امتى يجي هاد يوسف بقيت جالسة شي ساعتين..وانا تنفكر كيف غادي يكون هاد يوسف اكيد غادي يكون راجل الكبير..حيت هاد الاملاك كاملين خاصهم عمر طويل باش يداروا..
تمددت..وحسيت بالوحدة بحال شي كلبة مداها فيها حد..بسيف يعاملني هكدا.!!.انا لي بعت راسي ليه راه يبيع ويشري فيا دابا كيف بغا!! داتني عيني..
فقت على واحد الصوت ..وواحد النبرة حادة..تتغوت وتتذمر من كلشي أش هاد النظافة..؟؟!أش هاد النظام؟؟!!
والخدمات تيقفقفوا:واللللله اسسسيدي!!
غوت بجهد:سكتووني!!
الصوت تنعرفوا...هذا الصوت لي كلمني فالتيليفون..سمعتوا تيسولهم:فينهيا؟؟!!
الخدامة:فالصالون أسيدي..!!
سمعت رجليه تتقرب مني كلي تنقفقف ونترعد ..وقف عليا..وقفت وهزيت راسي...وزادت صدمتي وتشللت منين لقيت راسي قدام...شاب فالثلاتينات..غاية فالوسامة..سمر وشعر كحل طويل بزاف ومفورمي..بقيت حالة فمي هو تيطلعني ويهبطني
كنت لابسة دجين وجاكيط كوير شعري الحريري مطلوق..بقيت ساكتة ونظراته تتخترقني وتنحس بيها بحال النار تتكويني..!!
هو:نتي الالة هي صاحبة الصون والعفاف سليلة البناني ..وطلق ضحكة خوفاتني..
أنا جاوبتوا بكل عجرفة:هي انا !وانت هو يوسف بناني ..قلتها وانا تنتهكم..!!
يوسف:كيف ما توقعت نفس العجرفة و نفس الجبرووت لي فيكم..ولكن لا !!دابا جيتي باش تترباي هنا وتتروضي..قرب عندي وشدني من وجهي وجرني عندووو:دابا امراتي العزيزة طلعي وجدي راسك ليا ..انا جاي..وضحك ضحكة شريرة
عيط للخدامات :طلعوها لبيتها!!
بقيت مصدومة من هضرتوا الله ياربي اش هاد الحيوان..علاش حاقد عليا شنو درت ليه؟؟
طلعت للبيت كان كبير وزوين لكن حسيتو بحال الحبس بالنسبة ليا..كلمة وحدة لي تترن فودني: وجدي راسك ليا!! وجدي راسك ليا!!حسيت براسي بحال بنات الليل..قالها لي بحال الى راني ماشي مراتو..بحال شي وحدة بغاها لغرضوو!!!
دخلت دوشت ..نشفت شعري ..ولبست بيجامتي عادية..وجلست..شوية تنسمع رجلين طالعين فالدروووج..قلبي تيضرب تيضرب..وهو يتفتح الباب...!!!

الجزء 23

**قصص أم طه**


تفتح الباب..كان هو لابس لاكوسط فالبيض ودجين ..عطر ديالو غير دخل طغا على المكان..دخل بكل تقة وبدون ما يحرك فيه وجودي اي حاجة..مقال حتى السلام..شاف فيا بنظرة كره واحتقار:آش هاد شي لابسة ..معرفتيش ابنت الفشوش ان اليوم الدخلة ديالك وخاصكي تلبسي لبسة تليق بالمناسبة وغمزني
انا بنرفزة:هادشي لي عندي ..!
مشا لواحد البلاكار..جبد واحد شوميز فالاحمر رماه على وجهي..نخرج من الدوش نلقاك لابسة هدا!!..بلا ديم النفخة الخاوية ديالك..راه منين دخلتي هنا وليتي من أملاكي ..!!يعني نفدي الاوامر بالسكات!!وبلا منفكرك علياش وقعتي!! وغوت فهممممتي..دفعني ودخل يدوش..
حسيت بواحد الذل وبواحد القهرة..بقيت نبكي نبكي..علاش تيدير ليها هاكدا علاش؟؟!شنو درت ليه تيهيني ويمرمط بكرامتي للارض!!
ولكن راه هادشي تواحد بززو عليا انا لي اختاريتو..ايوا خاصني نتحملل قراري..وقفت وتقتلات فيا كاع الاحاسيس..وليت..بحال دمية او تمتال..لبست الشوميز كان معري بزااف..احتاقرت راسي..كنت ديما تنتخيل هاد الليلة ..ديال الحب والاحاسيس الزوينة..لكنها تقلبات ليا لكابوس..وكابوس فضيع..
خرج عريان ريحة شامبو تتفوح منو..كان وسيم لاقصى حد..لكن قلبوو كحل..طاغية وقاسي..وكرهت النهار لي سمعت فيه سميتوو..خرح عريان لابس شورت قصير..شفت وليت حمرا أول مرة نشوف راجل عريان وقريب مني..هو محركتش فيه الساكن..بحال الى شي مونيكة محطوطة تتسناه..مشا شرب الما وجا لعندي..كنت كنتمنى ليلة دخلتي..راجلي نصلي انا وياه ويدير الدعاء باش ربي يبارك لينا فبعضنا..لكن هاد الوحش..قرب عندي..جرني بكل وحشية وانقض عليا بحال الفريسة..انا تنغوت وندفع فيه..لكن قوته طغات عليا ..خدا مني لي بغا بكل وحشية..وبغريزة حيوانية ..محال واش هدا فيه شوية الادمية..كمل وقف وقالي:مكنتش تنضنك ابنت البناني مزالvierge..وبقا يضحك بسخرية
انا بقيت نغوت بكل ألم وبكل قهرة:انت حيوان محال بنادم..شنو يحساب ليك انا بنت الزنقة انا راني بنت الاصل والفصل..وانت هاد السمية راك متستحقهاش..غير دخيل عليها الهمجي..كملت كلامي انقض عليا بحال الوحش تيضربني وانا تنغوت وتنبكي ..دخل يدوش وخلاني عامرة دمايات..بقيت نبكي ونغوت..ولا من يسمعني لا حنين لا رحيم!!
اغتاصبني بكل وحشية..قتل عذريتي..قتل نقائي..وخلاني مرمية وانا تننزف من قوة الايلاج..
خرج من الدوش وجا نعس حدايا ..بدون متحرك فيه حالتي اي شفقة او رحمة..بقيت نبكي ونتنخصص وهو يفوت:سكككتي ..خليني ننعس!!
قطعت حسي..وانا مخنوقة والليل كامل منعستش ..وهو حدايا محاستش كاع بالذنب لي دار...!!!

 الجزء 24

** قصص أم طه**

ضرباتني الفيقة على صوت غواتو..وهو كيدفعني بيديه:واش منفطرووش؟؟!!
يالله طلقي راسك هبطي صاوبي ليا الفطور..باش نوريك خدمتك..
أنا مزال تنتألم ومقادراش نتحرك السخانة طالعة ليا جاوبتو ومقدراش نهضر:حرام عليك..واش مكاينش فقلبك الشفقة والرحمة..راني مقادراش نوض مقادراش!!وبقيت نبكي
يوسف:شوفي باركة من التبوحيط..نتي وقعتي باش تخدمي عندي..وانا ماقابل حتى عذر وراكي عارفة بلي حياة باباك بين يدي..غير سمعت بابا وانا نوض ..دفعني جيهت الدوش:دخلي غسلي وسخك!!وهبطي نوريك خدمتك..مكنتش قادرة نزيد تنتحرق ونتعدب..حيدت حوايجي لحمي زرق بالضرب..تخشيت تحت الدوش ونزلوا دموعي بقوة كبيرة الما كينزل مخلط بالدم لي نزف مني..والجرح تيحرقني..تنغسل الجسم ديالي باشمئزاز..كاع البلايص لي قاسني فيهم..كرهت لحمي لي وسخو ليا..خرجت لبست سيرفيت نشفت شعري ونزلت غير بمشقة وصعوبة..لقيتو داير رجل فوق رجل وتيعايني. انا هابطة تنعرج ومقدراش نفرق رجليا..وهو تيشوف فيا بعصبية:سربي خلاااص..بديت تنزرب تنزرب وانا تنتألم..وصلت عندوو..بدا مجرجرني..وانا تنتقصح..حتى وصلت للكوزينة:يالله وجدي ليا لفطور راه دابا الكوزينة مسؤوليتك ..مبغيتش الخدامات يوجدوا ليا..بغيت مراتي بنت البناني تطيب ليا...وخرج خلاني:متعطليش !!
الكوزينة كبيرة بزاف بحال ديال المطاعم ..مكاينينش الخدمات تما..معرفتش فين كاينة كل حاجة..بديت نقلب ونقلب..شوية جات واحد الخدامة مرة كبيرة:بدات توريني كل حاجة وبلاصتها:بنتي سي يوسف تيبغي اتاي فالصباح وقهوة فالعشية..راه كلشي كاين فالكونجيلاتوغ..ملاوي واي حاجة بغيتيها..سمحي ليا بنتي بغيت نساعدك لكن.!!..وسكتات
عرفتها مسكينة عبد المؤمور..بديت نوجد ونقاد عنرت ليه اتاي..وسخنت ملاوي.حطيت العسل والزيدة واي حاجة بانت لي باش نتجنب هضرتوو..
هزيت بلاطوو وغادا بيه لعندوو..مع متنقدرش نزيد ..والالم تيزيد عليا محسيتش بالبلاطو حتى طاح..!تخلعت بزااف
قرب عندي :والديك معلموكش حتى تهزي بلاطو ابنت الفشوش..!!من الصباح وانا نتسنى الفطور ودابا طيحتيه!!
بديت نترعد نترعد:رانني ..راه هو...
محسيتش بيه حتى جمع واحد الطرشة ونزل عليا..فديك اللحظة طحت و مبقيت عاقلة على والوو..

يتبع في الجزء الثاتي /

شارك الموضوع

مواضيع ذات صلة